ئێمە لە تۆرە کۆمەڵایەتیەکان

کوردستان

وەزارەتی پێشمەرگە ڕاگەیەنراوێك بڵاودەكاتەوە


خەڵك – بەشی هەواڵ

وەزارەتی پێشمەرگەی حكومەتی هەرێمی كوردستان ڕایدەگەیەنێت، لەماوەی ڕابردوودا چەندین جار هۆشداریمان داوە لە مەترسی جموجۆڵەكانی تیرۆریستان و دەرفەتی سەرهەڵدانەوەیان لە ئەنجامی ئەو بۆشایە ئەمنیەی هەیە، دەشڵێت،”بۆ ڕێگرتن لەدووبارە بوونەوەی ڕووداوی لەو شێوەیە داوا دەكەین لەڕێگەی دیالۆگی نیشتمانیی و بەرپرسیارانە هەنگاوەكانی ڕێككەوتنی نێوان هێزی پێشمەرگە و سوپای عیراق كورتتر و خێراتر بكرێتەوە”.

وەزارەتی پێشمەرگەی حكومەتی هەرێمی كوردستان لە ڕاگەیەنراوێكدا، كەوێنەیەكی دەست (خەڵك) كەوتووە ڕایگەیاندووە، شەوی ١٨ لەسەر ١٩ ی ئەم مانگە، لەئەنجامی پەلامارێكی ترسنۆكانەی تاریك پەرستان و تیرۆریستانی داعش بۆ سەر گوندی ”چەخماخە“ ی سەر بە قەزای دوبز لە ڕۆژئاوای كەركووك، چوار هاووڵاتی بێ گوناح شەهید و سێ هاووڵاتیی دیكەش برینداربوون، بۆیە پرسە و سەرەخۆشی خۆمان بە خانەوادە و كەسوكاری شەهیدانی ئەو ڕووداوە تیرۆریستییە ڕادەگەینین.

دەشڵێت،”چەندین جار هۆشداریمان داوە لەمەترسی جموجۆڵەكانی تیرۆریستان و دەرفەتی سەرهەڵدانەوەیان لەئەنجامی ئەو بۆشایە ئەمنیەی هەیە، ئەركی حكومەتی عیراق و سوپای عیراق و هێزەكانی دیكەیە، كە گیان و ماڵی دانیشتوانی ئەو ناوچانە لە كورد، عەرەب، توركمان و پێكهاتەكانی دیكە بپارێزێت و سەلامەتی ئەوان لەئەستۆی ئەو هێزانەدایە، كە لەو ناوچانە بوونیان هەیە”.

ڕاشیگەیاندووە، بۆ ڕێگرتن لەدووبارە بوونەوەی ڕووداوی لەو شێوەیە داوا دەكەین لەڕێگەی دیالۆگی نیشتمانیی و بەرپرسیارانە هەنگاوەكانی ڕێككەوتنی نێوان هێزی پێشمەرگە و سوپای عیراق كورتتر و خێراتر بكرێتەوە ، هاوكات ئەو بۆشایە ئەمنییەی ئەو سنوڕە پڕ بكرێتەوە بەهاوبەشی و وجودی هێزی پێشمەرگە و سوپای عیراقی فیدڕاڵ.

راگەيەندراوێك لەوەزارەتی پێشمەرگەوە :
شەوی ١٨ لەسەر ١٩ ی ئەم مانگە، لەئەنجامی پەلامارێكی ترسنۆكانەی تاریكپەرستان و تیرۆریستانی داعش بۆ سەر گوندی ”چەخماخە“ ی سەر بە قەزای دوبز لە ڕۆژئاوای كەركووك، چوار هاووڵاتی بێ گوناح شەهید و سێ هاووڵاتیی تریش بریندار بوون.

