ئێمە لە تۆرە کۆمەڵایەتیەکان

کوردستان

فەرماندەیی ناوەندی پاراستنی گەل: پابەندبونمان بە ئۆجالان دووپاتدەكەینەوە

خەڵك –بەشی هەواڵ

فەرماندەیی بڕیارگەی ناوەندی پاراستنی گەل-نەپەگە لە بارەی ٢١مین ساڵیادی دەستگیركردنی عەبدوڵڵا ئوجالان پەیامێكی بڵاوكردەوە.

فەرماندەیی بڕیارگەی ناوەندی پاراستنی گەل دەڵێت “لە كەسایەتی ئاپۆدا، كە گەلی كوردستانی لە قڕكردنێكی گەورە رزگار كرد و بوو بە سەرچاوەی ئایدولوجی و فەلسەفەی تێكۆشانمان، ٢١مین ساڵیادی پلانگێڕی نێودەوڵەتی ١٥ی شوبات بە توندی ئیدانە دەكەین”.

ڕاشیگەیاند “ئاپۆ كە لە ١٥ی شوباتی ١٩٩٩ وە لە بەرامبەر سیستمی ئەشكەنجە و گۆشەگیریی ئیمڕاڵی، لە خۆڕاگریدایە و بووە بە موهەندیسی خۆڕاگری پابەندبونمان بەئەوەوە دووپات دەكەینەوە”.

ڕاشیگەیاند “پیرۆزبایی لە تێكۆشانی گەلەكەمان دەكەین لە بەرامبەر پلانگێڕییەكە”.

ریکلام

کوردستان

پێنجوێن.. دەمامك بە خۆڕایی دابەش دەكرێت

خەڵك – بەشی هەواڵ

لەگەڵ بڵاوبوونەوەی ڤایرۆسی كۆرۆنا لە وڵاتی ئێران، هاووڵاتیانی هەرێمی كوردستان بەمەبەستی خۆپاراستن لەو ڤایرۆسە ڕوویان لە كڕینی دەمامك و ماددە پاككەرەوەكان كردووە، بەمەش خواست لەسەر ئەو كاڵایانە زیادبووە بە شێوەیەك نرخەكەی گەیشتووەتە دوو هێندەی نرخی پێشتری و لە هەندێك ناوچەدا دەستیش ناكەوێت، پێچەوانەی هەموو ئەمانە لە شارۆچكەی پێنجوێن دەمامك بە خۆڕایی دابەش دەكرێت.

بەپێی زانیارییەكانی (تۆڕی میدیایی خەڵك) لە شارۆچكەی پێنجوێن، خاوەنی دەرمانخانەی بلكیان ڕایگەیاندووە، هەركەسێك پێویستی بە دەمامك بێت دەتوانێت بچێت بە خۆڕایی دانەیەك وەرگرێت.

خاوەنی دەرمانخانەكە ئاماژەی بەوەشداوە، هەر كەس پێویستی بە دەمامكە، دەتوانێت بەخۆڕایی هەڵی بگرێت،بەمەرجێك بۆ هەر كەسێك یەك دانە، ئەمەش بۆ ئەوەیە تا زۆرترین كەس بەری بكەوێت و كەس بێبەش نەبێت.

ك.ج

بەردەوام بە لە خوێندنەوە

کوردستان

سلێمانی.. دەستبەسەر بڕێكی زۆر دەمامكی بەسەرچوودا گیرا

خەڵك – بەشی هەواڵ

دوای بڵاوبوونەوەی ڤایرۆسی كۆرۆنا لە وڵاتی ئێران هاووڵاتیان هەوڵ دەدەن بۆ بەدەستخستنی دەمامك بۆ خۆپارێزی، بەڵام بەشێك لەو كەس و بازرگانانەی ئەوەیان بەهەلزانیوە بە نرخێكی زۆر زیاتر لە پێشتر دەیفرۆشن و ئەو دەمامكانەش دەفرۆشن كە ماوەكەی بەسەرچووە.

بەڕێوبەرایەتی گشتی تەندروستی سلێمانی ڕایدەگەیەنێت، لیژنەكانی بەدواداچوونی بەڕێوەبەرایەتییەكەیان لە بەدواداچوونێكیاندا ئەمڕۆ شەممە 22/2/2020 سەردانی چەند شوێنێكیان كردووە، لەسەردانەكاندا دەستیان گرتووە بەسەر چەندین دەمامك كە بەسەرچوون.

بەڕێوبەرایەتی گشتی تەندروستی سلێمانی، داوا لە هاووڵاتیانیش دەكات، كاتێك دەمامك دەكڕن ئاگاداری وادەی بەسەرچوون بن، ئەو هاووڵاتیبانەی كە لەماوەی دوو ڕۆژی ڕابردوودا لە سلێمانی دەمامكیان كڕیوە سەیری ڕێكەوتەكەی بكەن، ئەگەر بەسەرچوو بوو بیگەڕێننەوە بۆ ئەو شوێنەی كە لێیان كڕیوە و ڕێكاری یاساییش بگرنەبەر بەرامبەر ئەو كەسانەی خەڵكی دەخەڵەتێنن.

ك.ج

 

بەردەوام بە لە خوێندنەوە

کوردستان

بەڕێوەبەری نەخۆشخانەی منداڵان: ئەگەری تووشبوونی منداڵ بە كۆرۆنا كەمە

خەڵك- بەشی هەواڵ
پزیشكێكی پسپۆڕی نەخۆشییەكانی منداڵان، كە بەڕێوەبەری نەخۆشخانەی فێركاری منداڵانە لە سلێمانی ڕایدەگەیەنێت، كە تا ئێستا هیچ حاڵەتێكی مردنی خوار تەمەنی 12 ساڵی تۆمار نەكراوە لە جیهاندا بەهۆی ڤایرۆسی كۆرۆناوە.

د. پشدەر عەبدوڵڵا، بەڕێوەبەری نەخۆشخانەی فێركاری منداڵان لە سلێمانی لە هەژماری خۆی لە فەیسبووك ڕایگەیاندووە، بەهۆی شێوازی سیستەمی بەرگری لەشی منداڵ تووشبوونیان بە ڤایرۆسی كۆڕۆنا كەمە، ئەگەر تووشیش بن زۆربەیان بەشێوەی پەتایەكی سووك ئەیگرن.

دەشڵێت: “تا ئێستا هیچ حاڵەتێكی مردنی خوار تەمەنی 12 ساڵی تۆمار نەكراوە لە جیهاندا بەهۆی ڤایرۆسی كۆرۆناوە”.

جەختیشی كردۆتەوە، كە ئەوە مانای ئەوە ناگەیەنێت خۆپارێزی لە ڤایرۆسەكە بۆ منداڵ نەكرێت، چونكە لەوانەیە حاڵەتەكەی تووند بێت یان بەهۆیەوە تەمەن گەورە تووش بكات و ژیانی ئەو بخاتە مەترسییەوە.

ڕاشیگەیاندووە، پابەندی خۆپارێزی و ڕێنماییەكانی وەزارەتی تەندرووستی بن و ترس و دڵەڕاوكێیەكی زۆر بۆ خۆتان درووست مەكەن، چونكە لەوانەیە ئەو ترسە زۆرە ببێتە هۆی لاوازبوونی سیستەمی بەرگری لەشت و ببیت بە نێچیرێكی باش بۆ ڤایرۆسەكە، بەڵام گرنگە بەهەموو شێوەیەك خۆپارێزی بكەیت.

لای خۆشیەوە، د. زانا دزەیی، پسپۆڕی نەخۆشییەكانی هەناوی بابەتێكی دەربارەی ڤایرۆسی كۆرۆنا بڵاوكردۆتەوە و تێیدا داوا لە هاووڵاتییان دەكات نەترسن و تەنها پێویستیان بەوەیە خۆیان بپارێزن.

دەشڵێت: “هەرچەندە چارەسەری ڤایرۆسەكە نەدۆراوەتەوە، بەڵام لەگەڵ ئەوەشدا ٩٧٪ی ئەوانەی تووشی ڤایرۆسەكە بوون چاك بوونەتەوە، خۆشبەختانە تا ئێستا كەمتر لە ٣٪ی تووشبوان بە ڤایرۆسەكە گیانیان لەدەستداوە و زۆربەی تووشبووان چاك بوونەتەوە”.

بەردەوام بە لە خوێندنەوە

کوردستان