هێزەکانی سووریای دیموکرات بە پاڵپشتی فەرماندەیی ناوەندی ئەمریکا، سەرۆکی شانەی داعش دەستگیر دەکەن
ڕۆژی 6ی ئادار، هێزەکانی سوریای دیموکرات بە پاڵپشتی فەرماندەیی ناوەندیی ئەمریکا (CENTCOM) هەڵمەتێکیان ئەنجامدا و سەڵاح محەمەد عەبدوڵڵا، سەرۆکی شانەیەکی داعشیان لە دەوروبەری ئەل شهەیل لە سووریا گرت.
ئۆپراسیۆنی سەرکردایەتی هێزەکانی سووریای دیموکرات لە چوارچێوەی هەڵمەتی بەردەوامی تێکشکاندنی داعش بۆ هەڵوەشاندنەوەی تۆڕەکانی داعش و پێشگرتن لە سەرهەڵدانەوەی ئەو تاقمە تیرۆریستییە لە ناوچەکەدا دێت.
بەپێی بەیاننامەکە هێزەکانی سێنتکۆم لە کاتی ئۆپەراسیۆنەکەدا بە پێشکەشکردنی پشتیوانی تەکنیکی و هەواڵگری هێزی ئاسمانی چالاکییەکەیان پتەوتر کرد و توانرا ئەو سەرکردەیە دەستگیربکرێت.