ئێمە لە تۆرە کۆمەڵایەتیەکان

کوردستان

(خەڵك) ناوەڕۆكی كۆبوونەوەكانی لایەنە كوردستانی و عیراقییەكان ئاشكرا دەكات


خەڵك-بەشی هەواڵ

ئەندامێكی پەڕلەمانی عیراق ڕایدەگەیەنێت، لایەنە سیاسییەكان دەیانەوێت ئالییەتێك بۆ مامەڵەكردن لەگەڵ عەللاوی بدۆزنەوە.
ئەمڕۆ شاندی باڵای لایەنە سیاسییەكانی هەرێم لەگەڵ بەرپرسانی لایەنە سوننە و شیعەكانی عیراق كۆدەبنەوە و بڕیارە لەسەر ئالیەتێك بۆ مامەڵەكردن لەگەڵ عەللاوی ڕێكبكەون.

شیروان میرزا ئەندامی پەڕلەمانی عیراق بە (خەڵك)ی ڕاگەیاند، هەموو لایەنە سیاسییەكان دەیانەوێت ئالییەتێك بدۆزنەوە بۆ ئەوەی چۆن مامەڵە لەگەڵ محەمەد تۆفیق عەللاویدا بكەن، بەو شێوەیەی ئەو تا ئێستا دەیەوێت بۆ هەموو پێكهاتەكان خۆی وەزیرەكان دیاری بكات لە بری لایەنە سیاسییەكان ئەمەش لەناو شەقامی عیراق بە گشتی جێی قبوڵ نییە.

وتیشی”ئەگەر هەندێك لایەنی شیعەش بە ڕاشكاوی لەبەر شەقامی عیراقی قسە نەكەن، بەڵام بەگشتی كارەكەی عەللاویان پێباش نییە و پێیانوایە ناكرێت وەزیر دابنریت بەبێ بۆچوونی لایەنە سیاسییەكان.
ئاماژەی بۆ ئەوەش كرد، ئەو كەسەی دەبێتە وەزیر مەرج نییە كەسێكی حزبی بێت، بەڵام دەبێت حزبەكان بۆچوونیان هەبێت، ئەی دواتر كێَ دەنگییان پێبدات، بە گشتی ناوەڕۆكی كۆبوونەوەكان لەسەر ئەو بابەتە بووە.

کوردستان

٦ توشبووی نوێ بەڤایرۆسی کۆرۆنا لەهەرێم تۆمارکرا


خەڵک – بەشی هەواڵ

وەزارەتى تەندروستی حکومەتى هەرێم ڕایگەیاند، ٦ توشبووی نوێ بەڤایرۆسی کۆرۆنا لەهەرێم تۆمارکرا.

کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (١٢٨) تووشبوو، لەنێویاندا (٢) مردن هەیە و (٥٥) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان.

 

دەقی ڕاگەیاندراوی وەزارەتی تەندروستی
ژمارە (٣١)

سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، تیمەکانی تەندروستی بۆ کەڕەنتین کردن و دۆزینەوە و پشکنینی هەڵگرانی ئەم ڤایرۆسە ڕۆژانە بەردەوامن بەمەش:
1. کەرەنتین
ژمارەی هاوڵاتیان لە کەڕەنتینەکان (٥٣١٥) هاوڵاتی بوون لە (٣٥) شوێنی جیاواز، لەئێستادا تەنها (١٢٤٨) هاوڵاتی لە کەرەنتین ماونەتەوە (٢٩٩) لە هەولێر، (٢٣٨) لە سلێمانی، (٦٢٦) لە دهۆك، (٣٠) لە هەلەبجە، (٣٥) لە ڕاپەرین، (٢٠) لە کۆیە وە (٤٠٧٦) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری کەرەنتین کراو لە ٢٤ کاتژمێری ڕابردوو کە کۆی گشتی بریتی بوو (٤٢) هاوڵاتی.

