ئێمە لە تۆرە کۆمەڵایەتیەکان

عێراق

تا 45 ڕۆژی تر عیراق بۆی هەیە كارەبا و غاز لە ئێران بكڕێت

خەڵك- بەشی هەواڵ
ویلایەتە یەكگرتووەكان جارێكی تر عیراقی لەو سزایانە بەدەركرد، كە بەسەر ئێراندا سەپێنراون، بەو پێیەش عیراق بۆی هەیە بۆ ماوەی 45 ڕۆژی تر كارەبا و غاز لە ئێران بكڕێت.

ئەمڕۆ چوار شەممە، بەرپرسێكی عیراقی بە ئاژانسی (فرانس پرێس)ی ڕاگەیاند، “واشنتن بەپێی چەند مەرجێكی توند، ماوەی هاوردەكردنی كارەبا و غازی ئێرانی بۆ عیراق درێژكردەوە، چونكە نایەوێت لەو بارەیەوە ئاستەنگ بۆ محەمەد تۆفیق عەللاوی، سەرۆك وەزیرانی ڕاسپێردراو دروست ببێت”.

لە ساڵی 2018وە واشنتن سزای توندی بەسەر كەرتی وزەی ئێرانیدا سەپاندووە، هەڕەشەی لەو وڵاتانەش كردووە، كە لەو بوارەدا مامەڵە لەگەڵ تاراندا دەكەن، بەڵام بۆ چەند ماوەیەك، كە بە 45 ڕۆژ دەستیپێكرد و پاشان گەیشتە 90 ڕۆژ بۆ 120 ڕۆژ، عیراقی لەو ڕووەوە لە مامەڵەكردن لەگەڵ ئێراندا بەخشی.

بەپێی كەناڵی (الحرە)، ویلایەتە یەكگرتووەكان بەردەوام داوا لە عیراق دەكات، لەڕێی كۆمپانیا ئەمریكاییەكانەوە بۆ هاوردەكردنی غازی پێویست لەپێناو كارپێكردنی وێستگەكانی كارەبا و باشتركردنی تواناكانی گەیاندنی وزە بە ماڵان، لە ئێران دووربكەوێتەوە.

عێراق

لە عیراق و هەرێم بەرزترین ژمارەی چاكبوونەوە لە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق ئاشكرای دەكات، 2834 حاڵەتی نوێی تووشبوون بە ڤایرۆسی كۆرۆنا تۆماركراوە و 2339 كەسیش چاكبوونەتەوە و هاوكات 77 كەسیش گیانیان لەدەستداوە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 16 هەزار و 531 پشكنینی تایبەت بە كۆرۆنا ئەنجام دراوە و دەركەوتووە 2834 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هاوكات لە سلێمانی 56 و هەولێر 218 و دهۆك 83 و كەركوك 75 حاڵەت تۆماركراوە.

ڕوونیشی كردۆتەوە، كە 2339 تووشبوو بە پەتاكە چاكبوونەتەوە، كە زۆرینەیان لە بەغدا بوون و هاوكات لە سلێمانی 54 كەس و هەولێر 84 و كەركوك 57 كەس چاكبوونەوە.

ڕاشیگەیاندووە، كە 77 كەس بە ڤایرۆسەكە گیانیان لەدەستداوە و بەوەش كۆی گشتی مردووان گەیشتۆتە 5 هەزار و 94 كەس.

بەردەوام بە لە خوێندنەوە

عێراق

بەرپرسێكی باڵای نووسینگەی سیستانی تووشی كۆرۆنا بووە

خەڵك – بەشی هەواڵ
بەرپرسێكی باڵای نووسینگەی عەلی سیستانیی گەورە مەرجەعی شیعەكانی عیراق تووشی كۆرۆنا بووە.

ئەمڕۆ چوار شەممە، ماڵپەڕی شەفەق نیوز لە زاری سەرچاوەیەكی شاری نەجەفەوە بڵاویكردەوە، محەمەد حسێن عەمیدی، بەرپرسی نوێنەرە بڕواپێكراوەكانی عەلی سیستانی تووشی ڤایرۆسی كۆرۆنا بووە.

ڕوونیشیكردەوە، دۆخی تەندروستی عەمیدی جێگیرە، كە هاوكات مامۆستای حەوزەی عیلمییە لە نەجەف.

پێشتریش جەواد شەهرستانی زاوا و وەكیلی گشتیی سیستانی لە ئێران، تووشی كۆرۆنا ببوو، بەڵام تا ئێستا هیچ زانیارییەك سەبارەت بە ئەگەری تووشبوونی گەورە مەرجەعی شیعەكان بە پەتاكە بڵاونەكراوەتەوە.

بەردەوام بە لە خوێندنەوە

عێراق

10 هاووڵاتی عیراقی لە نێو قوربانییانی تەقینەوەكانی لوبناندان

خەڵك – بەشی هەواڵ
ئەمڕۆ چوار شەممە مانگی سووری عیراقی ڕایگەیاند كە 10 هاووڵاتی عیراقی لە نێو قوربانییانی تەقینەوەكانی بەیروتی پایتەختی لوبناندان كە دوێنێ لە بەندەرێكی شارەكە ڕوویدا.

بە پێی ڕاگەیەندراوێكی ڕێكخراوەكە، 10 هاووڵاتی عێراقی لە تەقینەوەكاندا بیرندار بوون و ڕوونیشیكردەوە كە باری تەندروستی زۆربەیان جێگیرە.

لەلایەكی دیكەشەوە مستەفا كازمی سەرۆك وەزیرانی عیراق پەیوەندییەكی تەلەفۆنی لەگەڵ حەسان دیاب سەرۆك وەزیرانی لوبنان ئەنجام دا و بە هۆی تەقینەوەكانەوە سەرەخۆشی لێكرد.

هاوكات بڕیاریشی دا بە فڕۆكەیەك هاوكاری پزیشكی بەپەلە بگەیەنێتە لوبنان.

بەردەوام بە لە خوێندنەوە

کوردستان