ئێمە لە تۆرە کۆمەڵایەتیەکان

عێراق

كۆچ و كۆچبەران ڕونكردنەوەیەكی لەسەر ئاوارە فەلەستییەكانی عیراق بڵاوكردەوە

خەڵك- بەشی هەواڵ

عەلی عەباس، وتەبێژی وەزارەتی كۆچ و كۆچبەرانی عیراق لە ڕونكردنەوەیەكدا ئاماژەی بەوەكرد، لە هەوڵی چارەسەركردنی كێشەی دارایی ئاوارە فەلەستییەكاندان و داواكارییەكانیان ڕەوانەی ئەنجومەنی وەزیران كردووە.

لە ڕونكردنەوەكەدا ناوبراو باسی لەوەكردووە، نزیكەی 32 هەزار ئاوارەی فەلەستینی لە عیراقدا هەن، كە لە دوای ڕوخانی ڕژێمی پێشووی عیراقەوە ئیش و كارەكانیان ڕەوانەی كۆمیسۆنی كاروباری پەنابەران كراوە.

وتیشی”كێشەی دابینەكردنی كرێی خانووەكانیان و پێداویستی دیكەیان هەیە و داوای گەڕانەوەی هاوكارییەكانیان دەكەن”.

هەر بەپێی ڕونكردنەوەكە عیراق هەوڵدەدات لە ڕێگەی نەتەوەیەكگرتووەكانەوە كۆتایی بە كێشەكانیان بهێنێت.

عێراق

بەغدا.. سێ‌ مووشەك ئاڕاستەی ناوچەی كەڕادە كران
مووشەكێك لقی پێنجی پارتی كردووەتە ئامانج

خەڵك – بەشی هەواڵ

ئەمشەو سێ مووشەك لە ناوچەی كەڕادەی بەغدا كەوتنە خوارەوە و یەكێكیان بەر دیواری لقی پێنجی پارتی دیمكراتی كوردستان كەوتووە.

لەوبارەیەوە، شوان محەمەد تەھا، لێپرسراوی لقی پێنجی پارتی دیموكراتی كوردستان لە بەغدا ڕایگەیاند، ئەو مووشەكەی بەر دیواری بارەگای لقی پێنچی پارتی كەوتووە ھیچ زیانێكی گیانی و ماددی نەبووە.

لقی پێنجی پارتی لە بەغدا لە ناوچەی كەڕادەیە و دەكەوێتە سەر شەقامی 52 كە لە ناوچەی سەوزەوە نزیكە.

بەردەوام بە لە خوێندنەوە

عێراق

سادیقون: پێویستە سنورێك بۆ توركیا دابنرێت

خەڵك- بەشی هەواڵ
بزوتنەوەی (سادیقون)، بە توندی ئیدانەی هێرشەكەی توركیا دەكات كە بووە مایەی شەهيدبوونى دوو ئەفسەری عیراقی لە هێزەكانی پاسەوانی سنور لە ناحیەی سیدەكانی سەر بە پارێزگەی هەولێر.

مەحمود ڕەوبەیعی، وتەبێژی مەكتەبی سیاسی بزوتنەوەی سادیقون لە تویتێكیدا لەسەر تۆڕی كۆمەڵایەتی (تویتەر) ڕایگەیاند”سوپای داگیركەریی توركیا تاوانێكی چەپەڵی ئەنجامدا بە كوشتنی دوو فەرماندەی سەربازیی عیراقی و شۆفێركەیان لە پاسەوانی سنور لە سیدەكانی سەر بە پارێزگەی هەولێری باكووری عیراق”.

بە وتەی ڕوبەیعی”پێویستە سنورێك بۆ ئەو سوكایەتیپێكردنی توركیا بە سەروەریی و خوێنی عیراقییەكان دابنرێت كە تائێستادا حكومەت لەبەر هۆكاریی ناڕاگەیەندراو لەسەریان بێدەنگ بووە”.

وتەبێژەكەی بزوتنەوەی (سادیقون) پێیوایە”دەستهەڵگرتن بە ئیدانەكردن و ڕسواكردنی هێرشەكان، ئاسانكاریی بۆ دوژمنكاريی زياتر خۆشدەكات و هێندەی تر هاندان دەبێت بۆ دەستدرێژییەكان”.

هەر ئەمڕۆ شانەی میدیای ئەمنی عیراقی، توركیای بە تێوەگلان لە هێرشەكەی باكووری پارێزگەی هەولێر تۆمەتبار كرد.

شانەی میدیای ئەمنی لە بەیاننامەیەكدا ڕایگەیاند”ئیدانەی دەستدرێژییەكەی توركیا دەكەین كە لەڕێی فڕۆكەی بێفڕۆكەوانەوە ئەنجامدرا و كاروانێكی سەربازی پاسەوانی سنوری لە ناوچەی سیدەكان كردە ئامانج و بووە مایەی شەهیدبوونی فەرماندەی لیوای دووی پاسەوانی سنوری ناوچەی یەك و فەرماندەی فەوجی سێ‌/ لیوای دوو و شۆفێری ئۆتۆمبێلەكەیان.

بەردەوام بە لە خوێندنەوە

عێراق

دادگای فیدڕاڵی بڕیارێكی لە بەرژەوەندی ڕۆژنامەنووسان دەركرد

خەڵك- بەشی هەواڵ
دادگای فیدڕاڵی عیراق بڕیار دەدات، كە نابێت لەو سكاڵایانەی لەسەر ڕۆژنامەنووسان تۆمار دەكرێت، فەرمانی گرتنیان بۆ دەربچێت.

بەپێی گشتاندنێكی دادگای فیدڕاڵی، كە ئاڕاستەی سەرجەم دادگاكانی تێهەڵچوونەوە كراوە، ئاماژە بەوەكراوە، بەپێی دەستوور مافی ڕۆژنامەوانی و چاپ و ڕاگەیاندن و بڵاوكردنەوە فەراهەم كراوە، بۆیە دەبێت بە وریاییەوە مامەڵە لەگەڵ ئەو سكاڵایانە بكرێت، كە لەسەر ڕۆژنامەنووسان تۆمار دەكرێت.

جەختیشكراوەتەوە، كە لەو سكاڵایانەدا دەبێت سەرەتا ڕێكارەكان پەیڕەو بكرێت لە بانگهێشتی ڕۆژنامەنووس و پەلە نەكرێت لە دەركردنی فەرمانی گرتن.

ئاماژە بەوەشكراوە، كە لەكاتی ئەنجامدانی هەر ڕێكارێك بەرامبەر ڕۆژنامەنووسان، دەبێت سەندیكای ڕۆژنامەنووسان ئاگادار بكرێتەوە.

بەردەوام بە لە خوێندنەوە

کوردستان