2. پشکنین
لەماوەی ٢٤ کاتژمێری ڕابردوو (٥٤٤) پشکنین کراوە، (٣٩٦) هەولێر، (٩٢) سلێمانی، (٥٦) دهۆك.
دەرەنجام (٦) تووشبووی نوێ تۆمارکرا وە بەم شێوەیەی خوارەوە:-

• پارێزگای هەولێر (٣) پۆزەتیڤ، کە پیاون تەمەنیان (٣٤)، (٣٥)، (٥٤) ساڵ دوویان هاوڵاتی بیانین لە کەرەنتن بوون، یەکیان لە ووڵاتی بەریتانیا گەڕایتەوە و دانیشتوونی ناحیەی خەلیفانە.
• پارێزگای سلێمانی (١) پۆزەتیڤ، کە ئافرەتێکە تەمەن (٧٠) ساڵ دانیشتووی قەزای دەربەندیخانە.
• پارێزگای دهۆك (٢) پۆزەتیڤ، کە پیاون تەمەنیان (١٩)، (٢١) ساڵ کە بەرکەوتووی تووشبووانی پێشوون کە دانیشتووی شاری دهۆك و قەزای ئامێدین.

3. ئاماری گشتی
کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (١٢٨) تووشبوو، لەنێویاندا (٢) مردن هەیە و (٥٥) نەخۆش چاکبووەتەوە، و ئەوانی تر هەموویان لەژێر چاودێری پزیشکی دان.

وێڕای دەستخۆشی بۆ تیمەکانی وەزارەتی ناوەخۆ و تیمەکانی پزیشکی کە لە کاردان جارێکی تر تکا دەکەین هاوڵاتیان بە هیچ شێوەیەك نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی و بەرکەوتەی کەسی تر نەبن وە لەکاتی پێویستدا پەیوەندی بکەبن بە هێڵی گەرمی ژمارە (١٢٢).

وەزارەتی تەندروستی
حکومەتی هەرێمی کوردستان
٢٩ی ئازاری٢٠٢٠

بەردەوام بە لە خوێندنەوە

کوردستان

فەرمانگەی داواکاری گشتى سلێمانی ئاگادارییەکی بڵاوکردەوە


خەڵک – بەشی هەواڵ

فەرمانگەی داواکاری گشتى سلێمانی ئاگاداری هاوڵاتییان دەکات، کە ڕۆژانی بەک شەممە و سێ شەممە و پێنج شەممە دەوامی ئاسایی دەکەن.

 

فەرمانگەی داواکاری گشتى سلێمانی لەڕێگەی ڕاگەیەندراوێکەوە ڕایگەیاند، هاوڵاتییان و لایەنەکان هەر سکاڵا و هەواڵ و زانیارییەکیان هەیە، کە پەیوەستە بەمافی گشتییەوە دەتوانن بیگەیەننە فەرمانگەکەیان یاخود لەڕێگەی پەیوەندی تەلەفۆنییەوە ئاگاداریان بکەنەوە.

 

بەردەوام بە لە خوێندنەوە

کوردستان

پڕۆژە پێشنیازێک بۆ نەفەوتانى خوێندنی ئەمساڵی خوێندکاران دەخرێتەڕوو


خەڵک – بەشی هەواڵ

ڕێکخراوی قوتابیانی کوردستان پڕۆژە پێشنیازێک بۆ نەفەوتانى خوێندنی ئەمساڵی خوێندکارانی زانکۆ و پەیمانگاکان و قوتابخانەکان دەخاتەڕوو.

 

ڕێکخراوی قوتابیانی کوردستان لەو پڕۆژەیەیدا کە پێشکەشی وەزارەتى خوێندنی باڵا و وەزارەتى پەروەردە و لیژنەى پەروەردە و خوێندنی باڵای پەڕلەمانى کوردستانی کردووە، داوا دەکات بەهیچ شێوەیەک خوێندنی ئەمساڵ نەفەوتێت و ڕێگەچارەى گونجاوی خستۆتەڕوو.

 

دەقی پڕۆژە پێشنیازەکە:

بەردەوام بە لە خوێندنەوە

کوردستان