ئێمە لە تۆرە کۆمەڵایەتیەکان

جیهان

چین ژمارەیەكی نوێی قوربانیانی ڤایرۆسی كۆرۆنا ڕادەگەیەنێت


خەڵك- بەشی هەواڵ
دەسەڵاتدارانی چین، ژمارەی قوربانیانی ڤایرۆسی كۆرۆنا رادەگەیەنن و ئاماژە بە بەرزبوونەوەی قوربانیانی نەخۆشییەكە دەكەن بۆ 2236 كەس، وێڕای تۆماركردنی 75465 حاڵەتی توشبوون لە وڵاتەكەدا.

ئەمڕۆ هەینی لیژنەی تەندروستی نیشتمانی لە چین لە بەیاننامەیەكیدا ڕایگەیاند”بەپێی لیژنەی كاروباری تەندروستی لە 31 ناوچەی جیاجیا، ئاماژە بە توشبوونی 75 هەزار و 465 كەس دەكرێت، لەكاتێكدا 54 هەزار و 965 نەخۆشیان هەیە كە لەنێوانیاندا (11 هەزار و 633 كەسیان لە بارێكی خراپدان)، 2236 كەسی تریش بەهۆی ڤایرۆسەكەوە گیانیان لەدەستداوە، لەگەڵ هەموو ئەمانەشدا 18 هەزار و 264 كەسی تر لەپاش چاكبوونەوە، نەخۆشخانەیان بەجێهێشتووە”.

هەر بەپێی ئەو زانیارییانە كە لەماوەی 24 كاتژمێری ڕابردوودا تۆماركراون، 889 حاڵەتی توشبوونی نوێ‌ لە تێكڕای ناوچەكانی چین دۆزراونەتەوە، 2109 كەسیش لە نەخۆشخانەكان چونەتەدەرەوە، 118 كەسیش گیانیان لەدەستداوە (115 كەسیان دانیشتوونی هەرێمی هۆبین).

لای خۆیەوە تیدرۆس ئەدهانۆم گیبریسۆس بەڕێوەبەری گشتی ڕێكخراوی تەندروستی جیهانی، لە كۆنفرانفرانسێكی ڕۆژنامەوانی لە جنێڤ ڕایگەیاند”كەمبوونەوەیەكی بەردەوام هەیە لە حاڵەتەكانی توشبوون بە ڤایرۆسی كۆرۆنا لە چین كە بە هاندەر دادەنرێت، بەڵام هێشتا زووە بزانرێت ئەم كەمبوونەوەیە بەردەوام دەبێت یان نا”.

جیهان

جیهان.. ژمارەی تووشبووان بە ڤایرۆسی كۆرۆنا ملیۆنێك كەسی تێپەڕاند


خەڵك – بەشی هەواڵ

ڕێكخراوی تەندروستی جیهانی ڕایگەیاند، ئاماری تووشبوون بەڤایرۆسی كۆرۆنا لەجیهاندا ڕوو لەزیادبوونە و ملیۆنێك تووشبووی تێپەڕاند.

ڕێكخراوی تەندروستی جیهانی ئاشكرایكرد، بەپێی ئامارەكان، ئەمشەو ژمارەی تووشبووان بەڤایرۆسی كۆرۆنا لەسەر ئاستی جیهان یەك ملیۆن و 177 كەسی تێپەڕاندووە.

ڕێكخراوەكە ئەوەشیخستەڕوو، ژمارەی گیانلەدەستدانیش بەهۆی ڤایرۆسی كۆرۆناوە بۆ 51 هەزار و 356 كەس بەرزبووەتەوە و 210 هەزارو 199 كەسیش چاك بوونەتەوە.

بەردەوام بە لە خوێندنەوە

جیهان

خراپترین سیناریۆیە
پەنجا هەزار كەس بەهۆی كۆرۆناوە لە بەریتانیا گیانلەدەستدەدەن


خەڵك- بەشی هەواڵ
سەرچاوەیەكی ئاگادار بە ئاژانسی (رۆیتەرز)ی ڕاگەیاندووە، خراپترین سیناریۆ سەبارەت بە بڵابوونەوەی ڤیایرۆسی كۆرۆنا لە بەریتانیا كە لەلایەن حكومەتەوە دانراوە، ئەوەیە ژمارەی حاڵەتەكانی گیانلەدەستدان لە وڵاتەكەدا بگاتە 50 هەزار كەس.

سەرچاوەكە دەڵێت”ئەو سیناریۆیە دەكرا سەربگرێت گەر ڕێوشوێنەكانی كەرەنیتەنەكردن نەبوایە كە لەلایەن دەسەڵاتدارانەوە گیرایەبەر، لەئێستاشدا كاروبارەكان ڕوو لەو ئاقارە نیین”.

بە وتەی سەرچاوەكە”خراپترین ڕۆژ لەبارەی زۆری ژمارەی گیانلەدەستداوە پێشبینی دەكرێت ڕۆژی 12ی ئەم مانگە بێت كە تێیدا بەریتانیاییەكان بە بۆنەی جەژنی فەسحەوە ئاهەنگ دەگێڕن”، ئاماژەی بە باشترین سیناریۆش كردووە لە وڵاتەكەدا كە دەكرێت ژمارەی ئەوانەی بەهۆی كۆرۆناوە گیانلەدەستدەدەن بگاتە 20 هەزار كەس.

لە دوێنێ‌ چوار شەممەوە ژمارەی حاڵەتەكانی گیانلەدەستدان بەهۆی ڤایرۆسی كۆرۆناوە بەشێوەیەكی بەرچاو ڕوويان لە زیادبوون كردووە و ڕێژەی گیانلەدەستدان گەیشتۆتە 24% و ژمارەی حاڵەتەكانی گیانلەدەستدانی گەیاندە 2921 كەس.

بەردەوام بە لە خوێندنەوە

جیهان

سەرۆكی پەرلەمانی ئێران تووشی كۆرۆنا بوو


خەڵك- بەشی هەواڵ
سەرۆكی پەرلەمانی ئێران تووشی ڤایرۆسی كۆرۆنای نوێ‌ بووە.

بەپێی ئاژانسی (روسیا الیوم) عەلی لاریجانی سەرۆكی پەرلەمانی ئێران، تووشی ڤایرۆسی كۆرۆنا بووە و ئێستا لە كەرەنتینەدایە”.

هەر بەپێی هەمان ئاژانس، فەرمانگەی پەیوەندییە گشتییەكان لە پەرلەمانی ئێران بەیاننامەیەكی دەركردووە و تێیدا ڕایگەیاندووە”لەدوای دەركەوتنی نیشانەكانی توشبوون بە ڤایرۆسی كۆرۆنا لە عەلی لاریجانی سەرۆكی پەرلەمان، دەستبەجێ‌ پشكنینی بۆكراوە و لە دوای دەركەوتنی ئەنجامەكەش كە پۆزەتیڤ بووە، چارەسەری بۆكراوە و ئێستا لە كەرەنتینەدایە”.

هەر ئەمڕۆ وەزارەتی تەندروستی ئێران، تۆماركردنی 2875 حاڵەتی توشبوونی نوێی بە ڤایرۆسی كۆرۆنا و 124 حاڵەتی گیانلەدەستدانی بەهۆی ڤایرۆسەكەوە لەماوەی 24 كاتژمێری ڕابردوودا، ڕاگەیاند.

بەردەوام بە لە خوێندنەوە

کوردستان