ئێمە لە تۆرە کۆمەڵایەتیەکان

کوردستان

جێگری سەرۆكی پێشووی پەڕلەمان پۆستێكی نوێی وەرگرت


خەڵك- بەشی هەواڵ
جێگری سەرۆكی پێشووی پەڕلەمانی كوردستان دەكرێتە سه‌رۆكی بۆردی ڕاوێژكاری له‌ سه‌رۆكایه‌تی هه‌رێمی كوردستان و لەو چوارچێوەیەشدا داوای كاری هاوبەش لە سەرۆكی پەڕلەمان دەكات.

بەپێی ڕاگەیەنراوێكی پەڕلەمانی كوردستان، نیوه‌ڕۆی ئه‌مڕۆ 18-2-2020، د. ڕێواس فایەق، سه‌رۆكی په‌ڕله‌مانی كوردستان پێشوازی له‌ د. جەعفەر ئیبراهیم ئیمنیكی، سه‌رۆكی بۆردی ڕاوێژكاری له‌ سه‌رۆكایه‌تی هه‌رێم و جێگری سه‌رۆكی په‌رله‌مان له‌ خولی چواره‌م كرد، كە به‌ مه‌به‌ستی پیرۆزبایی كردن و هاوئاهه‌نگی و كاری هاوبه‌ش له‌ نێوان هه‌ردوو سه‌رۆكایه‌تی په‌ڕله‌مان و سه‌رۆكایه‌تی هه‌رێمی كوردستان سەردانی پەڕلەمانی كردبوو.

هەر بەپێی ڕاگەیەنراوەكە، له‌ دیدارەکەدا باسی هه‌لومه‌رجی ئێستای عیراق و كوردستان و دوا پێشهاته‌ سیاسیه‌كان و دروستبوونی كابینه‌ی تازه‌ی حكومه‌تی عیراق كرا، هه‌ردوولا جه‌ختیان كرده‌وه‌ له‌سه‌ر كاری هاوبه‌ش و خۆسازدان بۆ هه‌ر پێشهاتێكی سیاسی له‌ عیراق و ناوچه‌كه‌.

کوردستان

بەڤیدیۆ؛ بەڕێوەبەری تەندروستی شارۆچكەیەك لە سلێمانی دڵنیایی دەداتە هاووڵاتیان


خەڵك – بەشی هەواڵ

بەڕێوبەری مەڵبەندی تەندروستی چوارتا ڕایدەگەیەنێت، جگە لە پزیشكەكەی دوێنێ وەك توشبووی بە ڤایرۆسی كۆرۆنا دەستنیشان كرا ، هیچ حاڵەتێكی دیكە لە ناو شارۆچكەكەیان بوونی نیە .

ئاوات محمود، بەڕێوبەری مەڵبەندی تەندروستی چوارتا لە تۆمارێكی ڤیدیۆیدا ڕایگەیاندووە، بەداخەوە پزیشكێكمان دوێنێ‌ وەك توشبوو بە ڤایرۆسی كۆرۆنا دەست نیشانكرا، كە لە كەسێكی دیكەوە لە گوندەكانی دەورووبەرمان سەردانی كردووە ، هەڵگری ڤایرۆسەكە بووە .

ڕاشیگەیاندووە ، ئەو كەسانەشی بەر كەوتنیان لەگەڵ پزیشكەكە هەبووە، لەگەڵ كارمەندانی تەندروستی شارۆچكەكە سەرجەمیان پشكنینەكانیان بۆ كراوە نێگەتیف بوون واتە ( توشبوو نین ) .

لە تۆمارە ڤیدیۆیەكەدا ، بەڕێوبەری مەڵبەندی تەندروستی چوارتا دڵنیای دەداتە دانیشتوانی چوارتا، كە هیچ حاڵەتێكی دیكەیان نیە ، داواشدەكات هاووڵاتیان پابەندی ڕێنماییەكان بن بۆ خۆپاراستن لەم پەتایە .

 

ڕونکردنەوەیەک لە بەڕێز ئاوات محمود بەڕێوبەری مەڵبەندی تەندروستی چوارتا تایبەت بە پەڕەی شارباژێڕ لەسەرحاڵەتی دکتۆرێکی مەڵبەندەکە کە هەڵگری ڤایرۆسەکەیەدڵنیای دەدات بە دانیشتوانی چوارتا کە هیچ حاڵەتێک نیە لەناو قەزاکەدا وە ئەوکارمەندانەی بەرکەوتەیان هەبووە لەگەڵ دکتۆرەکە فەحسەکەیان نێگەتیفە و سوپاس بۆ خواکەس توش نەبووەهیوای زوو چاک بوونەوە بۆ دکتۆرە بەڕێزە دەخوازین..به سوپاسه وه وه رگيراوه له لاپه ره ى ريكخراوى شارباژيره وه …

Posted by Chwarta-city on Thursday, April 2, 2020

بەردەوام بە لە خوێندنەوە

کوردستان

تەندروستی هەولێر: تووشبوویەكی تری ڤایرۆسی كۆرۆنا چاكبووەوە


خەڵك – بەشی هەواڵ

بەڕێوەبەرایەتی گشتی تەندروستی هەولێر لە ڕاگەیەنراوێكدا ئاشكرایكرد: یەك نەخۆشی تر لە تووشبووان بە ڤایرۆسی كۆرۆنا COVID – 19 دوای وەرگرتنی چارەسەری پزیشكی بەتەواوی چاكبووەوە و باری تەندروستی تەواو جێگیر بووەتەوە و پشكنینی تایبەتی یەك لەدوای یەك بۆی ئەنجامدراوە كە نێگەتیڤ بوو.

بەڕێوەبەرایەتی گشتی تەندروستی هەولێر ئاماژەبەوەشدەكات: كۆی گشتی چاكبووەوەكان لەشاری هەولێر گەیشتە (11) یانزە كەس.

 

دەقی ڕاگەیەنراوەكە:

ڕاگەیەندراوێك بۆ هاوڵاتیانی شاری هەولێری خۆشەویست

پێتان ڕادەگەیەنین كە ( ١ ) یەك نەخۆشیتر لە تووشبوان بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبوەوە و باری تەندروستی تەواو جێگیر بۆتەوە، وە پشكنینی تایبەتی یەك لەدوای یەك بۆی ئەنجامدراوە كە نێگەتیڤ بوو.

كۆی گشتی چابوەكان گەیشتە ( ١١ ) یانزە نەخۆش.

سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە.

زۆر سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكەین كە پارێزگاری لە تەندروستی هاوڵاتیان دەكەن.

بەڕێوەبەرایەتی گشتی تەندروستی هەولێر
٢ نیسان ٢٠٢٠

بەردەوام بە لە خوێندنەوە

کوردستان

“نزیكەی 100 هاووڵاتی هەرێمی كوردستان كە لە وڵاتی هیندستان گیریان خواردبوو گەیشتنەوە هەرێم”


خەڵك – بەشی هەواڵ

فەرمانگەی پەیوەندییەكانی دەرەوەی حكومەتی هەرێمی كوردستان ڕایگەیاند: لە چوارچێوەی هەوڵەكانی حكومەتی هەرێمی كوردستان لەژێر ڕاسپاردەی سەرۆكی حكومەتی هەرێم بۆ گەڕاندنەوەی ئەو هاووڵاتیانەی لە دەرەوە گیریان خواردووە، ئەمڕۆ پێنجشەممە بە هەوڵ و كۆششی فەرمانگەی پەیوەندییەكانی دەرەوەی حكومەت و وەزارەتی دەرەوەی عیراقی فیدڕاڵ و نوێنەرایەتی حكومەتی هەرێم لە بەغدا نزیكەی ١٠٠ هاووڵاتی هەرێمی كوردستان كە لە وڵاتی هیندستان گیریان خواردبوو گەیشتنەوە هەرێمی كوردستان.

فەرمانگەی پەیوەندییەكانی دەرەوەی حكومەتی هەرێمی كوردستان ئاماژەی بەوەشداوە: ئەم هاووڵاتیانە كە زۆربەیان بۆ چارەسەری نەخۆشی و كاری بازرگانی سەردانی وڵاتی هیندستانیان كردبوو ئەمڕۆ بە سەلامەتی گەیشتنەوە هەرێمی كوردستان و لەلایەن وەزارەتی تەندروستییەوە تەواوی ڕێكارەكانی پشكنین و كەرەنتینیان بۆ دەكرێت.

بەردەوام بە لە خوێندنەوە

کوردستان