ئێمە لە تۆرە کۆمەڵایەتیەکان

جیهان

بەرپرسێكی گەورەی داعش لە توركیا دەستگیركرا


خەڵك- بەشی هەواڵ
هێزە ئەمنییەكانی توركیا، بەرپرسێكی گەورەی داعش لە شارۆچكەی ئیناگۆلی سەر بە ویلایەتی بۆرسەی خۆرئاوای وڵاتەكە دەستگیردەكەن.

ئەمڕۆ سێ‌ شەممە، ئاژانسی (ئەنادۆڵ)ی توركیا بڵاویكردەوە، “هێزە ئەمنییەكان بە هەماهەنگی لەگەڵ بەشی دژە تیرۆر، (ئەبو تەقی شامی) هاووڵاتیانی سوریایان دەستگیركرد، كە بەرپرسی چالاكییە هەواڵگرییەكانی ڕێكخراوی داعش بووە”.

بەپێًی ئاژانسەكە، “هێزە ئەمنییەكان 3 كەسیان دەستگیركردووە لە ئۆپەراسیۆنەكەدا، كە گومانیان لێدەكرێت سەر بە داعش بن، بەڵام ئەبو تەقی شامی (50 ساڵان) بەرپرسێكی باڵای داعش بووە لە ناوچەی مەیادین و ئەلبوكەمال و دێرەزوور لە خۆرهەڵاتی سوریا، كە لە شارۆچكەی ئیناگوۆل دەستگیركراوە و كاری وەستای چاككردنی غازی ماڵانی كردووە لە ناوچەكە”.

سەرچاوە ئەمنییەكان دەڵێن: “شامی سەرپەرشتی هەڵمەتەكانی لەسێدارەدانی كردووە بە ناوی داعشەوە، ڕێكخراوەكەش لەسێدارەدانەكانی لەڕێی تۆڕە كۆمەڵایەتییەكانەوە بڵاودەكردەوە”.

جیهان

ئەمریكا ژمارەی گیانلەدەستدانی پێوانەیی بە كۆرۆنا تۆماركرد


خەڵك- بەشی هەواڵ
زانكۆی “جۆنز هۆبكنز”ی ئەمریكایی ڕایدەگەیەنێت، ژمارەی ئەوانەی بەهۆی ڤایرۆسی كۆرۆناوە لە ویلایەتە یەكگرتووەكان گیانیانلەدەتداوە، ئاستی 6 هەزار كەسیان تێپەڕاندووە.

زانكۆی “حۆنز هۆبكنز” كە بە سەرچاوەی بەدواداچوون بۆ تووشبوون و گیانلەدەستدان بە ڤایرۆسی (كۆڤید-19) دادەنرێت، ئەمڕۆ هەینی لە بەیاننامەیەكیدا ڕایگەیاند”كۆی گشتی ئەوانەی بە ڤایرۆسی كۆرۆنا لە ویلایەتە یەكگرتووەكان گیانیانلەدەستداوە، تا ئەمڕۆ گەیشتۆتە 6285 كەس”.

هەر لەو چوارچێوەیەدا پێشتر پنتاگۆن تەئكیدی لەسەر بەردەوامبوونی هەوڵەكانی كردبۆوە بۆ فەراهەمكردنی 100 هەزار كیس بۆ تەرمەكان “بۆ بەكارهێنانی مەدەنی”، لەسایەی مەترسییەكانی بەرزبوونەوەی قوربانیانی ڤایرۆسی كۆرۆنا لە وڵاتەكەدا.

ویلایەتە یەكگرتووەكان گەورەترین دەوڵەتە لە جیهاندا كە ژمارەی تووشبوانی بە ڤایرۆسی كۆرۆنا دەگاتە 210 هەزار كەس.

ژمارەی پێوانەیی گیانلەدەستدان بە ڤایرۆسی كۆرۆنا، لە 27ی ئاداری ڕابردوو لە ئیتاڵیا تۆماركرا كە تەنیا لەو ڕۆژەدا بەهۆی ڤایرۆسەكەوە 969 كەس گیانیانلەدەستدا.

).

بەردەوام بە لە خوێندنەوە

جیهان

جیهان.. ژمارەی تووشبووان بە ڤایرۆسی كۆرۆنا ملیۆنێك كەسی تێپەڕاند


خەڵك – بەشی هەواڵ

ڕێكخراوی تەندروستی جیهانی ڕایگەیاند، ئاماری تووشبوون بەڤایرۆسی كۆرۆنا لەجیهاندا ڕوو لەزیادبوونە و ملیۆنێك تووشبووی تێپەڕاند.

ڕێكخراوی تەندروستی جیهانی ئاشكرایكرد، بەپێی ئامارەكان، ئەمشەو ژمارەی تووشبووان بەڤایرۆسی كۆرۆنا لەسەر ئاستی جیهان یەك ملیۆن و 177 كەسی تێپەڕاندووە.

ڕێكخراوەكە ئەوەشیخستەڕوو، ژمارەی گیانلەدەستدانیش بەهۆی ڤایرۆسی كۆرۆناوە بۆ 51 هەزار و 356 كەس بەرزبووەتەوە و 210 هەزارو 199 كەسیش چاك بوونەتەوە.

بەردەوام بە لە خوێندنەوە

جیهان

خراپترین سیناریۆیە
پەنجا هەزار كەس بەهۆی كۆرۆناوە لە بەریتانیا گیانلەدەستدەدەن


خەڵك- بەشی هەواڵ
سەرچاوەیەكی ئاگادار بە ئاژانسی (رۆیتەرز)ی ڕاگەیاندووە، خراپترین سیناریۆ سەبارەت بە بڵابوونەوەی ڤیایرۆسی كۆرۆنا لە بەریتانیا كە لەلایەن حكومەتەوە دانراوە، ئەوەیە ژمارەی حاڵەتەكانی گیانلەدەستدان لە وڵاتەكەدا بگاتە 50 هەزار كەس.

سەرچاوەكە دەڵێت”ئەو سیناریۆیە دەكرا سەربگرێت گەر ڕێوشوێنەكانی كەرەنیتەنەكردن نەبوایە كە لەلایەن دەسەڵاتدارانەوە گیرایەبەر، لەئێستاشدا كاروبارەكان ڕوو لەو ئاقارە نیین”.

بە وتەی سەرچاوەكە”خراپترین ڕۆژ لەبارەی زۆری ژمارەی گیانلەدەستداوە پێشبینی دەكرێت ڕۆژی 12ی ئەم مانگە بێت كە تێیدا بەریتانیاییەكان بە بۆنەی جەژنی فەسحەوە ئاهەنگ دەگێڕن”، ئاماژەی بە باشترین سیناریۆش كردووە لە وڵاتەكەدا كە دەكرێت ژمارەی ئەوانەی بەهۆی كۆرۆناوە گیانلەدەستدەدەن بگاتە 20 هەزار كەس.

لە دوێنێ‌ چوار شەممەوە ژمارەی حاڵەتەكانی گیانلەدەستدان بەهۆی ڤایرۆسی كۆرۆناوە بەشێوەیەكی بەرچاو ڕوويان لە زیادبوون كردووە و ڕێژەی گیانلەدەستدان گەیشتۆتە 24% و ژمارەی حاڵەتەكانی گیانلەدەستدانی گەیاندە 2921 كەس.

بەردەوام بە لە خوێندنەوە

کوردستان