ئێمە لە تۆرە کۆمەڵایەتیەکان

ژینگە

لە سنوری بازیان پێنج هاووڵاتی دەستگیركران


خەڵك- بەشی هەواڵ

دوای ئەوەی ئاگاداركرانەوە كە لە سنوری بازیان چەند هاووڵاتیەك بە شێوەیەكی نایاسایی سەرقاڵی هەڵكەندنی بیرن، دەستبەجێ مەفرەزەیەكی بەشی پۆلیسی دارستان و ژینگەی سلێمانی بە هاوكاری لەگەڵ بنكەی پۆلیسی دارستانی هەواری شار و بنكەی بازیان گەیشتنە شوێنی مەبەست و لە ئەنجامدا توانیان ( ٢ ) هاووڵاتی بە تۆمەتی هەڵكەندنی بیر دەستگیر بكەن و هەروەها دەستگیرا بەسەر جیهازێكی بیرلێدان، پاشان تۆمەتبارەكان ڕوبەڕووی یاساكرانەوە.

لە ڕاگەیەندراوێكدا پۆلیسی دارستان و ژینگەی سلێمانی نوسیویەتی”لە لایەكی ترەوە لە ئەنجامی گەڕان و پشكنینی سنوری چالاكیەكانیان، مەفرەزەیەكی بنكەی پۆلیسی دارستان و ژینگەی بازیان دەرچوون بۆ سنوری گوندی ( ئەڵاقولی ) لە سنوری بەردەقارەمان، لە ئەنجامدا بە هاوكاری لەگەڵ ئاسایشی بەردەقارەمان و بنكەی پۆلیسی بەردەقارەمان توانیان ( ٣ ) هاووڵاتی دەستگیر بكەن كە سەرقاڵی ڕاوكردنی ئاژەڵی كێوی بوون، هەروەها دەستیان گرت بەسەر ( ٢ ) ڕێوی ڕاوكراو، ( ٢ ) ماتۆڕسكیل، ( ١ ) چەكی تاپڕ، ( ٩ ) فیشەكی تاپڕ، ( ١ ) چەقۆ، ( ١ ) لایتی دەستی.”

لە بەشێكی دیكەدا هاتووە”پەڕاوی لێكۆڵینەوە ڕێكخراوەو ڕادەستی بەڕێز دادوەر كراوە بۆ وەرگرتنی ڕێكاری یاسایی.”

ژینگە

ئەمشەو دیاردەیەكی گەردوونی ڕوودەدات
ئەمڕۆ “كۆرۆنای خۆر” لە ئاسمانی هەولێر دەركەوت


خەڵك- بەشی هەواڵ
شارەزایەكی بواری كەشناسی ئاشكرای دەكات، كە ئەمڕۆ دیاردەی “كۆرۆنای خۆر” لە ئاسمانی هەولێر بینرا و ئەمشەویش دیاردەی “مانگی تابان یان مانگی زەبەلاح” ڕوودەدات؟

ئەژی چەتۆ، شارەزای كەشناسی و بەرپرسی بەشی پێشبینییەكانی كەشناسی هەرێم لە ڕوونكردنەوەیەكدا ئاماژەی بەوەداوە، كە ئەمشەو دیاردەی “مانگی زەبەلاح” كەپێشی دەوترێت “مانگی تابان” ڕوودەدات، ئەوەش ڕاستەوخۆ دوای ئاوابوونی خۆر لە ڕۆژهەڵاتەوە دەبینرێت.

دەشڵێت: “لەو حاڵەتەدا مانگ لە نزیكترین خاڵە لەگەڵ زەوی و لەپڕبوونی تەواوە و قەبارەكەی 14% گەورەترە لە تابانەكانی دیكەی ئاسایی”.

ڕووونیشی كردۆتەوە، ئەمڕۆ (كۆرۆنای خۆر SUN CORONA) لە ئاسمانی هەولێردا دەركەوت، بەڵام دەشڵێت: “ئەو دیاردە ئاسمانییە بەهیچ جۆرێك هیچ پەیوەندییەكی بە (پەتای كۆڕۆنا)وە نییە و تەنها لێكچوونی ناوەكەیە”.