ئێمە لەوەزارەتی پێشمەرگە، پرسە و سەرەخۆشی خۆمان بە خانەوادە و كەسوكاری شەهیدانی ئەو ڕووداوە تیرۆریستییە رادەگەینین و هاوخەمی و هاوسۆزی خۆمانیان بۆ دووپاتدەكەینەوە، هیوای چاكبوونەوەی بەپەلەش بۆ برینداران دەخوازین.
لەماوەی رابردوودا، چەندین جار هۆشداریمان داوە لەمەترسی جموجۆڵەكانی تیرۆریستان لەوناوچانە و دەرفەتی سەرهەڵدانەوەیان لەئەنجامی ئەو بۆشایە ئەمنیەی هەیە، بۆیە رایدەگەینین، ئەركی حكومەتی عیراق و سوپای عیراق و هێزەكانی ترە كە گیان و ماڵی دانیشتوانی ئەو ناوچانە لە كورد، عەرەب، توركمان و پێكهاتەكانی تر بپارێزێت و سەلامەتی ئەوان لەئەستۆی ئەو هێزانەدایە كە لەو ناوچانە بوونیان هەیە.

ھێزی پێشمەرگەی كوردستان، لە خەبات و نەبەردی بەرەنگاربوونەوەی تیرۆریستانی داعشدا ، بە خوێنی ڕۆڵە ئازاكانی بەبێ جیاوازی، خەڵكی ناوچە دابڕاوەكانی بە ھەموو نەتەوە و پێكهاتەكان پاراستووە، بۆ رێ گرتن لەدووبارە بوونەوەی رووداوی لەوشێوەیە داوا دەكەین لەرێگەی دیالۆگی نیشتمانیی و بەرپرسیارانە هەنگاوەكانی رێككەوتنی نێوان هێزی پێشمەرگە و سوپای عیراق كورتتر و خێراتر بكرێتەوە، هاوكات ئەو بۆشایە ئەمنییەی ئەو سنوڕە پڕبكرێتەوە بەهاوبەشی و وجودی هێزی پێشمەرگە و سوپای عیراقی فیدڕاڵ.
هەموو لایەك دڵنیادەكەینەوە، ئێستاش دەتوانرێ بە هاوكاری و هەماهەنگیی نێوان هێزی پێشمەرگه و سوپای عیراق و هێزە ئەمنیەكان، ئاسایش و سەقامگیری تەواوەتی بۆ ئەو ناوچانە فەراهەم بكرێت.

وەزارەتی پێشمەرگەی حكومەتی هەرێمی كوردستان

کوردستان

تەندروستی هەولێر: تووشبوویەكی تری ڤایرۆسی كۆرۆنا چاكبووەوە


خەڵك – بەشی هەواڵ

بەڕێوەبەرایەتی گشتی تەندروستی هەولێر لە ڕاگەیەنراوێكدا ئاشكرایكرد: یەك نەخۆشی تر لە تووشبووان بە ڤایرۆسی كۆرۆنا COVID – 19 دوای وەرگرتنی چارەسەری پزیشكی بەتەواوی چاكبووەوە و باری تەندروستی تەواو جێگیر بووەتەوە و پشكنینی تایبەتی یەك لەدوای یەك بۆی ئەنجامدراوە كە نێگەتیڤ بوو.

بەڕێوەبەرایەتی گشتی تەندروستی هەولێر ئاماژەبەوەشدەكات: كۆی گشتی چاكبووەوەكان لەشاری هەولێر گەیشتە (11) یانزە كەس.

 

دەقی ڕاگەیەنراوەكە:

ڕاگەیەندراوێك بۆ هاوڵاتیانی شاری هەولێری خۆشەویست

پێتان ڕادەگەیەنین كە ( ١ ) یەك نەخۆشیتر لە تووشبوان بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبوەوە و باری تەندروستی تەواو جێگیر بۆتەوە، وە پشكنینی تایبەتی یەك لەدوای یەك بۆی ئەنجامدراوە كە نێگەتیڤ بوو.

كۆی گشتی چابوەكان گەیشتە ( ١١ ) یانزە نەخۆش.

سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە.

زۆر سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكەین كە پارێزگاری لە تەندروستی هاوڵاتیان دەكەن.

