ئێمە لە تۆرە کۆمەڵایەتیەکان

کوردستان

خەڵك؛ وردەكاری هەڵبژاردنی مەكتەبی سیاسی یەكێتی ئاشكرادەكات

خەڵك – بەشی هەواڵ
ئەندامێكی ئەنجوومەنی سەركردایەتی یەكێتیی نیشتمانیی كوردستان ڕایدەگەیەنێت، لە كۆبوونەوەی داهاتووماندا سكرتاریەتێك بۆ مەكتەبی سیاسی نوێ هەڵدەبژێرێت، كە خۆی لەسەرۆك و جێگر و بڕیاردەر دەبینێتەوە، دەشڵێت: “هەموو بەرپرسی مەكتەبێك دەبێتە ئەندامی مەكتەبی سیاسی نوێ لە یەكێتی”.

فەرید ئەسەسەرد، ئەندامی ئەنجوومەنی سەركردایەتی یەكێتی بە(خەڵك)ی ڕاگەیاند، كۆبوونەوەكانی سەركردایەتی یەكێتی تەنها بەرنامەكانی ماوە، لەچەند كۆبوونەوەی داهاتوودا كاری ئەوانیش تەواو دەبێت.

وتیشی، “لە كۆبوونەوەی داهاتوودا سكرتاریەتێك بۆ مەكتەبی سیاسی نوێی یەكێتی هەڵدەبژێردرێت، كە لە سەرۆك و جێگر و بڕیاردەر پێكدێت، لەگەڵ مەكتەب سیاسیەكان پێكەوە هەماهەنگی دەكەن”.

ڕاشیگەیاند، پێنج كارگێڕی هاوسەرۆكەكانی یەكێتی ماون ئەوانیش لە ئایندە هەڵدەبژێردرێن و ئەوەی دەمێنێتەوە هەڵبژاردن یان دیاریكردنی بەرپرسی مەكتەبەكانە، كە یەكێتی بۆ ئەمجارە 9 مەكتەبی دەبێت، لەدوای ئەوە هەر كەس دەچێتە سەر كاری خۆی و كۆتایی دێت.

ئاشكراشیكرد، ئەم مەكتەبی سیاسیەی ئەمجارە جیاواز دەبێت لەوەی پێشووی یەكێتی، هەر كەسێك ببێتە بەرپرسی مەكتەب دەبێتە ئەندامی مەكتەبی سیاسی، تا ئەو كاتەی لەو پۆستە دەمێنێتەوە، هەركات لەو پۆستە نەماوە مافی بە مەكتەبی سیاسییەوە نامێنێت.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان