ئێمە لە تۆرە کۆمەڵایەتیەکان

کوردستان

جەعفەر شێخ مستەفا؛ئێران بە هیچ شێوەیەك لەگەڵ یەكێتی و كۆسرەت ڕەسول دانەنیشتووە
 قەتعی عیلاقەش كراوە

خەڵك – بەشی هەواڵ

ئەندامێكی ئەنجومەنی باڵای سیاسی و بەرژەوەندی یەكێتی ڕایدەگەیەنێت ، ئەنجومەنی باڵای سیاسی لە تێكۆشەرەكانی یەكێتی پێكهاتوون و پێویستە لە پەیڕەوی ناوخۆدا دەسەڵاتیان پـێ بدرێت، دەشڵێت،”ئێران بە هیچ شێوەیەك لەگەڵ یەكێتی و كۆسرەت ڕەسول دانەنیشتووە، نەك دانەنیشتون، بەڵكو وەكو قەتعی عیلاقەش كراوە”.

جەعفەر شێخ مستەفا، ئەندامی ئەنجومەنی باڵای سیاسی و بەرژەوەندی یەكێتی نیشتمانی كوردستان بە دەنگی كوردی ئەمریكا-ی ڕاگەیاندووە، ئەنجومەنی باڵای سیاسی لە تێكۆشەرەكانی یەكێتی پێكهاتوون و پێویستە لە پەیڕەوی ناوخۆدا دەسەڵاتیان پـێ بدرێت بێ دەسەڵاتەكانی ئەنجومەنە، ڕەنگە هەندێك كاری نەشیاو و لابەلا بكرێت، بۆ ڕێگرتن لە كاری لابەلا، دەبێت ئەو ئەنجومەنە دەسەڵاتی هەبێت.

باسلەوەدەكرێت، لە چەند ڕۆژی رابردوودا، وەفدێكی ئێران لەگەڵ باڤڵ تاڵەبانی و لاهور شێخ جەنگی و كۆسرەت ڕەسوڵ دا بە جیا كۆبوونەتەوە شێخ جەعفەر ڕایگەیاندووە، ئێران بە هیچ شێوەیەك لەگەڵ یەكێتی و كۆسرەت ڕەسوڵ دانەنیشتووە، نەك دانەنیشتووە، بەڵكو وەك قەتعی عیلاقەش كراوە، بەڵام لەگەڵ خەڵكانێك لەناو یەكێتی دانیشتوون.

بەپێی زانیاریەكانی دەنگی ئەمریكا، ناكۆكیە نوێـیەكانی یەكێتی لەسەر سێ پرسی سەرەكیە، دەسەڵاتەكانی ئەنجومەنی باڵای سیاسی، چۆنیەتی بەڕێوەبردنی یەكێتی، لەگەڵ جێگرانی سەرۆكی یەكێتی، كە كێ بن و دەسەڵاتیان چۆن بێت.

کوردستان

لە دەشتی هەولێر زەنگی خوێندنی ئەمساڵ لێدرا

خەڵك-ئارام سەردار

 

ئەمڕۆ یەكشەممە ٢٧ی ئەیلولی ٢٠٢٠ لەژێر چاودێری قایمقامی دەشتی هەولێر و بەڕێوەبەری پەروەردەی دەشتی هەولێر و چالاكی قوتابخانەكانی دەشتی هەولێر زەنگی نوێی ساڵی خوێندنی ٢٠٢٠-٢٠٢١ لێدرا و بەفەڕمی پۆلی ١٢ی ئامادەیی چوونە پۆلەكانی خوێندن.
مامۆستا عومەر وەلی، بەڕێوەبەری پەروەردەی دەشتی هەولێر بەوەكالەت لەبارەی كردنەوەی دەرگای قوتابخانەكان ڕایگەیاند، ساڵی ڕابردوو ساڵێكی پڕناخۆشی بوو بەهۆی كۆڕۆناوە، بەڵام سەڕەڕای ئەو پەتایە وەك پەروەرد كۆڵمان نەدا تاوەكو خوێندن بەردەوام بێت و پیرۆزبایی دەستپێكی ساڵی نوێش لە خوێندكاران و مامۆستایان دەكەن.

دەشڵێت، ساڵانە ژمارەیەكی باشی خوێندكاران بەنمرەی باش دەردەچن بۆ خزمەتی وڵات، مامۆستایانیش سەڕەڕای نەبوونی كۆڵیان نەداوە و بەردەوام بوون، مێژووش ئەوەی سەلماندوە كە خزمەتی نیشتیمانیان كردوە، سوپاسی بەردەوامی مامۆستایان دەكەین.

ئەوەشی خستەڕوو، قەیرانی دارایی كاریگەری لەسەر هەموو جیهان كردووە، بەڵام مامۆستایان بەردەوام بوون لەخزمەت بۆ دابینكردنی دواڕۆژێكی گەش بۆ نەوەی داهاتوو و چارەسەركردنی كێشە و گرفتەكان داواشی لەخوێندكاران كرد پێویستە ڕێنماییەكانی وەزارەتی پەروەردە و تەندروستی جێبەجێ بكەن و بەدەمامك و دەستكێش دەوام بكەن، لەبەرنامەشدایە بتوانین هەموو قۆناغەكان دەست بەخوێندن بكەنەوە.

بەردەوام بە لە خوێندنەوە

کوردستان

سەرۆكی حكومەت زەنگی دەستپێكردنەوەی پڕۆسەی خوێندنی لێدا

خەڵك-بەشی هەواڵ

 

ئەمڕۆ یەكشەممە 27/9/2020 مەسرور بارزانی، سەرۆكی ئەنجومەنی وزەیرانی هەرێمی كوردستان زەنگی دەستپێكردنی ساڵی نوێی خوێندنی لێدا.

مەسرور بارزانی لە وتارێكدا ڕایگەیاند، خۆشحاڵم كە ئەمڕۆ زەنگی دەستپێكردنەوەی پڕۆسەی خوێندن لێدەدەین، بۆ ئەوەی پڕۆسەی خوێندنی پۆلی 12ـی ئامادەیی دواتریش خوێندنی پۆلی یەك و دووی بنەڕەتی دەست پێبكات.

ناوبراو سوپاسی وەزیری پەروەردەی كرد، بۆ هەوڵ و ماندوبوون و دانانی میكانیزمێك بۆ دەستپێكردنەوەی پڕۆسەی خوێندن، بەتایبەتی لەم دۆخەی كە بەهۆی ڤایرۆسی كۆرۆنا هاتووەتە ئاراوە.
بارزانی ئاشكراشیكرد، ڕاستە خوێندن پڕۆسەیەكە بۆ فێربوون، بەڵام لە هەمانكاتدا قۆناغێكە بۆ هەستكردن بە بەرپرسیاریەتی، قوتابی بۆ ئەوە دەخوێنن، تا ببن بە ئەندامێكی كاریگەری كۆمەڵگە و فێری زانست بن، بۆ ئەوەی وڵات بەرەوپێش بەرن. خوێندن تەنها خوێندنەوەی كتێب و وانە نییە، بەڵكو خۆئامادەكردنە بۆ ژیان، بۆیە تا زیاتر خۆتان ئامادەبكەن بۆ ژیان هێندە دەتوانن سەركەوتووبن لە ژیان. دڵنیام زۆر لە ئێوەی قوتابیان ژیانی بندەستیتان نەبینیوە، بەڵام ئەوەی ئێستا لەم هەرێمە هەیە بەرهەمی خوێنی شەهیدان و قوربانیدانێكی زۆرە.

لای خۆشیەوە ئالان حەمەسەعید وەزیری پەروەردە، سوپاسگوزاری ئاڕاستەی مەسرور بارزانی كرد كە 540 ملیۆن دینار وەك بودجە بۆ پێداویستییە پزیشكییەكان و خۆپارێزی لە قوتابخانەكان تەرخان كردووە.

ئەمەش لەكاتێكدایە بەهۆی نەبوون و دواكەوتنی مووچەكانیان ئەمڕۆ یەك شەممە لە پارێزگاكانی هەڵەبجەو سلێمانی و ئیدارەكانی گەرمیان و ڕاپەڕین خۆپیشاندانی مامۆستایان و فەرمانبەران ئەنجام دەدرێت و بایكۆتی پڕۆسەی خوێندن دەكەن.

بەردەوام بە لە خوێندنەوە

کوردستان

كۆدەنگی لەسەر داخوازییەكانی مامۆستایان دروست دەبێت

خەڵك – بەشی هەواڵ

فڕاكسیۆنی كۆمەڵ لە پەرلەمانی كوردستان و ژمارەیەك نوێنەر لە ئەنجومەنی نوێنەرانی عیراق پشتیوانی لە داخوازییەكانی مامۆستایانی هەرێم دەكەن.

لەگەڵ بڕیاری دەستپێكردنەوەی دەوام لە ناوەندە پەروەردەییەكانی سەر بەوەزارەتی پەروەردە، مامۆستایان ڕایانگەیاند، سبەینێ یەك شەممە خۆپیشاندانی سەرتاسەری لەشارە جیاوازەكانی هەرێمی كوردستان ئەنجام دەدەن، لەپێناو دابین كردنی مووچە لەكاتی خۆیدا و بەبێ لێبڕین و جەختیش لە بایكۆت دەكەنەوە.

لەوبارەیەوە، فڕاكسیۆنی كۆمەڵ لە پەرلەمانی كوردستان و ژمارەیەك نوێنەر لە ئەنجومەنی نوێنەرانی عیراق ڕایدەگەیەنن: پشتیوانی لە داخوازییەكانی مامۆستایانی هەرێم دەكەن.

فڕاكسیۆنی كۆمەڵ لە پەرلەمانی كوردستان لە ڕاگەیەنراویكدا ئاماژە بەوەدەكات: ئێمە پشتیوانی تەواوی خواست و داخوازییەكانی مامۆستایان دەكەین و دەبینە بەشێك لەو فشارانەی مامۆستایان بە ئاڕاستەی هێنانەدی داواكارییەكانیان.

فڕاكسیۆنی كۆمەڵ لە پەرلەمانی كوردستان ئەوەش دەخاتە ڕوو، لە هەرێمێكدا كە ژمارەی دانیشتووانەكەی ناگاتە شەش ملیۆن كەس و لەسەر دەریایەك نەوت و دەیان سەرچاوەی گرانبەهای سامانی سرووشتی هەبێت، خاوەنی چەندین دەروازەی سنووریی نێودەوڵەتیی و داهاتێكی زەبەلاحی ناوخۆ بێت، ستەم و عەیبەیەكی گەورەیە مامۆستایان و كادیرانی پەروەردە بێنە سەر شەقام و داوای مووچەی پێنج مانگ پێش ئێستایان بكەن.

لە ڕاگەیەنراوەكە فڕاكسیۆنی كۆمەڵ لە پەرلەمانی كوردستان ئاماژە بەوەدەكات، دڵنیاین لەوەی كە هەرێمی كوردستان هیچ قەیرانێكی دارایی و نەبوونی داهاتی نییە، بەڵكو كێشەی نەبوونی دەسەڵاتداری دڵسۆز و دەستی پاك و ویژدانی زیندووی بەرپرسیارێتیی هەیە و سامانی خەڵك و داهاتی گشتی لە دەستێكی نائەمیندایە و بانگەشەی چاكسازیش لەلایەن ئەم دەسەڵاتەوە جگە لە قسەیەكی بەتاڵ شتێكی دیكە نییە. بۆیە بەتەواوی پشتگیریی داوا و خواست و خۆپیشاندانی مەدەنییانەی مامۆستایانین و پێویستە دەسەڵات بە زووترین كات وەڵامی ئەرێنیان بداتەوە و دەست هەڵبگرێت لە بەلاڕێدابرنی قەیران بە قەیرانێكی دیكە.

هاوكات، 15 نوێنەری كورد لە فڕاكسیۆنە جیاوازەكان كە نوێنەرایەتی پارێزگاكانی ھەرێمی كوردستان دەكەن لە ئەنجومەنی نوێنەرانی عیراق لە ڕاگەیەنراوێكدا دەڵێن: پشتیوانی داواكاری مامۆستایان و فەرمانبەران و ناڕەزایەتییەكانیان دەكەین و داوا لە حكومەتی ھەرێمی كوردستان دەكەین دەستھەڵگرێت لە سیاسەتی چەوساندنەوەی فەرمانبەران و بڕینی مووچەكانیان و مانگانە و لە كاتی خۆیدا مووچەكانیان دابین بكات.

 

ئەو نوێنەرانەی ئەنجومەنی نوێنەرانی عیراق كە پشتیوانی لە داخوازییەكانی مامۆستایان دەكەن:

(ئەحمەد حاجی ڕەشید، غالب محەمەد عەلی، سروە ونس، یسرا ڕەجەب، ڕێبوار كەریم مەحمود، ڕابوون مەعروف، سەركەوت شەمسەدین، جەمال كۆچەر، موسەننا ئەمین، كاوە محەمەد، هۆشیار عەبدوڵا، سەلیم هەمزە، یوسف محەمەد سادق، بەهار مەحمود، عەبدولباری مودەریس).

بەردەوام بە لە خوێندنەوە

کوردستان