ئێمە لە تۆرە کۆمەڵایەتیەکان

کوردستان

حكومەتی عێراق چەند یەكەیەكی سەربازی لە كەركوك و خورماتوو كشاندەوە

خەڵك- بەشی هەواڵ
فەوجێكی سەر بە هێزی “بەرپەرچدانەوەی خێرا” لە دوزخورماتوەوە بۆ بەغداد كشێندرایەوە، ئەوەش بەهۆی ئاڵۆزییەكانی باشوری عێراق و بەغدادەوە.

مەلا كەریم شكور، بەرپرسی مەڵبەندی حەمرینی یەكێتی بە (خەڵك)ی ڕاگەیاند، هێزی بەرپەرچدانەوەی خێرا سەر بە وەزارەتی ناوخۆی عێراقە و لە دوای ڕووداوەكانی 16ی ئۆكتۆبەرەوە چوونەتە ناوچەكە.

وتیشی، “ژمارەی فەوجەكانیان بەدیاریكراوی نازانرێت، بەڵام بەپێی ڕێنمایی سەربازی دەبێت نزیكەی 500 سەرباز بن”.

هەرب بەپێی زانیارییەكانی (خەڵك) چەند یەكەیەكی سوپا و حەشدی شەعبی لە ناوچەكانی كەركوك بەرەو پارێزگاكانی باشوری عیراق كشێنراونەتەوە بەهۆی مەترسی هێرشی خۆپیشاندەران بۆ سەر باڕەگا حزبی و حكومیەكان لەو پارێزگایانە.

كشانەوەی ئەو سەربازانە لەكاتێكدایە، كە بەپێی زانیارییە هەواڵگرییەكان داعش هێزێكی زۆری لە ناوچەكانی حەمرین كۆكردۆتەوە و ئەوەیش بۆشایی ئەمنی دروست دەكات.

مەلا كەریم شكور ئەوەیشی خستەڕوو، لە دوای رووداوەكانی 16ی ئۆكتۆبەرەوە بۆشایی ئەمنی دروستكردووە و كشانەوەی ئەو هێزەیش كاریگەری لەسەر دۆخەكە دەبێت.

رۆژی 16ی ئۆكتۆبەری 2017، چەكدارانی حەشدی شەعبی و حەشدی توركمانی هێرشیانكردەسەر دوزخورماتوو و بەهۆی كشانەوەی پێشمەرگەوە، لە ماوەی چەند كاتژمێرێكدا شارەكەیان كۆنترۆڵكردەوە و پاشان هێزی بەرپەرچدانەوەی خێرا لە ناوچەكە جێگیركرا.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان