دوای دابەزینە خێراکەی دوێنێی نرخی زێڕ، جارێکی دیکە دەستی بە بەرزبوونەوە کردەوە.
ئەمڕۆ پێنجشەممە، نرخی ئۆنسەیەک زێڕ لە بازاڕەکانی جیهاندا گەیشتە دوو هەزار و 922 دۆلار. ئەویش دوای ئەوەی دوێنی نرخەکەی بە هۆی داتاکانی هەڵاوسانی ئابووری ئەمریکاوە تا دوو هەزار و 864 دۆلار دابەزی.
هەڵکشانی نرخی زێر بۆ مەترسییەکانی پەرەسەندنی جەنگی ئابووری نێوان ئەمریکا و چین دەگەڕیتەوە کە لە دوای دەستبەکاربوونی دۆناڵد ترەمپ لە پۆستی سەرۆکایەتی ئەمریکادا دەستیپێکردووە.
نرخی زێڕ لە بازاڕەکانی هەرێمی کوردستانیشدا بەم شێوەیە مامەڵەی پێوەدەکرێت:
مسقاڵێک زێڕی عەیارە 18 بە 527 هەزار دینار
مسقاڵێک زێڕی عەیارە 21 بە 615 هەزار دینار
مسقاڵێک زێڕی عەیارە 24 بە 703 هەزار دینار