بەهای دۆلاری ئەمریكی بەرامبەر بە دیناری عێراقی زۆرترین دابەزینی تۆماركرد.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ماوەی دوو ڕۆژە بەهای دۆلار لە دابەزیندایە و ئێوارەی ئەمڕۆ لەكاتی داخستنی بازاڕی دۆلارەكەدا، بەهای 100 دۆلار بوو بە 148 هەزار و 600 دینار.
پەیامنێری (خەڵك) لە هەولێر ڕایگەیاند، بەهای دۆلار لە بۆرسەی هەولێر دابەزیوە و 100 دۆلار بووە بە 148 هەزار و 500 دینار.
ئەمە لەكاتێكدایە، كە ماوەی چەندین مانگە بەهای ئەو دراوە ئەمریكاییە لەسەرووی 150 هەزار دینارەوەبوو.