هاوسەرۆکی فەرمانگەی پەیوەندییەکانی دەرەوەی خۆسەر ڕایدەگەیەنێت ئامانجی ڕێککەوتنەکەی نێوان مەزڵوم عەبدی و ئەحمەد شەرع ڕاگرتنی هەموو ئۆپەراسیۆنە سەربازییەکانە و هیواشی خواست ببێتە هۆی بەشداریکردنی ڕاستەقینەی کورد لە پرۆسەی سیاسیی سووریادا.
ئیلهام ئەحمەد، هاوسەرۆکی فەرمانگەی پەیوەندییەکانی دەرەوەی خۆبەڕێوەبەریی باکوور و ڕۆژهەڵاتی سووریا دەربارەی ڕێککەوتنەکەی نێوان مەزڵوم عەبدی و ئەحمەد شەرع ڕایگەیاند، ڕێککەوتنی نێوان هێزەکانی سووریای دیموکرات و ئیدارەی ڕاگوزەری سووریا لە چوارچێوەی ئەو ڕووداوە ئازاربەخشانەدا دێت کە بەسەر گەلەکەمان دێت لە کەناراوەکان، هەروەها هەنگاوێکە بە ئامانجی ڕاگرتنی و ڕاگرتنی هەموو ئۆپراسیۆنە سەربازییەکان لەسەر خاکی سووریا.
ئیلهام ئەحمەد ڕاشیگەیاند هیوادارین ئەم ڕێککەوتنە ڕێگە خۆش بکات بۆ ئاشتەواییەکی نیشتمانی هەمەلایەنە و ڕێڕەوێکی دادپەروەری ڕاگوزەری ڕاستەقینە کە بەشداریکردنی کورد و هەموو پێکهاتەکانی تر لە پرۆسەی سیاسیدا دەستەبەر بکات.
هیواشی خواست ڕێککەوتنەکە گەڕانەوەی ئاوارەکانی ناوخۆ و کۆچبەرانی دەرەوەی وڵاتی لێبکەوێتەوە.
ئیلهام ئەحمەد ڕاشیگەیاند، هێزی سووریا لە فرەڕەنگی و لێهاتوویی کوڕ و کچەکانیدایە.