بەڕێوەبەرایەتی گشتی تەندروستی هەولێر
٢ نیسان ٢٠٢٠

بەردەوام بە لە خوێندنەوە

کوردستان

“نزیكەی 100 هاووڵاتی هەرێمی كوردستان كە لە وڵاتی هیندستان گیریان خواردبوو گەیشتنەوە هەرێم”


خەڵك – بەشی هەواڵ

فەرمانگەی پەیوەندییەكانی دەرەوەی حكومەتی هەرێمی كوردستان ڕایگەیاند: لە چوارچێوەی هەوڵەكانی حكومەتی هەرێمی كوردستان لەژێر ڕاسپاردەی سەرۆكی حكومەتی هەرێم بۆ گەڕاندنەوەی ئەو هاووڵاتیانەی لە دەرەوە گیریان خواردووە، ئەمڕۆ پێنجشەممە بە هەوڵ و كۆششی فەرمانگەی پەیوەندییەكانی دەرەوەی حكومەت و وەزارەتی دەرەوەی عیراقی فیدڕاڵ و نوێنەرایەتی حكومەتی هەرێم لە بەغدا نزیكەی ١٠٠ هاووڵاتی هەرێمی كوردستان كە لە وڵاتی هیندستان گیریان خواردبوو گەیشتنەوە هەرێمی كوردستان.

فەرمانگەی پەیوەندییەكانی دەرەوەی حكومەتی هەرێمی كوردستان ئاماژەی بەوەشداوە: ئەم هاووڵاتیانە كە زۆربەیان بۆ چارەسەری نەخۆشی و كاری بازرگانی سەردانی وڵاتی هیندستانیان كردبوو ئەمڕۆ بە سەلامەتی گەیشتنەوە هەرێمی كوردستان و لەلایەن وەزارەتی تەندروستییەوە تەواوی ڕێكارەكانی پشكنین و كەرەنتینیان بۆ دەكرێت.

بەردەوام بە لە خوێندنەوە

کوردستان

پارێزەی ڕاوێژكار و ڕاوێژكاری یاسایی گروپی كۆمپانیاكانی بەڕێز پڕۆژەیاسایەكی پێشنیاركراو تایبەت بە دۆخی كرێنشینان ئامادەدەكات


خەڵك – بەشی هەواڵ

بەرهەم ڕەئووف پارێزەی ڕاوێژكار و ڕاوێژكاری یاسایی گروپی كۆمپانیاكانی بەڕێز پڕۆژەیاسایەكی پێشنیاركراو تایبەت بە دۆخی كرێنشینان ئامادەدەكات و پێشكەشی ئەنجومەنی وەزیرانی هەرێم و سەرجەم فڕاكسیۆنەكانی پەرلەمانی كوردستانی دەكات.

 

دەقی بڕۆژە یاساكە:

پرۆژە یاسایەكی پێشنیاركراو تایبەت بە دۆخی كرێنشینان كە ئامادەكراوە لە لایەن پارێزەری راوێژكار(بەرهەم رۆوف علی)

بەرێزان/

-ئەنجومەنی وەزیرانی حكومەتی هەرێمی كوردستان
-سەرجەم فڕاكسیۆنەكانی پەرلەمانی كوردستان

پڕۆژە یاسایەكی پێشنیاركراو تایبەت بە كرێنشینان بەهۆی ئەم دۆخە لە ناكاوەی كە هەرێمی كوردستانی پێدا تێپەڕدەبێت بەهۆی بڵاوبوونەوەی ڤایرۆسی كۆرۆناوە.

ناوی پڕۆژە یاسای پێشنیاركراو:
پڕۆژە یاسای ڕەچاوكردنی دۆخی كرێنشینان بەهۆی بڵاوبوونەوەی ڤایرۆسی كۆرۆنا

ماددەی یەكەم/ كات و چوارچێوەی جێبەجێكردنی یاساكە (سریان و مدة هذا القانون):
أ/ كار بەم یاسایە دەكرێت لە ڕێكەوتی (١٥/٣/٢٠٢٠) تا ڕۆژی كۆتایی هاتنی ئەم دۆخە لەناكاوە و ڕاگەیاندنی كۆتایی هاتنی دۆخەكە لەلایەن حكومەتی هەرێمی كوردستانەوە.
ب/ ئەم یاسایە ئەو ماڵە بەكرێدراوانە وەك (دوكان، ماركێت، مۆڵ، شوێنە بازرگانییەكان بە گشتی) ناگرێتەوە كە سوودی لێ بینراوە وە بەدرێژایی ئەم دۆخە بەكارهێنراون.

