ئێمە لە تۆرە کۆمەڵایەتیەکان

عێراق

بۆ هەڵبژاردنی داهاتوو 90%ی پەرلەمانتارەكان خۆیان كاندیدناكەنەوە

خەڵك- بەشی هەواڵ

باسم خشان، پەرلەمانتاری سەربەخۆ لە پەرلەمانی عیراق ڕایگەیاند، بۆ هەڵبژاردنی داهاتوو كە بڕیارە پێشوەخت لە عیراقدا بكرێت نزیكەی 90%ی پەرلەمانتاران خۆیان كاندیدناكەنەوە.

میدیاكانی عیراق لەزاری ناوبراوەوە بڵاویانكردەوە، زۆربەی حزبە سیاسییەكانی هەرێمی كوردستان دوودڵن لە هەڵبژاردنی پێشوەختە، بۆیە بڕیاریانداوە كەسانی دیكە بهێننە پێشەوە.

بڕیارە هەفتەی داهاتوو محەمەد عەلاوی، وەك سەرۆك وەزیرانی نوێی عیراق دەستبەكاربێت و دواتر پلان بۆ هەڵبژاردنی پێشوەختە لە عیراقدا دادەنرێت.

بەپێی یاسای عیراق، ئەو پەرلەمانتارانەی 50 ساڵیان تەواو كردووە و 15 ساڵ خزمەتیان هەیە خانەنشین دەكرێن.

عێراق

گۆڕێکی بەکۆمەڵ لەباشووری کەرکوک دۆزرایەوە

خەڵک – بەشی هەواڵ

 

گۆڕێکی بەکۆمەڵ لەگوندێکی باشووری کەرکوک دۆزرایەوە، کە گوماندەکرێت بەشێکیان تەرمی پێشمەرگە دیلەکانبن.

 

پۆلیسی فیدڕاڵی عیراق ئاشکرایکرد، گۆڕێکی بەکۆمەڵیان دۆزیوەتەوە، کە ڕووفاتی دەوروبەری ٥٠ کەسی تێدایە و لەلایەن چەکدارانی داعشەوە کوژراون.

 

ئەوەشی باسکردووە، کە ئەو شوێنە شوێنی کوشتنی ئەو کەسانەیە نەک وەک گۆڕی بەکۆمەڵ بەکارهاتبێت.

بەردەوام بە لە خوێندنەوە

عێراق

سیاسەتمەدارێكی شیعە بۆ (خەڵك): جەنگی ئەهلی لە عیراقدا ڕوونادات

خەڵك- ئیدریس جەبار
سیاسەتمەدارێكی شیعە، ڕەتیدەكاتەوە لە عیراقدا جەنگی ئەهلی دروست ببێت و پێیوایە،لەگەڵ بوونی مەرجەعیەتی باڵای ئاینی لە نەجەف و مەرجەكانی تر لە وڵاتدا، دوورە جەنگی ئەهلی لەنێوان شیعە- شیعەدا دروست ببێت.

حەبیب تەرفی سیاسەتمەداریی شیعە و پەرلەمانتاری پێشووی ئەنجومەنی باڵای ئیسلامی لە عیراق، لە لێدوانێكی تایبەت بە (خەڵك) ڕایگەیاند:”لەبەر ئەوەی مەرجەعە ئاینییەكان بونییان هەیە و ڕەوت و هاوسەنگی كاریی سیاسی و كۆمەڵایەتی ڕادەگرن، لە عیراقدا ترسە ئەوە لەئارادانییە جەنگی ئەهلی لەنێوان لایەنە شیعەكاندا دروست ببێت”.

ماوەیەكە موقتەدا سەدر ڕابەری ڕەوتی سەدر و سەركردەكانی ڕەوتەكەی، هۆشداریی دەدەن لە بوونی “پیلانێك” بۆ بەرپاكردنی جەنگی ئەهلی لەنێوان شیعە- شیعە لە عیراق، و پێیانوایە پیلانی بەرپاكردنی ئەو جەنگە لەلایەن “لایەنە دەرەكی و نێوخۆییەكانەوە داڕێژراوە”.

