ئێمە لە تۆرە کۆمەڵایەتیەکان

جیهان

گیان لەدەستدان بە كۆرۆنا زیاتر كەم دەكات


خەڵك- بەشی هەواڵ

ئەو كەسانەی بە نەخۆشی كۆرۆنا گیان لەدەستدەدەن لە دوو ڕۆژی ڕابردوودا زیاتر كەمیكردووە.

پێی نوێترین ئاماری بەرپرسانی چین لەسەر كۆرۆنا، لە ماوەی ٢٤ كاتژمێری ڕابردوودا ٩٣ كەس لە هەرێمی هۆبی گیانیان لەدەستداوە و ئەوەش كەمترە بەراورد بە ژمارەی كۆچكردووان لە دوو ڕۆژی پێشتردا.

بەپێی ئامارەكە، ژمارەی مردووان بۆ هەزار و ٨٦٨ كەس بەرزبووەوە بە نەخۆشی كۆرۆنا.

هاوكات لەكۆی ٧٣ هەزارو ٢٤٣ تووشبووی كۆرۆنا، تا ئێستا ٤١ هەزارو ٩٥٧ تووشبوو نەخۆشخانەیان جێهێشتووە.

لەلایەكی دیكەوە بەیانی ئەمڕۆ بەڕێوەبەری نەخۆشخانەی شاری وهانی چین كە تووشی نەخۆشییەكە بووە، گیانی لەدەستداوە.

ریکلام

جیهان

سەرۆك وەزیرانی بەریتانیا خرایە بەشی چاودێری وردی پزیشكییەوە


خەڵك – بەشی هەواڵ

میدیاكانی بەریتانیا بڵاویان كردەوە، دوای تووشبوونی بۆریس جۆنسۆن سەرۆك وەزیرانی بەریتانیا بە ڤایرۆسی كۆرۆنا ئێستا باری تەندروستی ناجێگیربووە و گواستراوەتەوە بۆ بەشی چاودێری پزیشكی ورد لە نەخۆشخانە.

هاوكات، بۆریس جۆنسۆن داوای لە وەزیری دەرەوەی وڵاتەكەی كردووە كارەكانی ڕایی بكات.

بەپێی میدیاكانی بەریتانیا، دوابەدوای بڵاوبوونەوەی هەواڵی ناجێگیری باری تەندروستی بۆریس جۆنسۆن سەرۆك وەزیرانی بەریتانیا، نرخی جونەیهی ئیستەرلینی دابەزی.

بەردەوام بە لە خوێندنەوە

جیهان

ژمارەی تووشبوانی كۆرۆنا لە توركیا 30 هەزار كەسی تێپەڕاند


خەڵك- بەشی هەواڵ
دەسەڵاتدارانی تەندروستی لە توركیا، تۆماركردنی 75 حاڵەتی گیانلەدەستدانی نوێ‌ بەهۆی ڤایرۆسی كۆرۆناوە ڕادەگەیەنن، بەمەش كۆی گشتی ژمارەی گیانلەدەستدان بەهۆی ڤایرۆسەكەوە لە وڵاتەكەدا، بۆ 649 كەس بەرزدەبێتەوە.

فەخرەدین قۆجە، وەزیری تەندروستی توركیا ڕایگەیاند، 3184 حالًەتی توشبوونی نوێ‌ بە ڤایرۆسی كۆرۆنا تۆماركراوە، بەمشێوەیە كۆی گشتی ژمارەی تووشبوان لە وڵاتدا بۆ 30.217 كەس بەرزبۆوە.

قۆجە لە تویتێكیدا لەسەر تۆڕی كۆمەڵایەتی (تویتەر) دەڵێت”لەماوەی 24 كاتژمێری ڕابردوودا، دەسەڵاتدارانی وڵاتەكەی 21.400 پشكنینیان بۆ دۆزینەوەی توشبوون بە ڤایرۆسی كۆرۆنا ئەنجامداوە”.

فەرمانگەی پەیوەندییەكانی سەرۆكایەتی توركیا ئەمڕۆ ڕایگەیاندبوو، لەسەر فەرمانی ڕەجەب تەیب ئەردۆغان، وەزارەتی تەتدروستی بەنیازە بەبێ‌ بەرانبەر كەمامە بەسەر ئەو هاووڵاتیانەدا دابەش بكات كە تەمەنییان لەنێوان20.65 ساڵاندایە”.

بۆ بەرگرتن لە بڵاوبوونەوەی ڤایرۆسی كۆرۆنا، چەند ڕۆژێك لەمەوبەر سەرۆكایەتی توركیا لەڕێی بڕیارێكەوە، هاووڵاتیانی وڵاتەكەی پابەندكردبوو بە بەستنی كەمامەی پزیشكی لە شوێنی گردبوونەوەكان.

بەردەوام بە لە خوێندنەوە

جیهان

كۆرۆنا سەرۆكێكی عەرەبی دەباتە كۆشكی سەرۆكایەتی


خەڵك- بەشی هەواڵ
بڵاوبوونەوەی ڤایرۆسی كۆرۆنا،  قەیس سەعید سەرۆكی تونس ناچار دەكات بگەڕێتەوە بۆ كۆشكی قرتاجی سەرۆكایەتی، ئەمەش دوای شەش مانگ لە دەستنیشانكردنی بە سەرۆكی وڵاتەكە كە پێداگربوو لە ماڵە بچوكەكەی خۆی لە شاری منیهلەی خۆرئاوای تونس بمێنێتەوە.

ئیدارەی گشتی ئاسایشی سەرۆكی دەوڵەت و كەسێتییە فەرمی و گرنگەكان لە تونس ڕایگەیاند”لەپێناو بەردەوامبوونی دەوڵەت لەم ڕەوشە تەندروستییە نائاساییەی وڵاتی پێدا تێدەپەڕێت بەهۆی بڵاوبوونەوەی پەتای كۆرۆنا، و بە ڕەچاوكردنی پێویستی ئامادەبوونی سەرۆك كۆمار بەبێ‌ دابڕان لە نوسینگەكەی، كارئاسانی بۆ گواستنەوەی سەرۆك كرا لە بارەگای جێنیشتەجێبوونی لە منیهلە بۆ نیشتەجێبوون لە بارەگای فەرمی سەرۆكایەتی لە كۆشكی قرتاج”.

سەعید لە 23ی تشرینی یەكەمی ڕابردوو، پۆستی سەرۆكایەتی تونسی وەرگرت، بەڵام ڕەتیكردبۆوە بچێتە كۆشكی سەرۆكایەتی و پێداگربوو لەسەر ئەوەی لە ماڵە بچوكەكەی خۆی لە شاری منیهلە بمێنێتەوە.

 

بەردەوام بە لە خوێندنەوە

کوردستان