ئێمە لە تۆرە کۆمەڵایەتیەکان

کوردستان

سەرۆك وەزیرانی هەرێم و ڤاتیكان كۆبوونەوە


خەڵك – بەشی هەواڵ

سەرۆكی حكومەتی هەرێمی كوردستان لەگەڵ سەرۆك وەزیرانی ڤاتیكان كۆبووەوە و گفتوگۆ لەبارەی دوا پێشهاتەكانی عیراق و ناوچەكە و پەیوەندیی نێوان ڤاتیكان و هەرێمی كوردستان كرا.

بەپێی ڕاگەیەنراوێكی سەرۆكایەتی حكومەتی هەرێمی كوردستان، ئەمڕۆ سێشەممە 18/2/2020، مەسرور بارزانی سەرۆكی حكومەتی هەرێمی كوردستان لەگەڵ كاردینال پێترۆ پارۆلین سەرۆك وەزیرانی ڤاتیكان كۆبووەتەوە و لە كۆبوونەوەكەدا ڕایگەیاندووە، كوردستان وەك هەرێمێكی ئارام لە ناوچەیەكی ئاڵۆز، بووەتە پەناگەی پاراستن و پەنادانی سەدان هەزار پەنابەر و ئاوارەی نێوخۆیی و دەورووبەر، لەنێویشیاندا كریستیانەكان كە لەبەر دۆخی ئاڵۆز و هەڕەشەی تیرۆریستان، ماڵ و حاڵی خۆیان جێهێشتووە و هەموو مافە ئایینی و نەتەوەیی و خزمەتگوزاریی ژیارییان لە هەرێمی كوردستان بۆ دەستەبەركراوە.

لە كۆبوونەوەكەدا، مەسرور بارزانی ئاماژەی بە كارنامەی كابینەی نۆیەمی حكومەتی هەرێم كردووە كە بە فراوانی كار بۆ باشتركردنی ژیان و گوزەرانی هاووڵاتیان، گەشەپێدان بە سێكتەرە جیاوازەكان و سەقامگیریی زیاتری ئاسایش و ئارامی لە ناوچەكەدا دەكات.

بەپێی ڕاگەیەندراوەكە كاردینال پێترۆ پارۆلین سەرۆك وەزیرانی ڤاتیكان پشتگیری وڵاتەكەی بۆ هەرێمی كوردستان دووپاتكردووەتەوە و پەرۆشیی خۆی بۆ توندوتۆڵكردنی پەیوەندیی ڤاتیكان و هەرێمی كوردستان خستووەتەڕوو، ڕۆڵی گەلی كوردستانیشی لە شەڕی دژی تیرۆر و پاراستنی تەواوی پێكهاتەكانی كوردستان بەرز نرخاندووە.

هەروەك، كاردینال پێترۆ پارۆلین ستایشی حكومەتی هەرێمی كوردستانی كردووە لە بەرامبەر ئەو ڕۆڵە مرۆییەی لە پێكەوەژیانی ئاشتییانە و بایەخدان بە هەموو پێكهاتە ئایینی و نەتەوەییەكانی ناوچەكە و هاوبەشیپێكردنی هەمووان، سەرەڕای جیاوازیی بیروباوەڕ و ئایینی، پەیڕەوی دەكات و نموونەیەكی جوانی بەها بەرزەكانی مرۆڤایەتی پیشاندەدات.

ئەمەش لەكاتێكدایە، بڕیارە سبەینێ چوارشەممە 19/2/2020 مەسرور بارزانی سەرۆكی حكومەتی هەرێمی كوردستان لەگەڵ پاپا فرانسیس، پاپای ڤاتیكان كۆببێتەوە.

ك.ج

کوردستان

سبەینێ مووچەی كەمئەندامان بەپێی پیتی یەكەمی ناوەكانیان دابەش دەكرێت


خەڵك – بەشی هەواڵ
بەڕێوەبەرایەتی گشتی چاودێری و گەشەپێدانی كۆمەڵایەتی هەولێر ڕایدەگەیەنێت ، سبەینێ شەممە مووچەی وەزارەتی كار و كەمئەندامان دابەش دەكرێت، دەشڵێت،”بۆ خۆپارێزی و هاوكاری هێزە ئەمنیەكان دابەشكردنەكە لە ڕێگەی پیتەوە دەبێت لە كاتی جیاوازدا”.

بەڕێوەبەرایەتی گشتی چاودێری و گەشەپێدانی كۆمەڵایەتی هەولێر لە ڕاگەیەنراوێكدا، كەوێنەیەكی دەست (خەڵك) كەوتووە ڕایگەیاندووە، لە پێناو بەرژەوەندی فەرمانبەران و توێژی خاوەن پێداویستی تایبەت و پاراستنیان لە ڤایرۆسی كۆرۆنا، بەڕێوەبەرایەتیمان بە هەماهەنگی لەگەڵ پارێزگای هەولێر و بەڕێوەبەرایەتی گشتی بانكە بازرگانییەكان چەند بڕیارێكی بۆ پرۆسەی دابەشكردنی مووچە دەگرێتەبەر.

ڕاشیگەیاندووە، داوا لە فەرمانبەران و كەمئەندامانی خۆشەویست دەكەن پابەندی ڕێنماییەكانی تەندروستی بن و لە كاتی سەردانیان بۆ فەرمانگە و بانكەكان دەستكێشیان لە دەست بێت، دەمامك ببەستن و دوور بن لەبەریەك كەوتن لەگەڵ كەسانی دیكە.

بڕیارەكان :
1. ئاسانكاریكردنی هێزەكانی ناوخۆ لە هاتووچۆی فەرمانبەران و كەمئەندامان بۆ وەرگرتنی مووچەكانیان.
2. دابەشكردنی مووچەی كەمئەندامان بە پێی پیتی ئەبجەدی و لە كاتەكانی جیاواز كە خشتەی دابەش كردنەكە لە خوارەوە هاوپێچ كراوە
3. ئاسانكاری بانكەكان لە پێدانی مووچەی كەمئەندامان بە شێوەیەك ئەگەر كەمئەندام خۆیشی ئامادە نەبوو، بریكارەكەی یان خزمی پلە یەكی بتوانێت مووچەكەی وەرگرێت بە مەرجێك ناسنامەی كەمئەندامەكەی پێ بێت.
4. لە كاتی پێویست نووسینگەی بانكەكان دەتوانن باڵەخانەكانی سەر بە بەڕێوەبەرایەتی گشتیمان بە كار بێنن بۆ دروست نەبوونی قەرەباڵەغی.
5. دانیشتوانی ئەو شوێنانەی كەرەنتینە كراون بە تایبەت ( سێبیران)، بە پەیوەندی كردنیان بە ژمارە موبایلی ٤٤٨2750 مووچەكانیان بۆ دەبردرێتە ماڵەكانیان و پێویست ناكات خۆیان سەردانی بانكەكان بكەن .
خشتەی دابەشكرنی مووچە بە پێی پیتی یەكەمی ناوی كەمئەندامان
ڕۆژی شەممە 4ی نیسانی 2020
كاتژمێر ٨ تاكو كات ۹ پیتی ـــ ٲ ـــ
كاتژمێر ۹ تاكو كات ۱۰ پیتی ــــ ب،پ،ت،پ
كاتژمێر ۱۰ تاكو كات ۱۱ پیتی ــــ خ ،ح،چ،ج‌،د،ژ
كاتژمێر ۱۱ تاكو كات ۱۲ پیتی ــــ ر،ز،ژ
كاتژمێر ۱۲ تاكو كات ۱ پیتی ـــ س ،ش، ص ،چ ، ڤ
ڕۆژی یەكشەممە 5ی نیسانی 2020
كاتژمێر ٨ تاكو كات ۹ پیتی ـــ گ ،ع ،غ ،ف
كاتژمێر ۹ تاكو كات ۱۰ پیتی ــــ ق، ك، گ، ل
كاتژمێر ۱۰ تاكو كات ۱۱ پیتی ـــ م
كاتژمێر ۱۱ تاكو كات ۱۲ پیتی ــ ن ، هــ
كاتژمێر ۱۲ تاكو كات ۱ پیتی ــ و ، ی

بەردەوام بە لە خوێندنەوە

کوردستان

بەهار مەحمود؛ هەرێم دەستكاری مووچە بكات، عیراق بیر لەبڕینی بەشە بودجە و مووچە دەكاتەوە


خەڵك – بەشی هەواڵ

سەرۆكی فراكسیۆنی گۆڕان لەپەڕلەمانی عیراق ڕایدەگەیەنێت ، دەستكاری كردنی مووچەی فەرمانبەران نایاساییە و بەپێی دەستور لەدەسەڵاتی حكومەتی عیراقە نەك هەرێم، دەشڵێت،”زۆر بەدووری دەزانم لە ئێستادا عیراق دەستكاری مووچەی فەرمانبەرانی خۆی بكات”.

