ئێمە لە تۆرە کۆمەڵایەتیەکان

جیهان

وەزیری بەرگری یەمەن لە هەوڵێكی كوشتن ڕزگاری بوو


خەڵك- بەشی هەواڵ

رۆژنامەی (شەرقولئەوسەت) بڵاوی كردووەتەوە، محەمەد عەلی قوڕەشی، وەزیری بەرگریی یەمەن سەلامەت بووە لە هەوڵێكی كوشتن، بەڵام شەش سەرباز و ئەفسەری یاوەری، گیانیان لە دەست داوە.

بەپێی زانیارییەكانی ڕۆژنامەكە لە شاری مەئرب، سێ‌ بۆمب بە ئۆتۆمبیلەكانی وەزیری بەرگری یەمەندا تەقیونەتەوە، هەرچەندە تائێستا بەفەرمی هیچ گروپێك بەرپرسیارەتی ڕانەگەیاندووە، بەڵام پێدەچێت چەكدارانی حوسی بن.

جیهان

زانایانی ئەمریكا: دۆزیمانەوە
ڤاكسینێكی نوێ‌ لە دژی كۆرۆنا تاقیدەكرێتەوە


خەڵك- بەشی هەواڵ
زانایان لە كۆلێژی پزیكشی لە زانكۆی بیتسبرگ لە ولایەتی بن سڵڤانیانی ئەمریكایی پێیانوایە ڤاكسینێكیان بۆ ڤایرۆسی كۆرۆنا دۆزیوەتەوە.

زانایانی ئەمریكایی دەڵێن”دەكرێت ئەو ڤاكسینە بەخێرایی بخرێتەبازاڕەوە و ببێتە مایەی بەرگرتن لە بڵاوبوونەوەی تۆقێنەری ڤایرۆسی كۆرۆنا كە تا ئێستا ژمارەی تووشبوانی گەیشتۆتە زیاتر لە ملیۆنێك و بۆتە مایەی گیانلەدەستدانی 51.718 كەس لە 188 وڵاتدا لە جیهان”.

بەپێی ئەو ڕاپۆرتەی لەلایەن تیمی توێژینەوە لە ماڵپەڕی “EBioMedicine”بڵاوكراوەتەوە”ڤاكسینەكە لەسەر كۆمەڵێك مشك تاقیكراوەتەوە و توانای بڕی پێویستی تەنە بەرگرییەكانی هەبووە كە پێشبینی دەكرێت سەركەوتووبێت لە ڕووبەڕووبوونەوەی ڤایرۆسی كۆرۆنا”.

ئەو زانایانەی توێژینەوەكەیان ئەنجامداوە دەڵێن”ئەوان توانیویانە بەخێرایی هەڵسوكەوت بكەن، چونكە پێشتر توێژینەوەیان لەسەر ڤایرۆسە تاجییە هاوشێوەكانی تری ڤایرۆسی كۆرۆنای نوێ‌ (كۆڤید-19) ئەنجامداوە، وەك ڤایرۆسی سارس كە لە ساڵی 2002 دەركەوت”.

بە وتەی ئەو زانایانە”بەتەواوەتی بۆیان دەركەوتووە كە لەكوێوە دەتوانن ئەو ڤایرۆسە نوێیە قەڵاچۆبكەن”.

بەردەوام بە لە خوێندنەوە

جیهان

ئێران: بە توندترین شێوە وەڵامی ئەمریكا دەدەینەوە


خەڵك- بەشی هەواڵ
سوپاسالاری ئێران ڕایدگەیەنێت، وڵاتەكەی چاودێری جموجۆڵەكانی ئەمریكا دەكات و سات بە سات بەدواداچوونی هەیە، ڕەتیشیدەكاتەوە ئێران دەستی لە هێرشەكانی ئەم دواییەی سەر بنكە سەربازییەكانی ئەمریكا هەبێت لە عیراق.

