ئێمە لە تۆرە کۆمەڵایەتیەکان

کوردستان

نێچیرڤان بارزانی و جێمس جێفری كۆبوونەوە

خەڵك – بەشی هەواڵ

سەرۆكی هەرێمی كوردستان دووپاتی دەكاتەوە، هەوڵەكانی بۆ لێكنزیككردنەوەی لایەنە كوردییەكان لە سوریا بەردەوام دەبێت و پشتگیری لە هەر هەنگاوێكیان بۆ ڕێككەوتن و یەكخستنی ڕیزەكانیان دەكات لەپێناو دابینكردنی مافەكان و پێگەیەكی باشتر بۆ كورد لە ئێستای و داهاتووی سوریادا.

ئێوارەی ئەمڕۆ دووشەممە 17/2/2020 لە هەولێر، نێچیرڤان بارزانی سەرۆكی هەرێمی كوردستان لەگەڵ جێمس جێفری نێردەی تایبەتی ئەمریكا بۆ سوریا و شاندێكی یاوەرێكی كۆبووەوە.

لە كۆبوونەوەكەدا دوایین پێشهاتەكانی دۆخی سوریا و هەوڵە نێودەوڵەتییەكان بۆ چارەسەری كێشەی سوریا و گێڕانەوەی ئارامی و سەقامگیری و ڕاگرتنی شەڕ و كوشتار لەو وڵاتە تاووتوێ كران، ڕۆڵ و ئامادەیی و كاریگەریی هێزە هەرێمی و نێودەوڵەتییەكانیش لە سوریا و پێویستیی هاوكاری و هەماهەنگیی نێوان هەمووان بۆ دۆزینەوەی ڕێگەچارەی سیاسیی ئاشتییانە و پاراستنی ئارامی و سەقامگیری لە ناوچەكە بەگشتی، دووپات كرایەوە.

لە بەشێكی تری كۆبوونەوەكەدا دوایین پێشهاتەكانی دۆخی عیراق و هەوڵەكان بۆ پێكهێنانی حكومەتی تازەی عیراق و هەڵوێستی هەرێمی كوردستان لەمبارەیەوە خرایە بەر باس و تیشك خرایە سەر مەترسیی سەرهەڵدانەوەی تیرۆر لە عیراق و سوریا و چۆنیەتیی ڕووبەڕووبوونەوەی بە هاوكاریی هاوپەیمانیی نێودەوڵەتی، هەروەها باس لە پەیوەندییەكانی هەولێر ـ بەغدا و گفتوگۆی چارەسەركردنی كێشەكانیان، كرا.

ك.ج

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان

تووشبوانی كۆرۆنا زیادیان كردووە
پارێزگایەكی هەرێم ئاماژە بە سەپاندنەوەی قەدەغەكردنی هاتووچۆ دەكات

خەڵك- بەشی هەواڵ
پارێزگاری دهۆك ڕایدەگەیەنێت، پارێزگاكەیان پەنادەباتەوە بەر قەدەغەكردنی هاتووچۆ، گەر ژمارەی تووشبوانی كۆرۆنا ڕوو لە زیادبوون بكەن.

عەلی تەتەر، پارێزگاری دهۆك لە میانی سەردانێكیدا بۆ هەردوو قەزای ئاكرێ‌ و بەردەڕەش لە كۆنفرانسێكی ڕۆژنامەوانیدا داوای لە هاووڵاتیان كرد “پابەندبن بە ڕێنماییە تەندروستییەكان و بڕیارە حكومییەكان بۆ بەرگرتن لە بڵاوبوونەوەی زیاتری ڤایرۆسی كۆرۆنا”.

عەلی تەتەر، هۆشداریدا لەبارەی”گرتنەبەری سزای توند دژ بەوانەی سەرپێچی ڕێنماییەكان دەكەن”.

پارێزگاری دهۆك دەڵێت: “ئیدارەی پارێزگەكە پەنادەباتەوە بەر قەدەغەكردنی هاتووچۆ بۆ ماوەیەكی دیاریكراو، گەر ژمارەی تووشبوانی ڤایرۆسی كۆرۆنا ڕوو لە زیادبوون بكات”.

تائێستا ژمارەی ئەوانەی لە پارێزگەی دهۆك تووشی ڤایرۆسی كۆرۆنا بوون گەیشتۆتە 801 كەس و لەو نێوەندەشدا 6 كەس گیانیانلەدەستداوە و 376 كەسی تر چاكبوونەتەوە.

كۆی گشتی ژمارەی تووشبوان بە ڤایرۆسی كۆرۆنا لە هەرێمی كوردستان گەیشتۆتە 15173 كەس كە 586 كەسیان گیانیانلەدەستداوە و 9551 كەسی تر نەخۆشییەكەیان پەڕاندووە و چاكبوونەتەوە، 5036 كەسی تر تائێستا لە نەخۆشخانەدان و چارەسەر وەردەگرن.

بەردەوام بە لە خوێندنەوە

کوردستان

مەسرور بارزانی یەك ملیار دیناری بۆ دهۆك تەرخان كرد

خەڵك- بەشی هەواڵ

بە فەرمانی سەرۆكی حكومەتی هەرێمی كوردستان بڕی یەك ملیار دینار بۆ تەندروستی پارێزگای دھۆك تەرخانكرا.

د. سامان بەرزنجی، وەزیری تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ئەمڕۆ چوار شەممە 2020/8/5 بە فەرمانی مەسرور بارزانی، سەرۆكی حكومەتی هەرێمی كوردستان و لە چوارچێوەی هەوڵەكانی حكومەتی هەرێمی كوردستان بۆ ڕووبەڕووبوونەوەی پەتای كۆرۆنا، بڕی یەك ملیار دینار بۆ تەندروستی و پارێزگای دھۆك تەرخانكرا.

دەشڵێت: “ئەو پارەیە بەشێكە لە بودجەی فریاكەوتنی حكومەتی هەرێم بۆ بەرەنگاربوونەوەی كۆرۆنا، كە بۆ دەڤەر و پارێزگاكانی هەرێم تەرخانكراوە”.

ئەمە لەكاتێكدایە، كە لە ماوەی ڕابردووشدا بڕی ملیارێك دینار بۆ سنووری پارێزگای سلێمانی و هەڵەبجە بەیەكەوە تەرخان كرا.

بەردەوام بە لە خوێندنەوە

کوردستان