ئێمە لە تۆرە کۆمەڵایەتیەکان

ئابوری

حكومەتی هەرێم وەڵامی دەنگۆی دانەوەی پاشەكەوتی دایەوە

خەڵك- ئەحمەد عەبدوڵڵا

دەنگۆی ئەوە بڵابووەتەوە كە حكومەتی هەرێم ئامادەیە پاشەكەوتی ئەو فەرمانبەرانە بداتەوە كە تەمەنیان 45 ساڵە و 15 ساڵ خزمەتیان هەیە، بەمەرجێك ئامادەبن خۆیان خانەنشین بكەن و وتەبێژی حكومەتی هەرێميش وەڵامی دەنگۆكەی دایەوە.

د.جوتیار عادل، وتەبێژی حكومەتی هەرێمی كوردستان بە (خەڵك)ی ڕاگەیاند، ئەو دەنگۆیە هیچ بنەمایەكی نییە و حكومەتی هەرێم دیراسەی هیچ پڕۆژەیەكی لەو چەشنەی نەكردووە بۆ دانەوەی پاشەكەوت.

وتەبێژی حكومەتی هەرێمی كوردستان بێئاگای خۆی دەربڕی لەو دەنگۆییە و ڕایگەیاند، پلانێك لە ئارادا نییە بۆ خانەنشینكردنی فەرمانبەران پێش ماوەی یاسایی، بەمەرجی گەڕانەوەی پاشەكەوت.

13 ملیار دۆلاری فەرمانبەران لای حكومەتی هەرێمی كوردستانە

حكومەتی هەرێمی كوردستان ڕۆژی 3ی شوباتی 2016، بڕیاریدا بەشێك لە مووچەی فەرمانبەران پاشەكەوت بكات و بەڵێنی ئەوەیدا هەر كاتێك دۆخی ئابوری هەرێم باشبوو، پاشەكەوتەكە بداتەوە و ڕۆژی 8ی ئاداری ساڵی ڕابردووش حكومەتی هەرێم بڕیارەكەی هەڵوەشاندەوە.

لێدوانەكەی وتەبێژی حكومەتی هەرێم لەكاتێكدایە چەند ڕۆژێكە باس لەوەدەكرێت، حكومەتی هەرێم ئامادەیە پاشەكەوتی ئەو فەرمانبەرانە بداتەوە كە تەمەنیان لە سەرو 45 ساڵەوەیە و 15 ساڵ خزمەتیان هەیە لە كەرتی گشتییدا، بۆ ئەوەی زۆرترین ژمارەی فەرمانبەر خۆیان خانەنشین بكەن.

بەپێی دواین ئامار حكومەتی هەرێمی كوردستان 13 ملیار دۆلار قەرزی فەرمانبەرانی لایە و بەپێی پڕۆژەیاسای چاكسازیش بڕیارە هەر فەرمانبەرێك حسابێكی بانكی بۆ بكرێتەوە و پاشەكەوتی تێدا حساب بكرێت تا ئەو كاتەی حكومەتی هەرێم توانای دانەوەی دەبێت.

ئابوری

جموجۆڵی بازرگانی نێوان هەرێم و ئێران ئاسایی دەبێت

خەڵك-ئارام سەردار

وەزیری ناوخۆی حكومەتی هەرێمی كوردستان ڕایدەگەیەنێت، ئەو پشكنینانەی لەخاڵە سنوورییەكان بۆ خۆراك و پێویستیەكانی تر دەكرێن، كە لەوڵاتی ئێرانەوە بۆ هەرێمی كوردستان دێن بەشێوەیەكی ئاسایی بەرێوەدەچێت، چونكە مرۆڤ هۆكاری گواستنەوەی نەخۆشیەكەیە.

ڕێبەر ئەحمەد، وەزیری ناوخۆی حكومەتی هەرێمی كوردستان بە ڕۆژنامەوانانی ڕاگەیاند، تائێستا ئەو پشكنینانەی هەبوون بۆ خۆراك و پێویستییەكانی تر، كە لەوڵاتی ئێرانەوە لەڕێگا سنوورییەكانەوە دێنە هەرێمی كوردستان هەر وەكو خۆیانن بەشێوەیەكی ئاسایی هەروەك لەخاڵە سنوورییەكانی تر لەگەڵ وڵاتانی دیكە دەكرێن، چونكە مەترسی ئەو نەخۆشیە زیاتر بەڕێگای مرۆڤەوەیە، كە هۆكاری گواستنەوەی نەخۆشیەكەیە.

دەشڵێت: “دەبێ تیشكمان لەسەر ئەوە بێت مرۆڤ لەم پەتایە دووربخەینەوە، ئەگەر حاڵەتێكی وەها بێتە پێشەوە، كە بازرگانی بوەستێت، بەدڵنیایی حكومەتی هەرێم بڕیاری پێویستی دەبێت”.

