ئێمە لە تۆرە کۆمەڵایەتیەکان

کوردستان

لاهور شێخ جەنگی: دەبێت حكومەتی نوێی عیراق بەگوێرەی دەستوور مامەڵە لەگەل هەرێم بكات

خەڵك – بەشی هەواڵ

ئێوارەی ئەمڕۆ یەكشەممە 16 ی شوباتی 2020 لەسلێمانی بەئامادەبونی سەرۆكی فڕاكسیۆنی سەوز لە ئەنجومەنی نوێنەرانی عیراق و ئەو سەركردایەتییانەی پەرلەمانتارن لە فڕاكسیۆنی سەوز، لاهور شێخ جەنگی ئەندامی ئەنجومەنی سەركردایەتی یەكێتیی نیشتمانیی كوردستان لەگەڵ محەمەد حەلبوسی سەرۆكی ئەنجومەنی نوێنەرانی عیراق و سەرۆكی هاوپەیمانی هێزە عیراقییەكان و شاندی یاوەری كۆبووەوە.

لە كۆبوونەوەكەدا گفتوگۆ لەبارەی پێكهێنانی كابینەی نوێی حكومەتی عیراق كرا كە دەبێت بەجۆرێك بێت سەرجەم هێزە سیاسییەكان بە كورد و عەرەب و سوننە و شیعە و تەواوی پێكهاتەكان تیایدا بەشداربن بۆ ئەوەی سەقامگیری بۆ بەغدا و پارێزگاكانی باشوور بگەڕێتەوە.

لە كۆبوونەوەكەدا باس لەوەشكرا، پێویستە ئەجێندای حكومەت ڕوون و ئاشكرا بێت سەبارەت بەبەشداری لایەنە سیاسییەكان و داواكاری خۆپیشاندەران، تەوەرێكی تری كۆبوونەوەكە ئەوە بوو كەدەبێت حكومەتی نوێی عیراق بەگوێرەی دەستوور مامەڵە لەگەل هەرێمی كوردستان بكات و پرسی بودجە و مووچە نەكرێتە پرسێكی سیاسی بۆ هاووڵاتیان و فەرمانبەرانی هەرێمی كوردستان.

مەترسی بەهێزبوونەوەی داعش لە عیراق بەشێكی تری گفتوگۆكان بوو، بۆیە جەخت لەوەكرایەوە هەماهەنگی كردن لەگەڵ هێزەكانی ئەمریكا و هاوپەیمانان بەگرنگ وەسفكرا بۆ ئەوەی جارێكی تر تیرۆر نەبێتە مۆتەكەیەك بۆ عیراقییەكان.

لەكۆتایيشدا تیشكخرایە سەر ئەوەی كەدەبێت گفتوگۆكان لەنێوان هەردوولا و تەواوی هێز و پێكهاتە سیاسییەكانی عیراق بەردەوام بێت لەپێناوی چەسپاندنی بنەماكانی دادپەروەری و هاووڵاتیبوون بۆ هەموو گەلانی عیراق.

ك.ج

کوردستان

نێچیرڤان بارزانی: ئامادەین یارمەتیدەربین بۆ دڵنیابوونەوە لە سەقامگیریی عیراق

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نیگەرانن لە هێرش و هەڕەشەی ئەم دواییەی سەر ئەركە دیپلۆماتییەكان و بنكەكانی هاوپەیمانیی نێودەوڵەتی، ئامادەشن هاوكاریی عیراق بكەن بۆ دابینكردنی ئاسایش و سەقامگیری.

نێچیرڤان بارزانی سەرۆكی هەرێمی كوردستان ئەمڕۆ 25ی ئەیلول لە جریوەیەكدا لە تۆڕی كۆمەڵایەتی تویتەر نووسیویەتی، پاڵپشتیی هەوڵی سەركردە عیراقییەكان دەكەن بۆ ڕێگریكردن لەو هێرشانە. ئامادەی هاوكارین بۆ دڵنیابوونەوە لە ئاسایش و سەقامگیریی لە وڵاتدا.

 

دەقی جریوەكەی نێچیرڤان بارزانی:

بە نیگەرانییەكی زۆرەوە چاودێریی دوایین هێرش و هەڕەشەكان دژی ئەركە دیپلۆماتییەكان و بنكە سەربازییەكانی هاوپەیمانیی نێودەوڵەتی دەكەین كە عیراقییەكان لە “تیرۆر” دەپارێزن. پاڵپشتی لە هەوڵی سەركردە عیراقییەكان بۆ ڕێگەگرتن لە هێرشی زیاتر دەكەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.

 

بەردەوام بە لە خوێندنەوە

کوردستان

كۆیە.. كچێكی دەرچووی 12 ئامادەیی كۆتایی بە ژیانی خۆی هێنا

خەڵك – بەشی هەواڵ

لە شاری كۆیە كچێكی تەمەن 18 ساڵ كۆتایی بە ژیانی خۆی هێنا.

ئێوارەی ئەمڕۆ هەینی لە شاری كۆیە كچێك بەناوی (گ.ب.ج) تەمەن 18 ساڵ دەرچووی پۆلی 12ی ئامادەیی دانیشتووی گەڕەكی كەكۆن، بە چەكی جۆری كڵاشینكۆف كۆتایی بە ژیانی خۆی هێنا.

بەپێی زانیارییەكانی (تۆڕی میدیایی خەڵك)، هۆكاری خۆكوشتنی ئەو كچە دەگەڕێتەوە بۆ بەدەستهێنانی نمرەی كەم لە پۆلی 12ی ئامادەیی.

لە ئێستادا پۆلیس پەڕاوی لێكۆڵینەوەی بۆ ڕووداوەكە كردووەتەوە.

بەردەوام بە لە خوێندنەوە

کوردستان

تەقتەق.. گەنجێك بە تەزووی كارەبا گیانی لەدەستدا

خەڵك – بەشی هەواڵ

لە شارەدێی تەقتەق گەنجێك لەكاتی پاككردنەوەی حەوزی ماسیدا بەهۆی تەزووی كارەباوە گیانی لەدەستدا.

ئێوارەی ئەمڕۆ هەینی، گەنجێك بەناوی (م.أ) دەرچووی زانكۆ / بەشی یاسا، دانیشتووی شارەدێی تەقتەق لەكاتی پاككردنەوەی پڕۆژەی بەخێوكردنی ماسیدا تەزووی كارەبا لێیداوە و بەهۆیەوە گیانی لەدەستداوە.

لە ئێستادا تەرمی ناوبراو گەیەنراوەتەوە پزیشكی دادی كۆیە و لێكۆڵینەوەش لەڕووداوەكە دەستپێكردووە.

بەردەوام بە لە خوێندنەوە

کوردستان