ئێمە لە تۆرە کۆمەڵایەتیەکان

کوردستان

“هیچ بڕیارێك نیە بۆ داخستنی دەروازەی پەروێزخان بەهۆی بڵاوبونەوەی ڤایرۆسی كۆرۆنا لە ئێران”

خەڵك – بەشی هەواڵ
ئەندامێكی ئەنجومەنی پارێزگای سلێمانی ڕایدەگەیەنێت ، بەمەبەستی بەدواداچوون بۆ ئەو ڕێ وشوێنانەی ، كە گیراونەتەبەر بۆ ڕێگریكردن لە گواستنەوەی ڤایرۆسی كۆرۆنا سەردانی دەروازەی نێودەوڵەتی پەروێزخانمان كرد، دەشڵێت،”تا ئێستا هیچ بڕیارێك نیە بۆ داخستنی دەروازەكە بەڕووی گەشتیاراندا”.

كەریم عەلی، ئەندامی ئەنجومەنی پارێزگای سلێمانی بە (خەڵك) ی ڕاگەیاند، ئەمڕۆ پێنجشەممە 20-2-2020 بە هاوڕێیەتی ڕزگار شەهید محەمەد نەگرەیی ، ئەندامی پەڕلەمان و محەمەد شێخ وەهاب سەردانی دەروارزەی نێودەوڵەتی پەروێزخانمان كرد بەدواداچوونمان بۆ چەند بابەتێك كرد لەوانە ئەو ڕێ و شوێنانەی، كە گیراونەتەبەر بۆ ڕێگریكردن لە گواستنەوەی ڤایرۆسی كۆرۆنا، كە لە ئێستادا لە ئێران بڵاوبۆتەوە.

ئاماژەی بۆ ئەوەشكرد، تا ئێستا هیچ بڕیارێك لە وەزارەتی ناوخۆی هەرێمەوە نیە بەمەبەستی داخستنی دەروازەكە بەڕووی هاوتووچۆی گەشتیاراندا، بەڵام تەندروستی گەرمیان هەنگاوی پێویستی ناوە بۆ پشكنینی ئەو كەسانەی هاتووچۆ لەو دەروازەیەوە دەكەن.

وتیشی ،”هەر لەو سەردانەماندا قسەمان لەسەر داخستنی ئەو كۆمپانیایانەی، كە بەناوی دڵنیایەوە بەبڕی جیاواز پارەیان لە شۆفێر و گەشتیار وەردەگرن كرد”.

ڕاشیگەیاند، لەگەڵ شۆفێران و كاسبكارانی دەروازەكە گفتوگۆمان كرد سەبارەت بە نرخی پشكنینی كاڵاو شمەك لە دەروازەكە، هەروەها لەگەڵ بەرپرسی دەروازەكەش باسمان لە تەرخانكردنی بەشێك لە پارەی داهاتی دەروازەكە كرد، بۆ خزمەتگوزاری لە دەروازەكە و سنووری گەرمیان.

ئاشكراشیكرد، لە داهاتوودا هەوڵەكانمان دەگرینەبەر لە ڕێگای ئەنجومەن و پەڕلەمانەوە بۆ ئەوەی لە ڕێگای ئەنجومەنی وەزیران و وەزارەی داراییەوە بۆ دابینكردنی پشكی ناوچەكان لە داهاتی دەروازەكان.

ئەمە لەكاتێكدایە ، ئەنجومەنی خۆجێی پارێزگای میسان بڕیاریدا بە داخستنی دەروازەی (شیب) سنوری نێوان عیراق و ئێران، بەهۆی بڵاوبوونەوەی ڤایرۆسی كۆرۆنا لەو وڵاتە، هاوكات پارێزگای واست داوای لە حكومەتی فیدراڵی كردووە ، بڕیاری داخستنی دەروازەی (زرباتیە) سنوری بدات.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان