ئێمە لە تۆرە کۆمەڵایەتیەکان

کوردستان

مەسرور بارزانی لەگەڵ وەزیری دەرەوەی ئیتاڵیا كۆبووەوە


خەڵك- بەشی هەواڵ
شاندی هەرێمی كوردستان بە سەرۆكایەتی سەرۆك وەزیران لەگەڵ وەزیری دەرەوەی ئیتاڵیا كۆدەبێتەوە.

بەپێی ڕاگەیەنراوێكی حكومەتی هەرێمی كوردستان، ئەمڕۆ چوار شەممە 19ی شوباتی 2020 لە ڕۆما مەسرور بارزانی، سەرۆك وەزیرانی هەرێم لەگەڵ لویجی دی مایۆ، وەزیری دەرەوەی ئیتاڵیا كۆبووەوە.

ئاماژە بەوەشكراوە، كە گفتوگۆ كراوە لەبارەی زیاتر پەرەپێدانی پەیوەندییەكانی نێوان ھەرێمی كوردستان و ئیتاڵیا بە تایبەت لە بواری بازرگانی و ژێرخانی ئابووری و گەشەپێدانی كشتوكاڵ لە ھەرێمی كوردستان.

مەسرور بارزانی جەختیشی لە پتەوتركردنی دۆستایەتی نێوان هەرێمی كوردستان و ئیتاڵیا لەلایەك و گرنگی بەردەوامبوونی مەشق و ڕاهێنانی ئیتاڵیا بە هێزی پێشمەرگەی كوردستان لەلایەكی دیكە كردەوە.

کوردستان

چەند ڕێنماییەكی نوێ‌ لەبارەی قەدەغەی هاتوچۆ لە پارێزگای دهۆكەوە


خەڵك – بەشی هەواڵ

جێگری پارێزگای دهۆك بە وەكالەت چەند ڕێنمایەكی نوێی لەبارەی قەدەغەی هاتوچۆ ڕاگەیاند.

دەقی ڕێنماییەكان:

چەند جهێن خزمەتكاری ونانپێژی وماركێت ب رێكخستن دێ هێنە ڤەكرن

ئەڤرو ئێڤاری 6/4/2020 دكونگرەگێ روژنامەڤانیدا بەرێز ماجد سەید صالح جێگرێ پارێزگەرێ دهوكێ ب وەكالەت ب ئامادەبونا اسماعیل محمد احمد هاریكارێ پارێزگەری بو كاروبارێن مروڤایەتی بەحسێ بریارا راگرتنا هاتن وچونێ بو 48دەم ژمێرا كر وگوت : ئەڤ بریارە ل سەرانسەری هەرێمێ هاتبو ئەنجامدان و جهێ خوشحالیێ یە ل سنورێ پارێزگەها دهوێ ب رێژا 97هەتا 98% ب رێك وپێكی هاتیە بجه ئینان وبڤێ هەلكەفتێ بناڤێ كارگێریا پارێزگەهێ وژورا ئوپەراسیونا و هەموو لایەنان سوپاسیا خەلكێ پارێزگەهێ وهێزێن نافخو وپێشمەرگێ كوردستانێ وهەموو سازیێن ئێمناهیێ كر كو بریارا وەزارەتا نافخویی سەركەفتیانە هاتیە بجهئینان .

هەروەسا گوت: بو قوناغا ئێكێ كو سوبەهی 7-4-2020 دێ دەست پێكەت هندەك جهێن فەر وگرێدای ب ژیانا روژانە یا وەلاتیانڤە دێ هێنە ڤەكرن وەكو ناپێژیی وسەمونخانە و ماركێت وجهێن زەرزەواتی وگوشت فروش وسپیاتی وگومركێن فێقی و…هتد ، هەروەسا ل روژێن دوڤدا كارێ رێكخستنا هندەك سەكتەرێن دیژی دێ هێتە راگەهاندن ودێ بەرفرەهتر بیت وەكو بیاڤێ چاندنێ وپەلەوەرا وخودانكرنا ماسیا وهتد.

جێگرێ پارێزگەرێ دهوكێ ب وەكالەت داخاز ژوەلاتیان كر كو هەموو دپێگریبن ب رێنمایێن ساخلەمیێ وقەرەبالغێ دورست نەكەن ودەستگورك وكەماما ب كاربینن دەمێ قەستا ماركێت هەر جهكی دكەن هەروەسا خودانێن سەمونخانا وماركێتا ژی وان كەرەستێن خو پاراستنێ ب كاربینن بو پاراستنا ساخلەمیا گشتی یا وەلاتیان.

پلانا قوناغا ئێكێ دێ بڤی رەنگی بیت:سەمونخانا وناپێژی ژدەم ژمێر (4 سپێدێ – 5 ئێڤاری) وماركێت وسپیاتیا ژدەم ژمێر(6 سپێدێ هەتا 5 ئێڤاری) و گوشت فروش ژدەم ژمێر (8 سپێدێ هەتا 4 ئێڤاری ) و گومكرێن كەسكاتیێ دەم ژمێر (5 سپێدێ هەتا 2 ئێڤاری) دێ هێنە ڤەكرن ودەرمانخانە وپانزینخانە دێ ب سیستەمێ نوبەداری هێنە ڤەكرن هەروەسا غاز وگازاویلا موەلیدا ژدەم ژمێر( 9 سپێدێ – 6 ئێڤاری) دێ هێنە دابینكرن.

پارێزگەها دهوك
٦ / ٤ / ٢٠٢٠

بەردەوام بە لە خوێندنەوە

کوردستان

ژووری ئۆپراسیۆنی ئیدارەی گەرمیان بۆ بەرەنگاربوونەوەی ڤایرۆسی كۆرۆنا 20 بڕیاری نوێی دەركرد


خەڵك – بەشی هەواڵ

ژووری ئۆپراسیۆنی ئیدارەی گەرمیان بۆ بەرەنگاربوونەوەی ڤایرۆسی كۆرۆنا لە ڕاگەیەنراوێكدا 20 بڕیاری نوێی لەبارەی قەدەغەی هاتوچۆوە دەركرد و ڕایدەگەیەنێت: بەهیچ شێوەیەك ڕێگا بە هاتووچۆی هاووڵاتیان نادرێت لەكاتژمێر 6ی ئێوارە بۆ 12 ی شەو.

هەروەها بڕیاریشداوە، پشتبەستن بەبڕگەی سێیەم لە بەیانی ژمارە 25ی وەزارەتی ناوخۆ پێویستە سەرجەم ئەوكەسانەی ڕێگایان پێدەدرێت لەكاتژمێر 12 ی شەو تا 6 ی ئێوارە شەقامەكان بەكاربێنن.

 

دەقی ڕاگەیەنراوەكە:

ژووری ئۆپەراسیۆنی ئیدارەی گەرمیان بۆ بەرەنگاربوونەوەی (ڤایرۆسی كۆرۆنا)

بەیانی ژمارە 25 بەهیچ شێوەیەك ڕێگا بە هاتووچۆی هاووڵاتیان نادات لەكاتژمێر 6ی ئێوارە بۆ 12 ی شەو.
پشتبەستن بەبڕگەی سێیەم پێویستە سەرجەم ئەوكەسانەی ڕێگایان پێدەدرێت لەكاتژمێر 12 ی شەو تا 6 ی ئێوارە شەقامەكان بەكاربێنن.
لەبەر بەرژەوەندی گشتی و لەو چوارچێوەی بڕیار و ڕێنماییەكاندا ژووری ئۆپەراسیۆنی ئیدارەی گەرمیان بڕیاریدا:

یەكەم: نانەواخانە و ماركێتەكان لە كاتژمێر 6ی بەیانی بۆ 4ی ئێوارە دەكرێنەوە ماركێتە گەورەكان ڕێگایان پێدەدرێت ٢ ئوتومبیل بەكاربهێنن و ماركێتی بچوكیش ١ ئۆتۆمبێل.

دووەم: ڕێكخراوەكانی un و ئەو رێكخراوە خێرخوازییەكان لەلایەن یەكە ئیدارییەكانەوە ڕێگایان پێدەدریت و دابەشكردنی هاوكاری مرۆیی لە كاتژمیر 12 ی نیوەڕۆ بۆ 5 ی ئێوارە دەبێت.

سێیەم: عەلوەكان 6ی بەیانی بۆ 5 ی ئێوارە كراوە دەبن.

چوارەم: میوەفرۆشەكان 6 ی بەیانی دەڕۆنە عەلوە و پێویستە پێش كاتژمێر 9 بگەڕێنەوە بۆ گەڕەكەكان.

پێنجەم: مریشكفرۆش و گۆشتفررۆشەكان لە 6 ی بەیانی بۆ 4 ی ئێوارە كراوەدەبن.

شەشەم: دوكانی مۆبایل 12 ی نیوەرۆ بۆ 4 ی ئێوارە كراوە دەبێت.

حەوتەم: جوتیارن و خاوەن كێلگە و هەنگەوانان 6 ی بەیانی بۆ 5 ی ئێوارە كراوە دەبن.

هەشتەم: هاتوچۆی كارمەندانی تەندروستی و صیانە و ئاو پێویستە بەپێی خشتەی ئێشكگری بێت كەلەلایەن بەڕێوەبەرایەتییەكانیانەوە دیاریدەكرێت.

نۆیەم: دەرمانخانە و نۆڕینگەكان بەپێی خشتەی ئێشكگیری بەڕەچاوكرنی شوێنی جوگرافی كاتی كرانەوە و داخستنیان دیاریدەكرێت.

دەیەم: ناوچەی پیشەسازی شوێنكاری نۆژەنكردنەوەی دەڕاسە 6 ی بەیانی بۆ 4ی ئێوارە كراوە دەبێت.

یانزەیەم: شوێنی فرۆشتنی بەروبوومی ماست و شیرەمەنی 6ی بەیانی بۆ 10ی بەیانی كراوە دەبێت.

دوانزەیەم: غازفرۆشەكان 6ی بەیانی بۆ 4 ی ئێوارە كاردەكەن.

سیانزەیەم: كۆگاكانی بان ئاسیاو 6 ی بەیانی بۆ 5 ی ئێوارە كراوە دەبن.

چواردەیەم: پڕۆژەكانی وەبەرهێنان 6ی بەیانی بۆ 5ی ئێوارە كاردەكەن.

پانزەیەم: ڕێگا بەنەخۆش و پێداویستی فریاگوزاری هاووڵاتیان دەدرێت.

شانزەیەم: دەرمانی نەخۆشی درێژخایەن و كوتان 9ی بەیانی بۆ 1ی نیوەڕۆ.

حەڤدەیەم: بەهیچ جۆریك ڕێگا بە ئۆتۆمبێلی بچوك نادرێت لە ناوچەكانی ژێر دەسەڵاتی حكومەتی عیراقەوە بێتە ئیدارەی گەرمیان ئەو هاووڵاتیانەشی بەمەبەستی كاری بازرگانی یان بردنی شتومەك و پێداویستی خۆراك دێنە ناوچەكە تەنها بە ئۆتۆمبێلی بارهەڵگری گەورە ڕێگایان پێدەدرێت.

هەژدەیەم: لەسبەینێوە ڕێگە دەدرێت مریشكی زیندوو هەناردەی ناوچەكانی ژێر دەسەڵاتی حكومەتی عیراق بكرێت، بەڵام ڕێَگا بەهەناردەكردنی هێلكە نادرێت.

نۆزدەیەم: نوێنەری بازرگانەكان و موخەلیصەكانی مەرزی پەروێزخان سنورداردەكرێت و پێویستە لەلایەن یەكە ئیدارەییەكانەوە بە پشتگیری دەروازەی پەروێزخان ڕێگایان پێدەدرێت.

بیست: بەنزینخانەی فەڕمی بەپێی شوێنی جوگرافی لە ٦ی بەیانی بۆ ٥ ی ئێوارە ڕیگایان پێدەدرێت.

بەردەوام بە لە خوێندنەوە

کوردستان

لیژنەی باڵای ئۆپراسیۆنەكانی سلێمانی ڕێنمایی نوێی بۆ قەدەغەی هاتووچۆ دەكرد


خەڵك – بەشی هەواڵ

لیژنەی باڵای ئۆپراسیۆنەكانی پارێزگای سلێمانی ڕایدەگەیەنێت، قەدەغەكردنی هاتووچۆ لەنێوان یەكە كارگێڕییەكانی سنوری پارێزگای سلێمانی و پارێزگاو ئیدارە سەربەخۆكانی ترو پارێزگاكانی عیراقیشدا تا 10ی نیسان بەردەوام دەبێت، دەشڵێت،”بەپێی لیستی موچە، ڕۆژانە كارئاسانیی بۆ موچەخۆرانی ئەو شوێنانە دەكرێت كە موچە وەردەگرن”.

لیژنەی باڵای ئۆپراسیۆنەكانی پارێزگای سلێمانی لە ڕاگەیەنراوێكدا، كەوێنەیەكی دەست (خەڵك) كەوتووە ڕایگەیاندووە، قەدەغەكردنی هاتووچۆ لەنێوان یەكە كارگێڕییەكانی سنوری پارێزگای سلێمانی و پارێزگاو ئیدارە سەربەخۆكانی ترو پارێزگاكانی عیراقیشدا تا (١٠/ ٤/ ٢٠٢٠) بەردەوام دەبێت.

ڕاشیگەیاندووە ، قەدەغەكردنی هاتووچۆی تەواو لە سەعات (٦)ی ئێوارە بۆ سەعات (١٢)ی شەو بەردەوام دەبێت شەوانە لە سەعات (١٢)ی شەو بۆ سەعات (٦)ی بەیانی هاتووچۆی سنورداركراو بۆ كاری زۆر پێویست بەپێی ڕێنماییە تەندروستیی و كارگێڕیی و ئارامییەكان، لە سنوری قائیمقامیەتی قەزای مەڵبەندی سلێمانیدا، ڕێگەپێدراو دەبێت

