ئێمە لە تۆرە کۆمەڵایەتیەکان

کوردستان

یەكێتی، ڕاگەیەنراوێكی لەسەر دۆخی كەركوك بڵاوكردەوە


خەڵك-بەشی هەواڵ

ئەنجومەنی سەركردایەتیی یەكێتیی نیشتمانیی كوردستان ڕایدەگەیەنێت، بە توندی ئیدانەی پەلاماری تیرۆریستان دەكەین بۆ سەر گوندی چەخماخەی سەر بەقەزای دووبز لە پارێزگای كەركوك، كە بەو هۆیەوە چوار هاووڵاتی سیڤل شەهیدبوون و دوو هاووڵاتی دیكەش برینداربوون.

ئەنجومەنی سەركردایەتیی یەكێتیی نیشتمانیی كوردستان لە ڕاگەیەنراوێكدا ئاماژە بۆ ئەوە دەكات، لەكاتێكدا پرسەو سەرەخۆشی خۆمان ئاڕاستەی كەسوكاری شەهید و قوربانییەكان دەكەین و هیوای زووچاكبوونەوە بۆ بریندارەكان دەخوازین، تەئكید دەكەینەوە پێویستە هەرچی زووە كاری جددی بكرێت بۆ ئاساییكردنەوەی بارودۆخی كەركوك و پڕكردنەوەی ئەو بۆشاییە ئەمنییەی لەو ناوچانە بەهۆی نەبوونی هێزی پێشمەرگەی كوردستانەوە دروست بووە و بووەتەهۆی مەترسیی بۆ سەر گیان و ژیانی ڕۆژانەی هاووڵاتیان.

ئاشكراشیدەكات، پێویستە حكومەتی فیدڕاڵ بەرپرسیارێتی نیشتمانی و ڕەسمی سەرشانی خۆی بەرامبەر دانیشتووانی ناوچەكە جێبەجێبكات كە بەهۆی ناكارایی ئیدارەی پارێزگاكە و نەگونجانی لەگەڵ ئیرادەی فرە ڕەنگی دانیشتوانییدا دروست بووە.
جەخت لەوەش دەكاتەوە، پێویستە هەنگاوی جددی و پێویست بنرێت بۆ ڕێككەوتن لەگەڵ هێزی پێشمەرگە وەك بەشێك لە مەنزومەی ئەمنی و سەربازی عیراق.
لە ڕاگەیەنراوەكەی سەركردایەتی یەكێتی هاتووە”هێزی پێشمەرگە لە نەبەردی بەرەنگاربوونەوەی تیرۆریستانی داعشدا، بەكردەوە و بە خوێن خەڵكی كەركوك و ناوچە دابڕاوەكانی لەهەموو نەتەوەكان پاراستووە، ئێستاش دەتوانێت بە هەماهەنگیی لەگەڵ هێزە ئیتحادییەكان ئارامی و ئاسایش بەرقەرار بكاتەوە تاوەكو بەهەموو لایەك ڕێ لە پشێوی ئەمنی و تەرهیب و تەعریب بگیرێت”.

ڕوونیشیدەكاتەوە، ئەنجومەنی سەركردایەتیی یەكێتیی و نوێنەرانی یەكێتی لە ئەنجومەنی نوێنەران و تێكڕای نوێنەرانی كەركوك لە هەموو ئاڕاستە و پێكهاتەكان كە بەدەنگ و متمانەی خەڵكی كەركوك و ناوچە دابڕاوەكان هەڵبژێرداون هان دەدا و ڕایاندەسپێرێ هەموو توانای خۆیان لە پێناوی گەڕانەوەی ئارامی و ئاسایش بخەنەگەڕ و بیكەنە ئەولەویەتی كارەكانیان كە ئێمە لەو هیمەتەیان دڵنیاین و لە پاڵپشتی گەرم و دەستوبردی یەكێتی نیشتمانی كوردستانیش، لەهەموو ئاستەكان، دڵنیایان دەكەینەوە.
جەخت لەوەش دەكاتەوە، هەماهەنگی حكومەتی ئیتحادی، كە ئێستا زیاتر سەرقاڵی دۆخی بەغدایە، لەگەڵ هێزی پێشمەرگەی كوردستان باشترین چارەسەرە بۆ ڕێگەگرتن لە دزەكردنی تیرۆریستان.

کوردستان

كەركوك بۆ ماوەی 72 كاتژمێر ڕێگەی هاتنەناوەوە و چوونەدەرەوە دەكاتەوە


خەڵك- بەشی هەواڵ
فەرماندەیی ئۆپەراسیۆنەكانی لە كەركوك ڕايدەگەیەنێت، بۆ ماوەی 72 كاتژمێر ڕێگەی هاتنەناوەوە و چوونەدەرەوە بۆ خێزانەكان دەكاتەوە.

بەپێی بەیاننامەیەك كە لەلایەن ئۆپەراسیۆنەكانی كەركوكەوە بڵاوكرایەوە”لەسەر فەرمانی بارەگای پێشكەوتووی ئۆپەراسیۆنە هاوبەشەكان/كەركوك، و بە هەماهەنگی لەگەڵ شانەی قەیران لە پارێزگەی كەركوك، بڕیاردرا ڕێگە بكرێتەوە بۆ ئەو خێزانانەی لەنێو پارێزگەكەدا ڕێگەیان لێگیراوە لەگەڵ ئەو خێزانانەی خەڵكی پارێزگەكانی ترن و دەیانەوێت بگەڕێنەوە بۆ شوێنی خۆیان”.