ئاژانسی (تەسنیم) لە زاری لیوا محەمەد باقری سوپاسالاری ئێران بڵاویكردەوە”گەر ئەمریكا لەڕێی جموجۆڵەكانی ئەم دواییەی، كەمترین نیازی خراپی هەبێت بەرانبەر بە وڵاتەكەی، ئەوا بە تەنوندترین شێوە وەڵامی دەدەنەوە”.

بە وتەی باقری”سیستمە بەرگرییەكانی ئێران چاودێری وردی تەواوی سنورە وشكانی و ئاسمانی و دەریاییەكانی وڵات دەكەن”، هێرشی ئەم دواییەی سەر بنكە سەربازییەكانی ئەمریكاشی لە عیراق، وەك وەڵامێكی ئاسایی گەلی عیراق و مقاوەمە لەقەڵەمدابوو لەبەرانبەر كوژرانی سولەیمانی و موهەندیس.

سوپاسالاری ئێران دەڵێت، وڵاتەكەی هیچ پەیوەندییەكی بە هێرشەكانی سەر بنكە سەربازییەكانی ئەمریكاوە نییە لە عیراق، ئەوەی ئەمریكاییەكانیش باسی دەكەن سەبارەت بە پەیوەندی ئێران بەو ڕووداوانە، دوورن لە ڕاستییەوە.

پێشتر ئاژانسی (رۆیتەرز) لە زاری بەرپرسێكی ئەمریكاییەوە بڵاویكردبۆوە”هەواڵگری ئەمریكا ماوەیەكە سەرەداوی ئەو هێرشەی دۆزیوەتەوە كرانە سەر بنكە سەربازییەكانی ئەمریكا لە عیراق و ئەگەر هەیە ئێران دەستی ئێرانی تێدا بێت”.

بەردەوام بە لە خوێندنەوە

جیهان

ئەمریكا ژمارەی گیانلەدەستدانی پێوانەیی بە كۆرۆنا تۆماركرد


خەڵك- بەشی هەواڵ
زانكۆی “جۆنز هۆبكنز”ی ئەمریكایی ڕایدەگەیەنێت، ژمارەی ئەوانەی بەهۆی ڤایرۆسی كۆرۆناوە لە ویلایەتە یەكگرتووەكان گیانیانلەدەتداوە، ئاستی 6 هەزار كەسیان تێپەڕاندووە.

زانكۆی “حۆنز هۆبكنز” كە بە سەرچاوەی بەدواداچوون بۆ تووشبوون و گیانلەدەستدان بە ڤایرۆسی (كۆڤید-19) دادەنرێت، ئەمڕۆ هەینی لە بەیاننامەیەكیدا ڕایگەیاند”كۆی گشتی ئەوانەی بە ڤایرۆسی كۆرۆنا لە ویلایەتە یەكگرتووەكان گیانیانلەدەستداوە، تا ئەمڕۆ گەیشتۆتە 6285 كەس”.

هەر لەو چوارچێوەیەدا پێشتر پنتاگۆن تەئكیدی لەسەر بەردەوامبوونی هەوڵەكانی كردبۆوە بۆ فەراهەمكردنی 100 هەزار كیس بۆ تەرمەكان “بۆ بەكارهێنانی مەدەنی”، لەسایەی مەترسییەكانی بەرزبوونەوەی قوربانیانی ڤایرۆسی كۆرۆنا لە وڵاتەكەدا.

ویلایەتە یەكگرتووەكان گەورەترین دەوڵەتە لە جیهاندا كە ژمارەی تووشبوانی بە ڤایرۆسی كۆرۆنا دەگاتە 210 هەزار كەس.

ژمارەی پێوانەیی گیانلەدەستدان بە ڤایرۆسی كۆرۆنا، لە 27ی ئاداری ڕابردوو لە ئیتاڵیا تۆماركرا كە تەنیا لەو ڕۆژەدا بەهۆی ڤایرۆسەكەوە 969 كەس گیانیانلەدەستدا.

).

بەردەوام بە لە خوێندنەوە

کوردستان