بۆ/ هەموو یەكە كارگێڕیی و فەرمانگە پەیوەندیدارەكانی سنوری پارێزگای سلێمانی
بابەت/ گشتاندن
بەناوی پارێزگای سلێمانی و لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا، پاڵپشت بەو دەسەڵاتەی لە بەیانی ژمارە (٢٥)ی ساڵی (٢٠٢٠)ی وەزارەتی ناوخۆدا پێمان بەخشراوە. بڕیارماندا بە:
١-قەدەغەكردنی هاتووچۆ لەنێوان یەكە كارگێڕییەكانی سنوری پارێزگای سلێمانی و پارێزگاو ئیدارە سەربەخۆكانی ترو پارێزگاكانی عێراقیشدا تا (١٠/ ٤/ ٢٠٢٠) بەردەوام دەبێت.
٢-قەدەغەكردنی هاتووچۆی تەواو لە سەعات (٦)ی ئێوارە بۆ سەعات (١٢)ی شەو تا ڕۆژی (١٠/ ٤/ ٢٠٢٠) شەوانە بەردەوام دەبێت.
٣-دەسەڵاتی تەواو دەدەینە هەموو قائیمقامیەتەكانی سنوری پارێزگای سلێمانی، بۆئەوەی لەماوەی سەعات (١٢)ی شەو تا (٦)ی ئێوارە، بەپێی تایبەتمەندیی سنورە كارگێڕییەكانیان، خزمەتگوزارییە گشتییەكان و پێداویستییەكانی ڕۆژانەی هاووڵاتیان بەپێی ڕێكارەكانی لەلایەن پارێزگای سلێمانی پەسەندكراون و لەسەر بنەمای ڕێنماییە تەندروستیەكان، پلانەكانیان جێبەجێ بكەن.
٤-شەوانە لە سەعات (١٢)ی شەو بۆ سەعات (٦)ی بەیانی هاتووچۆی سنورداركراو بۆ كاری زۆر پێویست بەپێی ڕێنماییە تەندروستیی و كارگێڕیی و ئارامییەكان، لە سنوری قائیمقامیەتی قەزای مەڵبەندی سلێمانیدا، ڕێگەپێدراو دەبێت.
٥-قەدەغەكردنی هاتووچۆ ئەو سێكتەرانە ناگرێتەوە كە لە بەیانەكانی وەزارەتی ناوخۆو بڕیارەكانی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا دیاریكراون، بەتایبەتیش پزیشكانی هەڵگری ناسنامەی سەندیكای پزیشكانی كوردستان.
٦-هاتووچۆی كارمەندانی فەرمانگە خزمەتگوزارییەكانی كە (پشوو نایانگرێتەوە)، بەپێی ئەوكاتانەی لەلایەن لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆناوە دیاریكراون لەڕێی ناسنامەو پێناساندنی فەرمیی بەڕێوەبەرایەتیی گشتیی و بەڕێوەبەرێتی فەرمانگەكانی خۆیانەوە دەبێت، وەك (تەندروستی، كارەبا، ئاو، زیادەڕەوی شارەوانیی، بەڕێوەبەرایەتی كۆمپانیای گشتی دروستكردنی دانەوێڵە، بەڕێوەبەرایەتی كۆمپانیای گشتی بازرگانی خۆراك، بانكە حكومییەكان، گەنجینەكانی ١ و ٢، كشتوكاڵ، ڤێتێرنەری، دەروازە سنورییەكان، گومرگ، فڕۆكەخانە، شێڵتەرو خانەكانی ژنان و مناڵان و نەوجەوانان و بەساڵاچووان).
٧-كەرتی تایبەت لە بوارەكانی (ئاڵوگۆڕی بازرگانیی، سوتەمەنیی، پاڵاوگە، كارەبا، پەیوەندییەكان، ئینتەرنێت، سیتیەكان، كۆمپانیاكانی سكوریتی، عەلوە، كۆمپانیاكانی كۆكردنەوەی خۆڵ و خاشاك، بانكی ئەهلی، كارگەكانی بەرهەمهێنانی پێداویستیە تەندروستیەكان و پاككردنەوە، كۆمپانیاكانی خۆراك، پەلەوەر، خانووی پلاستیكی و كێڵگە كشتوكاڵییەكان، مەڕوماڵات، شیرەمەنیی، كۆمپانیاكانی دابەشكاریی، چالاكیی فرۆشتنی كارگە پیشەسازییەكان، كارگەكانی دەرمان) بەردەوام دەبن بەپێی ڕێكارە تەندروستیی و كارگێڕیی و ئارامییەكانی پێشتر دیاریكراون.
٨-كارمەندو ڕۆژنامەوانانی كەناڵەكانی ڕاگەیاندن ڕێگەپێدراو دەبن، بەمەرجێك لەگەڵ باج یان ناسنامەی كەناڵەكەیاندا نووسراوی ڕاسپاردنیان بە ئەركی ڕۆژانەی ڕاگەیاندنكارانەیان هەبێت لەلایەن دەزگاكەیانەوە.
