خەڵك
وەزارەتی تەندروستی عیراق ئاشكرای دەكات، لە ماوەی یەك هەفتەدا 703 حاڵەتی نوێی تووشبوون بەڤایرۆسی كۆرۆنا تۆماركراوە و 454 كەسیش چاكبوونەتەوە و یەك حاڵەتی مردن بە كۆرۆنا تۆماركراوە .
وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە ماوەی یەك هەفتەدا، كە لە 21 تشرینی دووەم بۆ 27ی تشرینی دووەمی 2022 خراوەتەڕوو ، 24 هەزار و 405 پشكنین تایبەت بە كۆرۆنا ئەنجامدراوە و دەركەوتووە 703 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.
ئاشكراشیكردووە، كە لەماوەی ئەو هەفتەیەدا 454 تووشبوو بە پەتاكە چاكبوونەتەوە، و 20 هەزارو 196 كەسیش هێشتا چارەسەر وەردەگرن، یەك حاڵەتی گیان لە دەستدان بەپەتاكە تۆماركراوە.