جەختیشی كردۆتەوە، ئەوە دیاردەیەكی فیزیاییە و لەنێو بەرگەهەوای زەویدا ڕوودەدات و بریتییە لە شكانەوە و شیبوونەوەی تیشكی خۆر یان ڕووناكی مانگی تێپەڕبوو بەنێو دڵۆپەی ئاوی شل یا سەهۆڵبووی چینە هەورە بەرزەكان و دروستبوونی چەپكەیەك یان چەندین چەپكەی رەنگاو رەنگی پەلكە زێڕینەیی لە دەورووبەری دیسكی گەشی خۆر یان ڕووناكی مانگ بە پێوانەی 15 پلە، كە نزیكە لە دیاردەی (خەرمانەی 22 پلەیی خۆر و مانگ) بەڵام ئەمەی دوایی زۆر گەورەترە و زۆرتر ڕوو دەدات بە بەراورد لەگەڵ (كۆرۆنای خۆر یان مانگ).

ئەوەشی خستۆتەڕوو، كۆرۆنای خۆر بە شێوەیەكی گشتی خاوەن چەقێكی زۆر گەشە، كە هەمان ئەو ناوچەیە، كە دەوری خۆر یان مانگی چواردەی داوە و شێوەشی بە زۆری هێلكەییە، قەراغی دەرەكی ئەو ناوچە گەشە رەنگی زەرد و سوورە و لە دوای ئەو ئەڵقەیەك یان چەند ئەڵقەیەكی بازنەیی داخراوی یەك لە دوای یەك بە ڕەنگی پەلكە زێڕینە دەردەكەوێت، بە تایبەتیش ڕەنگەكانی سەوز و زەرد و سوور.

جێگای ئاماژەیە، كەوا لە 13-3-2018 هەمان دیاردە لە ئاسمانی هەرێمی كوردستاندا دەركەوت.

بەردەوام بە لە خوێندنەوە

ژینگە

كەشناسی باسی دەكات
ڕاستی بوونی گازی ژەهراوی لە هەوادا ئاشكرا دەكرێت


خەڵك- بەشی هەواڵ
دەزگای كەشناسی و بومەلەرزەزانی سەر بە حكومەتی فیدراڵ، ئەو هەواڵانە ڕەتدەكاتەوە كە باس لە هاتنی گازی ژەهراوی دەكەن بۆ وڵات.

عامر جابری، بەڕێوەبەری ڕاگەیاندنی دەزگای كەشناسی و بومەلەرزەزانی عيراق بە ئاژانسی دەنگوباسی (العراقیە)ی ڕاگەیاندووە”ئەو هەواڵانەی لە هەندێك لە پەیج و تۆڕە و پێگە كۆمەڵایەتییەكان بڵاوكرانەوە كە گوایە گازی ژەهراوی ڕووی لە وڵات كردووە، دوورن لە ڕاستییەوە و ئامانج لێیان دروستكردنی كاریگەرییە لەسەر درونی هاووڵاتی عیراقی”.

بە وتەی جابری”دەزگای كەشناسی لەڕێی بەشی پێشبینی كەش و هەواوە، توێژینەوەی لەسەر ئەو بابەتە كردووە و نەسەلەمێنراوە كە ئەو جۆرە گازانە لە هەوادا هەبێت”.

بەڕێوەبەری ڕاگەیاندنی دەزگای كەشناسی و بومەلەرزەزانی عیراق، داوای لە هاووڵاتیان كرد”بڕوا بەو جۆرە هەواڵە درۆیانە نەكەن”، داواشی كرد پشت بە پەیج و میدیا فەرمییەكانی نێوخۆ ببەسترێت بۆ گواستنەوەی زانیارییەكان”.

بەردەوام بە لە خوێندنەوە

ژینگە

بڕی باران بارین لە شارەكانی هەرێم بڵاوكرایەوە


خەڵك-بەشی هەواڵ

 

بەرێوەبەرایەتی گشتی كەشناسی و بومەلەرزەزانی هەرێمی كوردستان، بڕی باران بارینی لە 24 كاتژمێری ڕابردوو لە شارەكانی هەرێم بڵاوكردەوە.

بەرێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، لە 24 كاتژمێری ڕابردوودا زۆرترین باران لە ناوچەی چوارتا سەر بە پارێزگای سلێمانی بە بڕی 3.5 ملم باریوە.

بەردەوام بە لە خوێندنەوە

کوردستان