٩-بەپێی لیستی موچە، ڕۆژانە كارئاسانیی بۆ موچەخۆرانی ئەو شوێنانە دەكرێت كە موچە وەردەگرن، بەمەرجێك بەڵگەی فەرمیی پیشانبدەن‌و پابەندی ڕێنماییە تەندروستی‌و كارگێڕی‌و ئارامییەكان بن.
١٠-هەموو هێزەكانی پۆلیس‌و ئاسایش‌و پۆلیسی هاتوچۆ‌و لیوای یەكی پاراستنی سلێمانی و لیواكانی سكرتاریەت و هێزەكانی پێشمەرگە، بە شێوازێكی نوێ‌‌و بەپێی دابەشبوونی گەڕەكەكان، لە تیمی هاوبەشدا ئەركی چاودێریكردنی پابەندبوون بە قەدەغەی هاتووچۆوە جێبەجێ‌ دەكەن، تەنها پۆلیسی هاتووچۆ مافی لێپێچینەوەی لە شۆفێرو ئۆتۆمبێلەكان هەیە، لەگەڵ هەموو تیمێكدا ڕێبەرێكی تەندروستی بەشدار دەبێت بۆ ڕێنماییكردنی شۆفێرو سەرنشینان.
١١-لەدوای سەعات (١٢)ی شەوی (٦/ ٤/ ٢٠٢٠)ەوە، هەموو چالاكییە ئابووریی‌و بازاڕگەریی‌و دارایی‌و عەلوەو یەكەكانی نیشتەجێبوون‌و كۆمپانیاكانی سكوریتی و سیتیەكان و كۆمپانیاكانی دابەشكاریی‌و ماركێت‌و خزمەتگوزاریی ڕۆژانە پێویستەكان وەك (ماركێت، بەقاڵ، شیرەمەنیی، نانەواخانە، سەمونخانە، قەسابخانە، دەرمانخانە، (چێشتخانەو خواردنی خێرا – كە پێویستە تەنها بەشێوەی دلیڤەری بن))، لەلایەن قائمقامیەتی سلێمانی‌و (یەكە كارگێڕییەكانەوە) بەهاوبەشی لەگەڵ بەڕێوەبەرایەتی چاودێری بازرگانی و بەڕێوەبەرایەتی ئاسایشی ئابووریدا، بە هەماهەنگیی (ژووری بازرگانی و پیشەسازی سلێمانی و كۆمەڵەی هاوردەو هەناردەكاران و یەكێتی كۆمپانیاكانی دابەشكاریی) ڕێكدەخرێنەوە، بەمەرجێك كە پابەندی ڕێنماییە تەندروستی‌و كارگێڕی‌و ئارامییەكان بن، (قائیمقامەتی قەزای مەڵبەندی سلێمانی و (یەكە كارگێڕییەكان) ڕێكاری پێویست بۆ هەر بوارێكیان دیاریدەكەن و ڕایدەگەیەنن).
١٢-جوڵەو كاروباری دامودەزگا حكومیەكان‌و كۆمپانیاكانی كەرتی تایبەت لەلایەن پارێزگای سلێمانی‌و بەڕێوەبەرایەتی كاروباری ناوخۆی پارێزگاو فەرمانگەی پەیوەندیدارەوە ڕێكدەخرێنەوە.
١٣-پێویستە هەموو هاووڵاتییەك لەكاتی هاتنە دەرەوەو مامەڵەی ڕۆژانەدا، دەستكێش‌و ماسك بەكاربهێنێت‌و پابەندی ڕێنماییە تەندروستی‌و كارگێڕی‌و ئارامییەكان بێت.
١٤-هەموو كارێكی خێرخوازیی پێویستە بە ئاگاداری یەكە كارگێڕییەكان‌و لیژنەی سەرژمێریكردنی خێزانە كەمدەرامەتەكانەوە بێت لە پارێزگاو یەكە كارگێڕییەكاندا.
١٥-بانكە ئەهلییەكان بەهەمان پەیڕەوی ڕاگەیەندراوی پێشوو بەردەوام دەبن.
١٦-بازاڕی دراوی سلێمانی‌و هەر شوێنێكی تریش دادەخرێن تا ئەوكاتەی لەلایەن قائمقامیەتی قەزای مەڵبەندی سلێمانی‌و بەڕێوەبەرایەتی ئاسایش‌و ژوری بازرگانی و پیشەسازییەوە بەشێوەیەكی تەندروستی گونجاو ڕێكدەخرێنەوە.
١٧-پێویستە هەموو هاووڵاتیان‌و دامودەزگاكانی كەرتی گشتیی‌و تایبەت‌و مێدیاكان‌و ڕێكخراوەكان بایەخی تەواو بە كەلتوری (خۆپارێزیی و تاكپارێزیی) بدەن‌و برەو بە پەروەردەی تاكپارێزیی بدەن بۆ سەرلەنوێ‌ كردنەوەی بوارە جیاجیاكان لە ئایندەدا بەجۆرێك، كە تاك خۆی، خۆی بپارێزێت.

د. هەڤاڵ ئەبوبەکر
پارێزگاری سلێمانی
سەرۆکی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا
٦ / ٤ / ٢٠٢٠

بەردەوام بە لە خوێندنەوە

کوردستان