ئێمە لە تۆرە کۆمەڵایەتیەکان

جیهان

پۆمپیۆ: ئامادەین لەگەڵ ئێران گفتوگۆ ئەنجام بدەین

خەڵك – بەشی هەواڵ

وەزیری دەرەوەی ئەمریكا ئامادەیی وڵاتەكەی نیشاندا بۆ ئەنجامدانی گفتوگۆ لەگەڵ كۆماری ئیسلامی ئێران لە حاڵەتێكدا “ئەگەر ئێران ڕەفتارەكانی بگۆڕێت”.

مایك پۆمپیۆ وەزیری دەرەوەی ئەمریكا لە كۆنفڕانسێكی ڕۆژنامەوانیدا ڕایگەیاند، “واشنتۆن ئامادەیە لەهەر كاتێكدا گفتوگۆ لەگەڵ ئێران بكات ئەگەر ئێران بەشێوەیەكی بنەڕەتی ڕەفتارەكانی بگۆڕێت”.
مایك پۆمپیۆ جەختی لەوەشكردەوە، “سەرۆك دۆناڵد ترەمپ بەهیچ جۆرێك نیازی ئەوەی نییە سزاكان لەسەر ئێران سووك بكات”.

پۆمپیۆ ئاماژەی بەوەشدا:”پەلەناكەین، هەڵمەتی گەمارۆكانیش بەردەوام دەبێت، سزاكان تەنها ئابووری نین بەڵكو بۆ پەراوێزخستنی ئێرانە لەڕووی دیپلۆماسییەوە لە ناوچەكەدا”.

ئەم لێدوانەی مایك پۆمپیۆ وەزیری دەرەوەی ئەمریكا لەكاتێكدا بوو كە ئەمڕۆ چوارشەممە 19/2/2020 ئەدیس ئەبابای پایتەختی ئەسیوپیای بەرەو عەرەبستانی سعودیە جێهێشت.

ك.ج

جیهان

ماكرۆن: پێویستە حزبوڵا لە چەك دابماڵرێت

خەڵك – بەشی هەواڵ

سەرۆكی فەڕەنسا سەبارەت بە دواكەوتنی پێكهێنانی حكومەتی لوبنان حزبوڵا تۆمەتبار دەكات.

ئیمانوێل ماكرۆن سەرۆكی فەڕەنسا ڕایگەیاند، حزبوڵا هۆكاری دواكەوتنی پێكهێنانی حكومەتی لوبنانە و بەمشێوەیەی ئێستا ناتوانن بەردەوامبن.

سەرۆكی فەڕەنسا وتیشی، حزبوڵا 4 بۆ 6 هەفتەیە پێكهێنانی حكومەتی لوبنانی دواخستووە، بەڵام پێویستە ئەو ملیشیایە لەچەك دابماڵرێت و ڕێگەیان پێنەدرێت ڕۆڵی چەكدارییان هەبێت لەو وڵاتە.

بەردەوام بە لە خوێندنەوە

جیهان

حكومەتی یەمەن و حوسییەكان دیل ئاڵوگۆڕ دەكەن

خەڵك – بەشی هەواڵ

نێردەی تایبەتی نەتەوە یەكگرتووەكان بۆ یەمەن ڕایدەگەیەنێت، حكومەتی یەمەن و حوسییەكان ڕێككەوتن لەسەر ئاڵوگۆركردنی دیلەكان و بڕیارە زیاتر لە ١٠٠٠ دیل ئازاد بكەن.

مارتن گریفیس نێردەی تایبەتی نەتەوە یەكگرتووەكان بۆ یەمەن ئاشكرایكرد، حكومەتی یەمەن و حوسییەكان ڕێككەوتوون لە نێوان خۆیاندا ١٠٨٠ دیل ئازاد بكەن.

نێردەی تایبەتی نەتەوە یەكگرتووەكان بۆ یەمەن بە پێویستی زانی بە زووترین كات ڕێككەوتنی ئاڵوگۆری دیلەكان جێبەجێ بكرێت، وتیشی، ئاڵوگۆركردنی دیلەكان كاریگەری باشی دەبێت لەسەر بەرەوپێشچوونی دانوستانەكانی نێوان حكومەتی یەمەن و حوسییەكان كە بڕیارە بەم نزیكانە ئەنجام بدرێت.

بەردەوام بە لە خوێندنەوە

جیهان

سوریا: توركیا پشتیوانێكی سەرەكی تیرۆریستانە

خەڵك – بەشی هەواڵ

وەزیری دەرەوەی سوریا ڕایدەگەیەنێت، توركیا یاسا نێودەوڵەتییەكانی پێشێل كردووە.

وەلید موعەلیم وەزیری دەرەوەی سوریا لە وتارێكیدا لە كۆمەڵەی گشتی نەتەوە یەكگرتووەكان بەتوندی هێرشیكردە سەر توركیا و ڕایگەیاند، هەنگاوەكانی توركیا لە دەرەوەی یاسا نێوەدەوڵەتییەكانە و ئەنقەرە بەو سیاسەتانە هەڕەشە لە ئاسایش و سەقامگیری تەواوی ناوچەكە دەكات و پێویستە بوەستێنرێت.

وەزیری دەرەوەی سوریا ئەوەشی خستەڕوو، توركیا پشتیوانێكی سەرەكی تیرۆریستانە لە سوریا و لە ناوچەكە و ئاسانكاری بۆ چوونە ناوەوەی دەیان و هەزاران تیرۆریست كردووە بۆ ناو خاكی وڵاتەكەیان.

وەلید موعەلیم داواشی لە نەتەوە یەكگرتووەكان كرد، هەوڵی ڕێكخستنی نێوان وڵاتان بدات و دژی جەنگ و ئەوانەی جەنگ هەڵدەگیرسێنن بوەستنەوە.

بەردەوام بە لە خوێندنەوە

کوردستان