بەدەر لەو خشتەیەی کە وەزارەتی دارایی بڵاویکردووەتەوە، ئەمڕۆ فەرمانبەرانی سێ وەزارەت لە ڕێی “هەژماری من”ەوە مووچە وەردەگرن.
پرۆژەی هەژماری من ڕایگەیاند، ئەمڕۆ مووچەخۆرانی تۆمارکراو لە هەژماری من سەر بەم فەرمانگە و یەکە ژمێریاریانەی سەر بەم وەزارەت و فەرمانگانەی خوارەوە کورتەنامەیان پێ دەگات و دەتوانن مووچەکانیان لە ڕێی ئامێرەکانی ڕاکێشانی پارە وەربگرن.
ڕاشیگەیاند، فەرمانبەرانی وەزارەتەکانی پەروەردە، تەندروستی و خوێندنی باڵا و توێژینەوەی زانستی ئەمڕۆ مووچەکانیان لەڕێگەی هەژماری منەوە وەردەگرن.
فەرمانبەرانی ئەم وەزارەتانە دوای ئەوەی کورتەنامەیان پێ گەیشت، ئەو کات دەتوانن بچن پارەکانیان وەربگرن.