بەهار مەحمود، سەرۆكی فراكسیۆنی گۆڕان لە پەڕلەمانی عیراق بە دەنگی ئەمریكا-ی ڕایگەیاندووە، زۆر بەدووری دەزانم لە ئێستادا عیراق دەستكاری مووچەی فەرمانبەرانی بكات ، چونكە بۆ ڕوبەڕوبونەوەی كۆرۆنا عیراق لە 25% ی مووچەی وەزیر و پەرلەمانتار و پلەی تایبەتی بڕیووە نەك فەرمانبەران، بۆیە پێویستە حكومەتی هەرێمیش بیر لەڕێگای وابكاتەوە.

ڕاشیگەیاندووە، دەستكاری كردنی مووچەی فەرمانبەران نایاساییە چونكە بەپێی دەستور لەدەسەڵاتی حكومەتی عیراقە نەك هەرێم، دواكەوتنی ناردنی مووچەی فەرمانبەرانی هەرێمیش لە لایەن بەغداوە خەتایەكی حكومەتی هەرێمی كوردستان-ی تێدایە.

ئاماژەی بۆ ئەوەشكردووە ، ئەگەر حكومەت دەست ببات بۆ مووچەی فەرمانبەرانی هەرێم كاری دادگای فیدراڵیە بڕیار بدات ، بەغدا هەڵوێست بنوێنێت ڕەنگە بیریش لە بڕینی بەشە بودجە و مووچە هەرێم بكاتەوە، چونكە ئەوكات دەڵێت من بودجە بۆ مووچەی فەرمانبەرانی هەرێم دەنێرم تۆ نایدەی.

سەرۆكی فراكسیۆنی گۆڕان ئاشكراشیكردووە، حكومەتی هەرێم لەمەسەلەی ڕووبەڕووبونەوەی كۆرۆنادا یەكێكە لەو حكومەتانەی، زۆر بەسەركەوتوو دەژمێردرێت لەسەر ئاستی وڵاتانی دنیا ناوی دەهێنرێت .

بەردەوام بە لە خوێندنەوە

کوردستان

كەركوك بۆ ماوەی 72 كاتژمێر ڕێگەی هاتنەناوەوە و چوونەدەرەوە دەكاتەوە


خەڵك- بەشی هەواڵ
فەرماندەیی ئۆپەراسیۆنەكانی لە كەركوك ڕايدەگەیەنێت، بۆ ماوەی 72 كاتژمێر ڕێگەی هاتنەناوەوە و چوونەدەرەوە بۆ خێزانەكان دەكاتەوە.

بەپێی بەیاننامەیەك كە لەلایەن ئۆپەراسیۆنەكانی كەركوكەوە بڵاوكرایەوە”لەسەر فەرمانی بارەگای پێشكەوتووی ئۆپەراسیۆنە هاوبەشەكان/كەركوك، و بە هەماهەنگی لەگەڵ شانەی قەیران لە پارێزگەی كەركوك، بڕیاردرا ڕێگە بكرێتەوە بۆ ئەو خێزانانەی لەنێو پارێزگەكەدا ڕێگەیان لێگیراوە لەگەڵ ئەو خێزانانەی خەڵكی پارێزگەكانی ترن و دەیانەوێت بگەڕێنەوە بۆ شوێنی خۆیان”.

ئۆپەراسیۆنەكانی كەركوك لە كاتژمێر 6:00ی بەیانی 3ی نیسان و بۆ ماوەی تەنیا 72 كاتژمێر ڕێگەی پارێزگەكە دەكاتەوە، ئەوانەش كە دەچنە كەركوك یان لە پارێزگەكە دەردەچن، وەك لە بەیانناكەدا ئاماژەی پێكراوە، لەلایەن تیمەكانی تەندروستی لە بازگە سەرەكییەكاندا پشكنینیان بۆ دەكرێت.

بەردەوام بە لە خوێندنەوە

کوردستان