ئێمە لە تۆرە کۆمەڵایەتیەکان

کوردستان

لە هەولێر بڕیار لەسەر پشووی خوێندن دەدرێت


خەڵك-ئارام سەردار
ئەندامێكی ئەنجوومەنی پارێزگای هەولێر ڕایدەگەیەنێت، پرسی ڕاگەیاندنی پشوو بۆ حكومەت جێهێڵدراوە، بەڵام ئەگەر ئەمڕۆ ئەنجوومەنی وەزیران بڕیار لەبارەی پشووی ناوەندەكانی خوێندن نەدات، سبەی لەكۆبوونەوەی ئەنجوومەنی پارێزگا پێشنیاری گفتوگۆكردن لەسەر ئەو پرسە دەكەین.

دلێر حوسێن، ئەندامی ئەنجوومەنی پارێزگای هەولێر ڕایدەگەیەنێت، هەفتەی ڕابردوو داوایەكمان پێشكەش كرد تاوەكو ئەنجوومەنی پارێزگا كۆببێتەوە و بڕیار لەبارەی پشووی ناوەندەكانی خوێندن بدات بەهۆی نزیك بوونەوەی نەخۆشی كۆڕۆنا، بەڵام پێمان ڕاگەیەنرا ئەوە پرسێكی گشتگیرە و هەموو هەرێمی كوردستان دەگرێتەوە، بۆیە پێویستە ئەنجوومەنی وەزیران بڕیار بدات.

دەشڵێت: “سبەی ئەنجوومەنی پارێزگا كۆدەبێتەوە، بەڵام بابەتی پشووی خوێندنگاكانی تێدا نیە و ئەگەر ئەمشەو ئەنجوومەنی وەزیرانیش بڕیاری پێویست نەدات ئەوا بەدڵنیایی لەكۆبوونەوەی سبەی ئەو پرسە پێشنیار دەكەین، كە پشوو ڕابگەیەنرێ”.

لەبارەی ناوەڕۆكی كۆبوونەوەكەش وتی، “جێگری پارێزگاری هەولێر دەگۆڕدرێت و لە شوێنی تاهیر عەبدووڵا، مەسعود كاڕەش دەبێتە جێگری پارێزگار، هەروەها قائیمقامی كۆیەش، كە بەوەكالەتە دەكرێت بەفەرمی”.

کوردستان

كەسێكی دیكە بەهۆی كۆرۆنا لە هەرێم گیانی لەدەستدا


خەڵك-بەشی هەواڵ

وەزارەتی تەندروستی ڕایدەگەیەنێت، تووشبووێكی دیكەی ڤایرۆسی كۆڕۆنا گیانی لەدەستدا .

وەزارەتی تەندروستی حكومەتی هەرێم لە ڕاگەیەنراوێكدا ئاماژە بۆ ئەوە دەكات، تووشبووێكی نەخۆشی ڤایرۆسی كۆڕۆنای نوی COVID19 پیاو تەمەن ٥٠ ساڵ دانیشتووی كامەرانی سیتی لە شاری هەولێر، دوای خەواندن لە نەخۆشخانە و مانەوەی لەسەر ئامێری هەناسەدانی دەستكرد لە بەشی چاودێری چڕ گیانی لەدەستدا.

بەردەوام بە لە خوێندنەوە

کوردستان

وەزارەتی دارایی، لەبارەی مووچەوە ڕاگەیەنراوێكی بڵاوكردەوە


خەڵك-بەشی هەواڵ

 

وەزارەتی دارایی حكومەتی هەرێم ڕایدەگەیەنێـت، ئەوەی لە هەندێك ماڵپەڕ و پەیج دەوترێت سەبارەت بە كەمكردنەوەی مووچە دوورە لە ڕاستییەوە و بابەتی كەمكردنەوەی مووچە لە كارنامەی كۆبوونەوەی 3/6/2020ی ئەنجومەنی وەزیرانی هەرێمی كوردستاندا نەبووە .

وەزارەتی دارایی لە ڕوونكردنەوەیەكدا ئاماژە بۆ ئەوە دەكات، سەرباری خراپی دۆخی دەروونی و تەندروستی و دارایی و ئابووری، هەندێك كەس و پەیج و سایت و لایەن، یاری و موزایەدە بە هەست و سۆزی هاووڵاتیانی هەرێمی كوردستان بەگشتی و فەرمانبەران و مووچەخۆران بەتایبەتی دەكەن. كە گوایە لە كۆبوونەوەی 3/6/2020 بابەتێكی كۆبوونەوەكە كەمكردنەوەی مووچەی فەرمانبەرانی هەرێم بووە. ئەمە چەواشەكارییە و دوورە لە راستییەوە، بۆ هەموو لایەكی روونیدەكەینەوە لە كارنامەی كۆبوونەوەكە بابەتی كەمكردنەوەی مووچەی تێدا نەبووە.

بەردەوام بە لە خوێندنەوە

کوردستان

قائمقامی قەزای کۆیە؛لەگەڵ داواکاری و داخوازی خەڵکی هەژار و کەم دەرامەتین


خەڵک – بەشی هەواڵ

قائمقامی قەزای کۆیە دەچێتە ناوخۆپیشاندەران و دەڵێت؛ لەگەڵ داواکاری و داخوازی خەڵکی هەژار و کەم دەرامەتین و دەربڕینی ناڕەزایی مافێکی ڕەوای هاوڵاتیانە و ئێمەش هەمووکات خۆمان بەنوێنەری خەڵک و هاوڵاتیان زانیوە.

ئەمشەو لەشاری کۆیە ژمارەیەک گەنج و لاو گردبونەوەیەکیان ئەنجام دا، وەک ناڕەزایەتی بەرامبەر خراپی گوزەران و دواکەتوتنی مووچەو نەبوننی خزمەتگوزاریی.

هاوکات بە پێی ڕاگەیانراوی ڕاگەیاندنی قائمقامیەتی قەزای کۆیە، بۆ گوێگرتن لەداوکاریەکانی خۆپیشاندەران مامۆستایوسف، قائمقامی قەزای کۆیە چووە ناوخۆپیشاندەران لەوتەیەکیشدا بۆ خۆپیشاندەران پێی ڕاگەیاندن لەگەڵ داواکاری و داخوازی خەڵکی هەژار و کەم دەرامەتە.

داواشی کرد پێویستە هەردەربڕینی ناڕەزایی وداواکاریەک بەشێوەی هێمنانەبێ و دوربێت لەپشێوی و بەڕێدا لابردن چونکە گردبونەوەو دەربڕینی ناڕەزایی مافێکی ڕەوای هاوڵاتیانە و ئێمەش هەموکات خۆمان بەنوێنەری خەڵک و هاوڵاتیان زانیوە.

هاوکات داواکاریش بوو هێزەئەمنیشەکان لەچوارچێوەی ڕێکارە یاسییەکان و دور لەتوندوتیژی بەدەم خۆپیشاندەرانەوەبچن.

 

بەردەوام بە لە خوێندنەوە

کوردستان