ئۆپەراسیۆنەكانی كەركوك لە كاتژمێر 6:00ی بەیانی 3ی نیسان و بۆ ماوەی تەنیا 72 كاتژمێر ڕێگەی پارێزگەكە دەكاتەوە، ئەوانەش كە دەچنە كەركوك یان لە پارێزگەكە دەردەچن، وەك لە بەیانناكەدا ئاماژەی پێكراوە، لەلایەن تیمەكانی تەندروستی لە بازگە سەرەكییەكاندا پشكنینیان بۆ دەكرێت.

بەردەوام بە لە خوێندنەوە

کوردستان

بەڤیدیۆ؛ بەڕێوەبەری تەندروستی شارۆچكەیەك لە سلێمانی دڵنیایی دەداتە هاووڵاتیان


خەڵك – بەشی هەواڵ

بەڕێوبەری مەڵبەندی تەندروستی چوارتا ڕایدەگەیەنێت، جگە لە پزیشكەكەی دوێنێ وەك توشبووی بە ڤایرۆسی كۆرۆنا دەستنیشان كرا ، هیچ حاڵەتێكی دیكە لە ناو شارۆچكەكەیان بوونی نیە .

ئاوات محمود، بەڕێوبەری مەڵبەندی تەندروستی چوارتا لە تۆمارێكی ڤیدیۆیدا ڕایگەیاندووە، بەداخەوە پزیشكێكمان دوێنێ‌ وەك توشبوو بە ڤایرۆسی كۆرۆنا دەست نیشانكرا، كە لە كەسێكی دیكەوە لە گوندەكانی دەورووبەرمان سەردانی كردووە ، هەڵگری ڤایرۆسەكە بووە .

ڕاشیگەیاندووە ، ئەو كەسانەشی بەر كەوتنیان لەگەڵ پزیشكەكە هەبووە، لەگەڵ كارمەندانی تەندروستی شارۆچكەكە سەرجەمیان پشكنینەكانیان بۆ كراوە نێگەتیف بوون واتە ( توشبوو نین ) .

لە تۆمارە ڤیدیۆیەكەدا ، بەڕێوبەری مەڵبەندی تەندروستی چوارتا دڵنیای دەداتە دانیشتوانی چوارتا، كە هیچ حاڵەتێكی دیكەیان نیە ، داواشدەكات هاووڵاتیان پابەندی ڕێنماییەكان بن بۆ خۆپاراستن لەم پەتایە .

 

ڕونکردنەوەیەک لە بەڕێز ئاوات محمود بەڕێوبەری مەڵبەندی تەندروستی چوارتا تایبەت بە پەڕەی شارباژێڕ لەسەرحاڵەتی دکتۆرێکی مەڵبەندەکە کە هەڵگری ڤایرۆسەکەیەدڵنیای دەدات بە دانیشتوانی چوارتا کە هیچ حاڵەتێک نیە لەناو قەزاکەدا وە ئەوکارمەندانەی بەرکەوتەیان هەبووە لەگەڵ دکتۆرەکە فەحسەکەیان نێگەتیفە و سوپاس بۆ خواکەس توش نەبووەهیوای زوو چاک بوونەوە بۆ دکتۆرە بەڕێزە دەخوازین..به سوپاسه وه وه رگيراوه له لاپه ره ى ريكخراوى شارباژيره وه …

Posted by Chwarta-city on Thursday, April 2, 2020

بەردەوام بە لە خوێندنەوە

کوردستان

تەندروستی هەولێر: تووشبوویەكی تری ڤایرۆسی كۆرۆنا چاكبووەوە


خەڵك – بەشی هەواڵ

بەڕێوەبەرایەتی گشتی تەندروستی هەولێر لە ڕاگەیەنراوێكدا ئاشكرایكرد: یەك نەخۆشی تر لە تووشبووان بە ڤایرۆسی كۆرۆنا COVID – 19 دوای وەرگرتنی چارەسەری پزیشكی بەتەواوی چاكبووەوە و باری تەندروستی تەواو جێگیر بووەتەوە و پشكنینی تایبەتی یەك لەدوای یەك بۆی ئەنجامدراوە كە نێگەتیڤ بوو.

بەڕێوەبەرایەتی گشتی تەندروستی هەولێر ئاماژەبەوەشدەكات: كۆی گشتی چاكبووەوەكان لەشاری هەولێر گەیشتە (11) یانزە كەس.

 

دەقی ڕاگەیەنراوەكە:

ڕاگەیەندراوێك بۆ هاوڵاتیانی شاری هەولێری خۆشەویست

پێتان ڕادەگەیەنین كە ( ١ ) یەك نەخۆشیتر لە تووشبوان بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبوەوە و باری تەندروستی تەواو جێگیر بۆتەوە، وە پشكنینی تایبەتی یەك لەدوای یەك بۆی ئەنجامدراوە كە نێگەتیڤ بوو.

كۆی گشتی چابوەكان گەیشتە ( ١١ ) یانزە نەخۆش.

سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە.

زۆر سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكەین كە پارێزگاری لە تەندروستی هاوڵاتیان دەكەن.

بەڕێوەبەرایەتی گشتی تەندروستی هەولێر
٢ نیسان ٢٠٢٠

بەردەوام بە لە خوێندنەوە

کوردستان