ماددەی دووەم/ تایبەت بە ئەو خانووبەرانەی كە بۆ مەبەستی نیشتەجێبوون بەكرێدراون كرێچی تەنها لەسەدا پەنجا (%50) كرێی بەكرێدراوەكە دەداتە خاوەن موڵك لەسەر بنەمای ئەو كرێیەی كە لە پێشووتردا پێی داوە.

ماددەی سێهەم/ تایبەت بەو خانووبەرانەی كە بۆ مەبەستی غەیری نیشتەجێبوون بەكرێدراون ئەوا كرێچی تەنها ڕێژەی (%30) لەسەدا سی كۆی كرێكە دەداتە خاوەن موڵك، ئەمەش تەنها ئەو دوكان و شوێنە بازرگانییانە دەگرێتەوە كە لە ماوەی (قەدەغەكردنی هاتوچۆ) و بارودۆخی ڕووبەڕووبونەوەی ڤایرۆسی كۆرۆنا نەیانتوانیوە سوود لە بەكرێدراوەكە وەربگرن وە شوێنەكانیان داخراوە.

ماددەی چوارەم/ ئەو كرێیەی لەلایەن كرێچییەوە دەدرێت بە خاوەن موڵك بە درێژایی بەردەوامی ئەم دۆخە بە كرێی تەواوەتی دادەنرێت تا دۆخەكە كۆتایی پێ دێت وەك لە ماددەی یەكەمدا باسكراوە.

ماددەی پێنجەم/ بەمەبەستی جێبەجێكردنی ماددەی سێهەمی ئەم یاسایە لیژنەیەك پێك دەهێنرێت بە بڕیاری سەرۆكی یەكە كارگێرییەكان بەمەبەستی جیاكردنەوەی ئەو بەكرێدراوانەی كە لەم دۆخەدا نەیانتوانیوە سوود ببینن لە بەكرێدراوەكانیان كە ئەم یاسایە دەیانگرێتەوە.

ماددەی شەشەم/ ئەم یاسایە هەموو ئەو موڵك و ماڵانەش دەگرێتەوە كە هاووڵاتیان لەوەزارەت و فەرمانگەكانی حكومەتیان بەكرێگرتووە.

ماددەی حەوتەم/ پێویستە لەسەر لایەنە پەیوەندیدارەكانی حكومەت چاوپۆشی لە باجی خانووبەرە و دەرامەتی ئەو موڵك و ماڵانە بكەن كە بەندەكانی ئەم یاسایە دەیگرێتەوە بۆ ماوەیەك كە كەمتر نەبێت لە شەش مانگ بەڕەچاوكردنی دۆخەكە.

ماددەی هەشتەم/ ئەم یاسایە یاسایەكی كاتییە و كاركردن پێی كۆتایی دێت بە تێپەڕبوونی ئەم دۆخەی كە هەرێمی كوردستان پیایدا تێدەپەڕێت.

ماددەی نۆیەم/ كار بەهیچ بڕیار و دەقێكی یاسایی و ڕێككەوتنێك ناكرێت كە پێچەوانەی دەقەكانی ئەم یاسایە بن.

ماددەی دەیەم/ پێویستە لەسەر لایەنە پەیوەندیدارەكان دەقەكانی ئەم یاسایە جێبەجێ بكەن.

هۆكارەكانی دەرچوواندنی یاساكە:

بەمەبەستی ڕەچاوكردنی ئەم دۆخەی كە هەرێمەكەمانی پێدا تێپەڕ دەبێت بەهۆی بڵاوبوونەوەی ڤایرۆسی كۆرۆنا و كەمی داهاتی كرێنشینان بە گشتی و سوودمەند نەبوونی زۆرێك لە كرێنشینان لە شوێنەكانیان بەهۆی داخستنیانەوە لە بەرئەوەی بنەماكانی عەدالەت و دۆخی لەناكاو وا دەخوازن ئەم یاسایە دەركرا.

بەردەوام بە لە خوێندنەوە

کوردستان