شارەوانی کفری لەبارەی دابەشکردنی زەوی بەسەر مامۆستایان و فەرمانبەران و خانەنشینان دەڵێت”کارکردن بەردەوامە و بەم نزیکانە هەواڵی مژدەبەخش رادەگەیەنین”.
شارەوانی کفری، لە بلاوکراوەیەکدا رایگەیاند، کارکردن بۆ جیاکردنەوەی و ئامادە کردنی زەویەکانی مامۆستایان و فەرمانبەرانی کفری بەردەوامە، و سەرۆکایەتی شارەوانی کفری و تێبینەرایەتی تاپۆی کفری و فەرمانگەی ئاوی کفری بە بێ ماندوو بوون بەشەو ڕۆژ بەردەوامن لەپێناو تەواو کردنی کارەکانی زەویەکانی کەرتی ٩ تلیشان.
ئاماژەی بەوەشداوە، کارکردن بەرەوکۆتایی دەچێت تاوەکو ئامادە بکرێت بۆ دابەشکردنی بەسەر مامۆستایان و فەرمانبەران و خانە نشینان و هێزە ئەمنییەکان وە لە ئێستادا زۆربەی کارەکانی تەواو بووە، کە پێکدێت لە نەخشەکێشان و ئیفراز کردن و ڕوپێوکردن و دانانی ژمارە بۆ سەرجەم زەویەکان.
شارەوانی کفریش دەڵێت” ئەمە هەنگاوێکی گەورەیە بۆ تەواوکردنی ئەم زەویانە وە داهاتوویەکی نزیکیشدا دابەشکردنی ئەم زەویانە دەبێتە موژدانەیەکی خۆش بۆ تەواوی فەرمانبەران و مامۆستایان و خانە نشیان و هێزە ئەمنیەکان”.