بەپێی خشتەی وەزارەتی دارایی و ئابووری هەرێم، ئەمڕۆ سێشەممە، مووچەی 11 وەزارەت و شوێن دابەش دەکرێت و کۆتایی بە دابەشکردنی مووچەی مانگی شوباتی مووچەخۆران دێت.
بەپێی خشتەکەی وەزارەتی دارایی هەرێم ئەمڕۆ ئەم وەزارەت و شوێنانە مووچەی مانگی شوبات وەردەگرن:
وەزارەتی کارەبا
وەزارەتی ئەوقاف و کاروباری ئاینی
وەزارەتی خوێندنی باڵاو توێژینەوەی زانستی
سەرۆکایەتی پەرلەمان
سەرۆکایەتی ئەنجومەنی وەزیران
سەرۆکایەتی هەرێم
وەزارەتی پێشمەرگە (دیومان و لیواکان)
یەکەکانی 70 و 80
بەڕێوەبەرایەتی پۆلیسی دامودەزگا نەوتییەکان
ئەنجومەنی ئاسایش و دەزگای ئاسایش
هێزی زێرەڤانی و فەرماندەی بەرگری و فریاکەوتن.
هاوکات شەوی ڕابردوو، پێشەوا هەورامانی، وتەبێژی حكومەتی هەرێم ڕایگەیاند: “ڕۆژی سێشەممە، لیستی مووچەی مانگی سێ بۆ بەغداد دەنێردرێت و هەموو شتێك تەواو بووە”.
پێشەوا هەورامانی ئەوەشی خستەڕوو: “ئێمە حیسابی ئەوەشمان کردووە ئەگەر بەغدا بیانوێک بگرێت ئێمە پێنج شەش ڕۆژمان لە پێشە بۆ چاککردنی بیانوەکان”.