ئێمە لە تۆرە کۆمەڵایەتیەکان

کوردستان

سەركردەیەكی كۆمەڵ: دەبێت حزبەكان بۆ كاندید كردنی عەللاوی بەوریایی مامەڵە بكەن

خەڵك- ئارام سەردار
ئەندامێكی سەركردایەتی كۆمەڵی ئیسلامی كوردستان لەبارەی پێكهێنانی حكومەتی عیراق ڕایدەگەیەنێت، ئەگەری سەركەوتنی حكومەتی داهاتووی عیراق لاوازە و دەبێ حزبە كوردستانیەكان لەناوخۆیان ئەو پرسە تاوتوێ بكەن، بەیەكەوە بڕیاربدەن بەشداری دەكەن یان نا.

شوان ڕابەر، ئەندامی سەركردایەتی كۆمەڵی ئیسلامی كوردستان لەبارەی پێكهێنانی حكومەتی عیراق بە(خەڵك)ی ڕاگەیاند، محەمەد تۆفیق عەللاوی، كە ڕاسپێردراوە بۆ پێكهێنانی حكومەتی عیراق، لەبەردەم كارێكی زۆر سەختدایە.

دەشڵێت: “هۆكاری سەختی قۆناغەكە بەهۆی ئەوەیە، كە حكومەتی ڕابردوو شكستی هێناوە، كەس ئامادە نیە حكومەت وەربگرێت، گەندەڵی بێ سنوورە، عەللاوی هیچ فڕاكسیۆنێك یان حزبێكی خۆی نیە، وێڕای بەردەوامی خۆپیشاندانەكان، خۆپێشادەران ناوبراویش ڕەت دەكەنەوە، لەهەمان كاتدا حزبەكان لەسەری كۆك نین”.

شوان ڕابەر وتیشی، “لەبەر ئەو كۆمەڵە هۆكارە، گەر حكومەتیش پێكبێت، ئەگەری سەركەوتنی زەحمەتە، بۆیە بۆ كورد باشە نە ڕەتی بكاتەوە نەقبوڵی بكات”.

ئەوەشدەخاتەڕوو، دەبێ حزبە كوردستانیەكان لەناوخۆیان ئەو پرسە تاوتوێ بكەن، بەیەكەوە بڕیاربدەن بەشداری دەكەن یان نا، میكانزمی گفتووگۆكان و پشكی هەرێمیش لەكابینەی نوێ دیاری بكەن و بەدادگەری پشكەكانیش دابەشبكرێن و نوێنەری باش لەبەغداد دابنرێن، بەپچەوانەوە كورد زەرەرمەند دەبێت.

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان

یەك مەتر زەوی بە هەزار دینار فرۆشراوە
نهێنی سووتاندنی سنەوبەرەكانی سلێمانی ئاشكرا كرا

خەڵك-بەشی هەواڵ

 

سەرۆكی فراكسیۆنی گۆڕان لە ئەنجومەنی پارێزگای سلێمانی نهێنی سووتاندنی سنەوبەرەكانی سلێمانی ئاشكرا دەكات.
ڕێبوار ئەحمەد سەرۆكی فراكسیۆنی گۆڕان لە ئەنجومەنی پارێزگای سلێمانی بە میدیای حزبەكەی ڕاگەیاند، ئەو ١٣٢ دۆنم زەویەی دارسنەوبەرەكانیان لەبەردەمیدا سوتاندووە دراوە بە دوو كۆمپانیا بەناوەكانی (وێستكار، كوردستان مۆتۆر) بەیاسای وەبەرهێنان مەتری دراوە بەهەزار دینار و دۆنمی بە دوو ملیۆن و نیو دینار.
ئاشكراشیكرد، بەهای زەوییەكان پێنج ملیۆن دۆلارە، ئەم دوو كۆمپانیایە پەنجا پێشانگای ئۆتۆمبێلی تێدا دروست دەكەن هەر پێشەنگایەك دەفرۆشرێت بە یەك ملیۆن دۆلار.

وتیشی” لەو شوێنە چەند پڕۆژەیەك دەكرێن كە یەكێكیان لەسەر ڕووبەری (132) دۆنم زەوییە و ئەوەی دیكە لەسەر ڕووبەری (50) دۆنم زەوی، پڕۆژەكانیش بریتین لەكۆگای هەمەجۆر و گەراج”.

بەردەوام بە لە خوێندنەوە

کوردستان