وتەبێژی گەشتوگوزاری سلێمانی ڕایگەیاند، لە سێیەم رۆژی جەژنی رەمەزاندا 70%ـی هۆتێل و ناوچە گەشتیارییەکان پڕبوون لە گەشتیار.
گۆران قادر، وتەبێژی گەشتوگوزاری سلێمانی ڕایگەیاند: لە سێیەم رۆژی جەژنی رەمەزانەوە، هاتنی گەشتیاران بەلێشاو بۆ شاری سلێمانی دەستیپێكردووە و سەرجەم هۆتێل و ناوچە گەشتیارییەکان ئامادەكارییان بۆ هاتنی گەشتیار كردووە.
باسی لەوەشکرد: ئەوەی تائێستا بە ئێمە گەیشتووە، 70%ـی هۆتێل و ناوچە گەشتیارییەکان پڕبوون لە گەشتیار و شوێنیان نەماوە، هاوکات زیاد لە 100 گروپی گەشتیاری، لەم چەند ڕۆژەدا سەردانی شاری سلێمانییان كردووە.
ئاماژەی بەوەشکرد، لە شاری سلێمانی شوێنی مانەوەی یەك كەس لە پێنج هەزار دینارەوە دەستپێدەکات تا نزیكەی 100 دۆلار.