ئێمە لە تۆرە کۆمەڵایەتیەکان

ئابوری

خەڵك؛نوێترین زانیاری دەربارەی هاتنی پارەكەی بەغدا بۆ مووچەی فەرمانبەران


خەڵك-ئارام سەردار

جێگری سەرۆكی ليژنەی دارایی وئابووری لە پەڕلەمانی عیراق ڕایدەگەیەنێت ، هیچ هۆكار و كێشەیەكی سیاسی نیە بۆ دواكەوتنی پارەی مووچە، تەنها كێشەی تەكنیكی هەیە و لەئایندەیەكی نزیكدا پارەكەی بەغدا بۆ مووچەی فەرمانەبەران دەگاتە هەرێمی كوردستان.

ئەحمەد صەفار، جێگری سەرۆكی ليژنەی دارایی وئابووری لە پەڕلەمانی عیراق لەبارەی دواكەوتنی پارەی مووچە لەبەغداوە بۆ هەرێم بە(خەڵك)ی ڕاگەیاند، هیچ هۆكار و كێشەیەكی سیاسی نیە ، بەڵكو كێشەیەكی تەكنیكی هەیە، لە وەزارەتی دارایی و ئابووری عیراق.

لەبارەی كێشەكەش دەڵێت، “گۆڕانكاری لەبەڕێوەبەری گشتی كراوە بۆیە پارەكە دواكەوتووە، بەڵام لە ئایندەیەكی نزیك پارەكەی بەغدا بۆ مووچەی فەرمانەبەران دەگاتە هەرێمی كوردستان”.

بەپێی ڕێككەوتنی نێوان هەولێر و بەغدا، مانگانە حكومەتی عیراق بۆ مووچەی فەرمانبەران بڕی 453 ملیار دینار ڕەوانەی هەرێمی كوردستان دەكات ، مانگانەش لە 15 تاوەكو 20 مانگ ئەو پارەیە دەخرایە سەر ژمارە بانكی وەزارەتی دارایی و ئابووری هەرێم، بەڵام تا ئێستا لەم مانگە پارەكە نەخراوەتە سەر ژمارە بانكی وەزارەتی دارایی و ئابووری و پارەكە دوواكەتووە.

ئابوری

لەسەر دابەشكردنی مووچە پارێزگاری هەڵەبجە هاتەدەنگ


خەڵك- بەشی هەواڵ
سەرەڕای قەدەغەی هاتووچۆ و دانانی ڕێكاری خۆپارێزی بۆ دابەشكردنی مووچە، ئەمڕۆ لەكاتی دابەشكردنی مووچە لە هەڵەبجە قەرەباڵغییەكی زۆر دروست بووە و بەهۆیەوە پارێزگاری شارەكە ڕوونكردنەوەیەكی بڵاوكردەوە،

ئازاد تۆفیق، پارێزگاری هەڵەبجە لە ڕوونكردنەوەیەكدا ئاماژەی بەوەكردووە، “بەداخەوە ئەمڕۆ لە كاتی دابەشكردنی مووچەی خانەنشینان، كەمترین پابەندبون بەدیكرا، بۆیە بۆ پاراستنی تەندروستی هاووڵاتیان ناچاربوین، هێزی ئاسایش و پۆلیس زیاد بكەین”.

جەختیشی كردۆتەوە، سبەینێ‌ چوار شەممە ڕێكاری تایبەت لەبەردەم بانكەكانی هەڵەبجە لەكاتی دابەشكردنی مووچەدا دەگیرێتەبەر.

No photo description available.

بەردەوام بە لە خوێندنەوە

ئابوری

عیراق سەرجەم دەروازە سنوورییەكانی لەگەڵ دوو وڵات داخست


خەڵك- بەشی هەواڵ
دەستەی دەروازە سنوورییەكانی عیراق ڕایدەگەیەنێت، كە سەرجەم دەروازە سنورییەكان لەگەڵ ئێران و كوەیت بەتەواوی دادەخرێن و دەشڵێت: “قەدەغەكە هاتووچۆی گەشتیارانیش و بازرگانیش دەگرێتەوە”.

دەستەی دەروازە سنوورییەكانی حكومەتی عیراق لە بەیانننامەیەكدا ئاماژەی بەوەكردووە، ئەو ڤیدیۆیەی لە تۆڕە كۆمەڵایەتییەكان بڵاوكراوەتەوە، كە تێیدا دەردەكەوێت لە پارێزگای بەسڕە بە بارهەڵگر هاووڵاتیان بە كۆمەڵ دەگوازرێنەوە و لەلایەن ئۆتۆمبێلی پۆلیسەوە پارێزگارییان لێ‌ دەكرێت، هیچ بنەمایەكی نییە و ڕاست نییە.

ڕاشیگەیاندووە، “ڕاستی ڤیدیۆكە ئەوەیە، كرێكارانی تورك پارێزگاكە بەجێ‌ دەهێڵن و دەگەڕێنەوە وڵاتەكەی خۆیان لەڕێگەی دەروازەی فڕۆكەخانەی نێودەوڵەتی بەسڕەوە”.

ئاماژەی بەوەشكردووە، كە دەروازە سنوورییە وشكانییەكان لەگەڵ هەردوو وڵاتی دراوسێ‌ (ئێران و كوەیت) بەتەواوی بەڕووی گەشتیاران و جوڵەی بازرگانی داخراون.

بەردەوام بە لە خوێندنەوە

ئابوری

نرخی دۆلار لە بەرزبوونەوەدایە


خەڵك- بەشی هەواڵ

نرخی دۆلار لە بازاڕەكانی عیراق و هەرێمی كوردستان بەرزبوونەوە بەخۆوەدەبینێت، ئەمەش بە بۆچوونی زۆرێك لە چاودێران، پەیوەندی بە دابەزینی نرخی نەوت و كاریگەرییەكانی بڵاوبوونەوەی كۆرۆناوە هەیە.

ئەمڕۆ سێ‌ شەممە نرخی دۆلار لە بۆرسەی كیفاح و بازاڕەكانی تری ناوخۆی عیراق و هەرێمی كوردستان بەرزبوونەوەی بەخۆوەبینی و نرخی 100 دۆلار لە بۆرسەی گیفاح- بەغدا بە 124.500 دینار مامەڵەی پێوەكرا.

بەپێی زانیارییەكان، نرخی فرۆشتنی 100 دۆلار لە نوسینگەكانی ئاڵوگۆڕی دراو بە 125.000 دینار بووە، نرخی كڕینیش بە 123.500 دینار بووە.

ماوەیەكی زۆر نرخی 100 دۆلاری ئەمریكایی لە بازاڕەكانی دراوی عیراق و هەرێمی كوردستان لە 120.000 دیناردا جێگیربوو، بەڵام دابەزینی نرخی نەوت لە بازاڕەكانی جیهان و بڵاوبوونەوەی ڤایرۆسی كۆرۆنا لە جیهاندا، وایانكرد نرخی دۆلار ڕوو لە بەرزبوونەوە بكات، لەگەڵ ئەمەشدا پێشبینی دەكرێت لەماوەی چەند ڕۆژی داهاتوودا و لەڕێی كردنەوەی دەروازەكانی فرۆشتنی دراو لەلایەن بانكی ناوەندی عیراقەوە، نرخی دراوە ئەمریكاییەكە لە بازاڕەكانی ناوخۆدا داببەزێت.

بەردەوام بە لە خوێندنەوە

کوردستان