دیاردەی وشکەساڵی لە هەرێم دەردەکەوێت، تکایە جوتیاران پێش چاندن وریابن.
شیکردنەوەی داتاکانی چەند ناوچەیەکی هەرێمی کوردستانی ئەمساڵ بە سوود وەرگرتن لە تەکنەلۆجیای سەردەم، بەهۆی کەمی بەفر و بارانی ئەمساڵ ئاستی وشکی خاکی هەرێمی کوردستان لە ئاستێکی مەترسیدار دایە.
لە وێنەی یەکەم دەردەکەوێت لە قوڵی سفر مەتر بۆ 40 سانتیمەتر، بەرەنگی زەردێکی کاڵ دەردەکەوێت و لە چەند شوێنێکی دیکە رەنگەکە تۆختر دەبێتەوە، کە نیشانەی کەمی ئاوی ژێر زەوییە کە هەریەک لە ناوچەکانی پارێزگای هەولێر بەسەنتەری شار و ناوچەکانی دەوروپشتی، سنوری چوارچێوەی پارێزگای دهۆک بەڵام ناوەندی شار بۆ ئەو قوڵیە هێشتا دڵخۆشکەرە، پاشان گوندەکانی دەوروپشتی قەزای چەمچەماڵ لەگەڵ ناوچەکانی پارێزگای کەرکوک و کفری و خوار و ناوەراستی عێراق دەگرێتەوە .
تەنیا لە قوڵی 100 سانتیمەتر چەند ناوچەیەکی سنوری پارێزگای سلێمانی بەر ووشکبوونەوەی خاک دەکەوێت و هیچ تۆوێک تێدا چەکەرە ناکات و شێی پێویستی نییە بۆ گەشەکردن، بۆیە کشتوکاڵکردن لە پارێزگای هەولێر دەکەوێتە مەترسییەوە و دەبێت جووتیارانی ئەو ناوچانە بە وریایی زیاترەوە بەرهەمەکانیان بچێنن یان رووبەری چاندن کەمبکەنەوە ئەمەش لە قازانجی دارایی خۆیانە.
تا ئێستا سنووری پێنجوێن و دەشتی شارەزوور سەلامەتە و پێویستە ئەمانیش بەهۆی کەمی بەفربارینەوە کە سەرچاوەیەکی باشە بۆ ئاوی ژێر زەوی راوێژ بە ئەندازیاری کشتوکاڵی یان سەنتەری رێنمایی ناوچەکانیان بکەن بۆ بڕ و رووبەری چاندنی بەرهەمەکانیان تا زەرەرمەندی دارایی نەبن
ئەندازیاری کشتوکاڵی – رۆژیار سیروان
