لەجیهاندا کاریگەری درێژخایەنی سورێژە لەسەر سییەکان لە منداڵاندا بەردەوام دەبێت و جیهانیش هۆشداری دەدات.
نیویۆرک تایمزی ئەمریکی بڵاویکردەوە، لە هەر ٢٠ منداڵێک کە تووشی نەخۆشی سورێژە دەبن، یەکێکیان تووشی هەوکردنی سییەکان دەبێت، کە هۆکاری سەرەکی مردنە لە نێوان منداڵانی تووشبوو بە ڤایرۆس بەتایبەت ئەوانەی گرفتی هەوکردنی سییەکانیان هەیە.
زۆربەی حاڵەتەکانی سورێژە لەم ساڵدا لە نێو منداڵاندا تۆمارکراون، بەڵام گەورەکانیش مەترسی تووشبوونیان بەم ئاڵۆزییە مەترسیدارە هەیە، گەورەساڵانی سەرووی ٢٠ ساڵ و منداڵانی خوار پێنج ساڵ زیاتر تووشی گرفتەکانی سورێژەن.
ئەو ژنانەی دووگیانن و تووشی سورێژە دەبن، ئەگەری تووشبوونیان بەو گرفتانە زیاترە و تووشی هەوکردنی سییەکان دەبن، هەروەها مەترسی لەبارچوون یان پێشوەختە منداڵبوونیان زیاتر دەبێت.
ڤاکسینەکان چارەسەرن
ڤاکسینی سورێژە پارێزگارییەکی کاریگەر لە دژی ڤایرۆسەکە دابین دەکات، نەک تەنها لە دژی خودی نەخۆشییەکە، بەڵکو لە بەرامبەر ئەو گۆرانکارییە تەندروستیانەشی کەلەدوای تووشبوون بەو ڤایرۆسە سەرهەڵدەدەن.
دکتۆر واڵتەر ئۆرنشتاین، پرۆفیسۆری ئیمێریتس لە زانکۆی ئیمۆری و بەڕێوەبەری پێشووی پرۆگرامی کوتانی نیشتمانی دەڵێت: “ڤاکسینەکان بەرگرییەکی تەواوی تەمەن لە دژی ڤایرۆسەکە دابین دەکات.
لە حاڵەتە زۆر دەگمەنەکاندا، نەخۆشییەکە دەتوانێت گەشە بکات و ببێتە حاڵەتێکی کوشندە کە پێی دەوترێت هەوکردنی ژێر مێشکی ئیسکلەرۆزی ژێر توند (SSPE)، کە حەوت بۆ ١٠ ساڵ دوای تووشبوون بە سورێژە دەردەکەوێت؛ ئەم حاڵەتە هیچ چارەسەرێکی نییە و دەبێتە هۆی گرژبوونی سەرئێشە و تێکچوونی بەرەوپێشچوونی کۆئەندامی دەمار.
سەرچاوە: نیویۆرک تایمز