حەبیب تەرفی دەڵێت:”هەندێك هیواخوازن ببینن جەنگێكی قورس لەنێوان شیعە و شیعەدا دروستبووە، بەڵام ئەمە ڕووینەداوە و ڕوونادات، ئەوانەش كە باس لەو بابەتە دەكەن پێیاندەڵێین، ئەوە ڕوونادات، چونكە پرسی شیعە و مەزهەب و یەكگرتوویی نێوخۆ، دڵنیاكەریی هەیە كە مەرجەعیەتی باڵای ئاینییە”.

بە وتەی ئەو سیاسەتمەدار شیعەیە:”مەرج نییە هەموو كەس ڕێز لەوە بگرێت كە لە نەجەف هەیە و لە نەجەف ڕوودەدات، بەڵام كاتێك مەترسییەكە دروست دەبێت، ئەوانەی گومانیان هەیە بۆیان دەردەكەوێت كە گرنگی نەجەف لە چیدایە”.

هەر لەو چوارچێوەیەدا،حاكم زاملی سەركردە لە ڕەتی سەدر لە لێدوانێكی رۆژنامەوانیدا ڕایگەیاندبوو:”هەندێك لایەنی سیاسی ناوخۆیی و دەرەكی هەن، هەوڵ بۆ نانەوەی ئاژاوە دەدەن لە وڵات و دەیانەوێت عیراق بەرەو جەنگی شیعە- شیعە یان جەنگی ئەهلی ببەن، بەڵام بوونی مەرجەعیەتی ئاینی، هەموو ئەو پیلانانە پوچەڵدەكاتەوە.

بەردەوام بە لە خوێندنەوە

عێراق

ڕێژەی چاكبوونەوە لە كۆرۆنا 85%ی تێپەڕاند

خەڵك- بەشی هەواڵ
وەزیری تەندروستی عیراق ئاشكرای دەكات، كە ڕێژەی چاكبوونەوەی تووشبووانی كۆرۆنا گەیشتۆتە 85% و ڕێژەی مردنیش بۆ 2.4% دابەزیوە، بەڵام تا ئێستا ڤایرۆسەكە مەترسی گەورەی هەیە لەسەر وڵات و هۆشداریش دەدات لە زیادبوونی تووشبووان بە چوونە ناو وەرزی زستان.

حەسەن تەمیمی، وەزیری تەندروستی عیراق لە لێدوانێكی بۆ كەناڵی (العیراقیە)ی فەرمی ڕایگەیاند، كە وەزارەتەكەیان پێداویستی تەواوی دابین كردووە بۆ چارەسەری نەخۆشانی كۆرۆنا، بەڵام ئەمە مانای ئەوە نییە خۆپارێزی پشتگوێ‌ بخرێت.

وەزیری تەندروستی داوا لە هاووڵاتیان دەكات، “پابەند بن بە ڕێكارەكانی تەندروستی و لیژنەی باڵای تەندروستی و سەلامەتی نیشتمانی بەتایبەتیش لە چێشتخانە و مۆڵەكان”.

ئاماژەی بەوەشكردووە، كە پەتای كۆرۆنا تا ئێستا مەترسی گەورەی هەیە لەسەر جییهان و عیراق و تا ئێستا ڕێژەی چاكبوونەوە لە پەتاكە گەیشتۆتە 85% و ڕێژەی مردنیش بۆ 2.4% دابەزیوە.

وەزیری تەندروستی عیراق هۆشداریشی داوە لە زیادبوونی ڕێژەی تووشبوون بە كۆرۆنا لەگەڵ چوونە ناو وەرزی زستان ئەگەر هاوولاتیان پابەندی ڕێكاری خۆپارێزی نەبن و وتیشی، “لەگەڵ ڕێكخراوی تەندروستی جیهانی لە هەماهەنگی بەردەوامداین بۆ دانانی پلانی پێویست بۆ ڕۆژانی داهاتوو تاوەكو ئامادەكاری تەواو بكرێت بۆ ئەگەری زیادبوونی ژمارەی تووشبووان”.

ئەمە لەكاتێكدایە، كە وەزارەتی تەندروستی لە ڕاگەیەنراوێكدا ئاماژەی بەوەكردبوو، كە ڤایرۆسی كۆرۆنا لەژێر كۆنتڕۆڵدایە و ڕێژەی چاكبوونەوە لەسەر ئاستی جیهان لە باشترین حاڵدایە و جەختیشی كردەوە، كە تا ئێستا هیچ ڤاكسینێك بۆ ڤایرۆسەكە نییە.

بەردەوام بە لە خوێندنەوە

کوردستان