وەزیری ناوخۆ ئاماژەی بۆ ئەوەشكرد، لەكۆبوونەوەكەی ئەمڕۆش گەیشتین بە بڕیارێك، كەوا ئاڵوگۆڕی بازرگانی ڕێكبخرێت بەجۆرێك، كە خزمەتی هەردوولا بكات و بەدووریش بین لەگواستنەوەی پەتای كۆرۆنا .

بەردەوام بە لە خوێندنەوە

ئابوری

بەڵێنی دابەشكردنی مووچە بە 30 ڕۆژ نەبرایەسەر

خەڵك- بەشی هەواڵ
هەرچەندە وەزارەتی دارایی بڕیاری داوە 30 ڕۆژ جارێك مووچەی فەرمانبەران دابەش بكات، بەڵام ئەمڕۆ ئەو ماوەیە بەسەر دابەشكردنی مووچەی چەند وەزارەتێك تێپەڕی و تا ئێستا هیچ خشتەیەكی دابەشكردنی مووچە ڕانەگەیەنراوە و بەرپرسانی دارایی-ش زانیاری نادەن.

مانگی ڕابردوو لە 22ی مانگدا كۆتایی بە دابەشكردنی مووچەی سەرجەم وەزارەتەكان هێنرا و مووچەی خانەنشینانیش دابەشكرا، بەڵام سبەینێ‌ یەك شەممە 30 ڕۆژ بەسەر دابەشكردنی مووچەی بەشێكی زۆری وەزارەتەكان تێدەپەڕێت و تا ئێستاش هیچ خشتەیەك بۆ دابەشكردنی مووچە لەلایەن داراییەوە ڕانەگەیەنراوە.

بۆ پرسی دابەشكردنی مووچەی فەرمانبەران (خەڵك) پەیوەندی كرد بە ئەحمەد عەبدولڕەحمان، وتەبێژی وەزارەتی دارایی هەرێم، بەڵام ئامادەنەبوو هیچ لێدوانێك لەسەر مووچە بدات.

بەپێی بەدواداچوونی (خەڵك) تا ئێستا پارەی مووچەی فەرمانبەرانی هەرێمی ڕەوانە نەكردووە و حكومەتی هەرێم-یش پارەی تەرخانكراوی فرۆشتنی نەوت بۆ مووچە، كە مانگانە نزیكەی 380 ملیار دینارە زیاد ناكات.

پێشتر چەند جارێك بەرپرسانی حكومەتی هەرێم ڕایگەیاندبوو، حكومەتی هەرێمی كوردستان پابەندە بە دابەشكردنی مووچەی فەرمانبەران هەر 30 ڕۆژ جارێك.

بەردەوام بە لە خوێندنەوە

ئابوری

ژمارەیەك هەلی كار بۆ دەرچووانی زانكۆ و پەیمانگاكان ڕاگەیەنرا

خەڵك- بەشی هەواڵ
كۆمپانیایەكی كەرتی تایبەت ژمارەیەك هەلی كار بۆ دەچووانی چەند بەشێكی زانكۆ و پەیمانگا ڕادەگەیەنێت و قائیمقامیەتی چەمچەماڵ-یش دەڵێت: “گرێبەستەكە بۆ 10 ساڵە”.

قائیمقامیەتی چەمچەماڵ لە ڕاگەیەنراوێكدا ئاماژەی بەوەكردووە، كە لە پیناو خزمەتكردنی دەرچووانی زانكۆ و پەیمانگاكانی سنوری شارۆچكەكەمان، بەهەوڵی قائیمقامی چەمچەماڵ لیژنەی ناو تۆماركردنی (ڕیكخراوی گەشەپیدانی ئابووری) ناوتۆماركردنی دەرچووانی بەشەكانی (كشتوكاڵ، كۆمپیوتەر، جوگرافیا) دەهێنێتە شارۆچكەی چەمچەماڵ.

ڕاشیگەیاندووە، لیژنەكە بۆماوەی یەك ڕۆژ ناوی دەرچووانی ئەو بەشانە تۆمار دەكەن و داواكار پێویستە (سی ڤی) پێبێت.

جەختیشی كردۆتەوە، هەلی كارەكە بۆ كەرتی تایبەتە و بە گرێبەستیكی ۱۰ ساڵی دەبێت لەگەڵ كۆمپانیای (الفیحا‌و الزهبی) .

ئاشكراشی كردووە، شوێنی ناوتۆماركردن لە بەڕێوەبەرایەتی پەروەردەی چەمچەماڵ دەبێت لە ڕۆژی یەك شەممە ۲۳/ ۲/ ۲۰۲۰ لە كاتژمێر ۹ی بەیانی بۆ ٤ی ئێوارە و تەنها یەك ڕۆژە.

بەردەوام بە لە خوێندنەوە

کوردستان