ئێمە لە تۆرە کۆمەڵایەتیەکان

کوردستان

نەوەی نوێ داوای خۆپیشاندانی سەرتاسەری لە هەرێم دەكات

خەڵك – بەشی هەواڵ
جوڵانەوەی نەوەی نوێ لە هەرێمی كوردستان ڕایدەگەیەنێت، خوازیارین جەماوەری ئازا و خەڵكی بوێری كوردستان بە ورەیەكی بەرز و ئیرادەیەكی بەهێزەوە بڕواننە داهاتوو و هەمومان پێكەوە بڕیار لە سەر گۆڕینی داهاتووی خۆمان بدەین، دەشڵێت: “نەوەی نوێ و سەركردایەتیەكەی ئامادەیە، بڕژێینە سەر شەقامەكان و كاریش دەكەین بەرەو ئەو ئاڕاستەیە”.

د.كازم فاروق- وتەبێژی جوڵانەوەی نەوەی نوێ لە بارەی خۆپیشاندانەكانی عێراق لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، “جوڵانەوەی نەوەی نوێ پشتیوانی خۆی بۆ خۆپیشاندانەكانی عێراق دەردەبرێت و هیوادارە خۆپیشاندانانەكان ببێتە سەرەتای گۆڕانكاری لە عێراق و هەرێمی كوردستان بە ئاڕاستەی لابردن و دورخستنەوەی ئەو كۆمەڵە سیاسیە تەقلیدیانەی، كە عێراق و هەرێمی كوردستانیان بەمڕۆ گەیاندوە”.

دەشڵێت: “دەمانەوێت بیری هەموو لایەك و هەر دوو دەسەڵاتی عێراقی و هەرێمی كوردستانی بهێنینەوە، كە ڕابردوو سەلماندوێتی داخستنی تۆڕە كۆمەڵایەتیەكان و بەكارهێنانی زەبر و توندوتیژی، نەیتوانیوە ڕژێمە ستەمكار و خراپەكانی دونیا بهێڵێتەوە لە دەسەڵات”.

دەقی ڕاگەیەنراوەكە:
جوڵانەوەی نەوەی نوێ پشتیوانی خۆی رادەگەێنێت بۆ خۆپیشاندانەكانی عێراق و هیوادارین ئەم خۆپیشاندانانە ببێتە سەرەتای گۆڕانكاری لە عێراق و هەرێمی كوردستان بە ئاراستەی لابردن و دورخستنەوەی ئەو كۆمەڵە سیاسیە تەقلیدیانەی كە عێراق و هەرێمی كوردستانیان بەمڕۆ گەیاندوە، وە داواكارین كە هاوڵاتیانی كوردستانیش خۆیان ئامادە بكەن بۆهەر گۆڕانكاریەك كە لە داهاتودا رودەدات.

هەروەها جوڵانەوەكە خوازیارە كە جەماوەری ئازا و خەڵكی بوێری كوردستان بە ورەیەكی بەرز و ئیرادەیەكی بەهێزەوە بڕواننە داهاتوو و هەمومان پێكەوە بریار لە سەر گۆڕینی داهاتووی خۆمان بدەین و ئەم دۆخ و گوزەرانە خراپە تێپەڕێنین، كە ئەویش تەنها بە كاری پێكەوەیی جەماوەری و گێڕاندنەوەی هیوا دەبێت بۆ تاك بە تاكی وڵاتەكەمان.

بۆ ئەم مەبەستەش نەوەی نوێ و سەركردایەتی جوڵانەوەكە هەمیشە ئامادەیە كە شان بە شانی هاوڵاتیان داوای مافی خۆمان بكەین و بڕژێینە سەر شەقامەكان و كاریش دەكەین بەرەو ئەو ئاراستەیە.

لە كۆتاییدا دەمانەوێت بیری هەموو لایەك و هەر دوو دەسەڵاتی عێراقی و هەرێمی كوردستانی بهێنینەوە كە رابردوو سەلماندوێتی داخستنی تۆڕەكۆمەڵایەتیەكان و بە كارهێنانی زەبر و توندوتیژی، نەیتوانیوە رژێمە ستەمكار و خراپەكانی دونیا بهێڵێتەوە لە دەسەڵات.

د.كازم فاروق- وتەبێژی جوڵانەوەی نەوەی نوێ

٢٠١٨/٧/١٥

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان