کەشناسی هەرێم ڕایگەیاند، بارانبارین لە ناوچە جیاوازەکانی هەرێم بۆ ئەمڕۆ و سبەینێ یەکشەممە بەردەوامی دەبێت و پلەکانی گەرما نزم دەبنەوە.
بەپێی ڕاپۆرتی کەشناسی هەرێم، ئەمڕۆ شەممە ئاسمان هەورى باراناوى دەبێت، رێژەى دابارین لە پارێزگاكانی سلێمانی و هەڵەبجە و ئیدارەی گەرمیان زیاترە بەراورد بە ناوچەکانى ترى هەرێم.
باسی لەوەشکردووە: پلەکانی گەرما بە نزیکەی دوو بۆ چوار پلەى سیلیزى نزمتر دەبێت لە تۆمارکراوەکانی دوێنێ.
لە بارەی کەشوهەوای سبەینێ یەکشەممە، کەشناسی ئەوەی وتووە: ئاسمان دووبارە هەوری تەواو دەبێت لەگەڵ بارینی باران لە هەندێ كات و شوێن، لە كاتەكانی ئێوارەدا هەندێ جار باران بارین بەشێوەی لێزمە باران دەبێت.
دەشڵێت: پلەکانی گەرما نزیك دەبێتەوە لە تۆمارکراوەکانی ئەمڕۆ وەک لە خوارەوە ئاماژەیان پێدراوە.
بەرزترین پلەکانی گەرمای پێشبینیکراو بە پلەی سیلیزی:
هەولێر: 19 پلەی سیلیزی
سلێمانی : 16 پلەی سیلیزی
دهۆک: 18 پلەی سیلیزی
کەرکوک: 20 پلەی سیلیزی
زاخۆ: 18 پلەی سیلیزی
هەڵەبجە: 16 پلەی سیلیزی
سۆران: 17 پلەی سیلیزی
حاجی ئۆمەران: 3 پلەی سیلیزی
گەرمیان: 20 پلەی سیلیزی