ئێمە لە تۆرە کۆمەڵایەتیەکان

ژینگە

ئەیاد عەللاوی: ژنان دەتانتۆقێنن

خەڵك- بەشی هەواڵ
ئەیاد عەللاوی، سەرۆكی هاوپەیمانی وتەنیە ڕایدەگەیەنێت، ئەوەی ڕووبەڕووی ژنە چالاكوانەكان دەبێتەوە، دەبێتە هاندەرێك بۆ بەردەوامبوونی بزاوتنەكە و دەڵێت: “وەك چۆن خوێندكارانی عیراق تووشی تۆقاندنیان كردن، بە هەمان شێوە ژنانیش دەتانتۆقێنن”.

عەللاوی لە تویتێكیدا لەسەر تۆڕی كۆمەڵایەتی (تویتەر) ڕایگەیاندووە، “ئەی لە پیاوچووەكان، ناپیاوان، خۆتان بەسەر ژناندا هەڵدەكێشن و دەستدرێژی دەكەن، ئەی تاوانباران”.

بە وتەی عەللاوی، “خوێنی سارە تاڵب، هودا خزەیر، زەهرا قەرەلوسی، سەبا مەهداوی و چالاكوانانی تر بەهەدەر ناڕۆن و هاندەر دەبن بۆ بەردەوامبوونی بزاوتنەكە، وەك چۆن خوێندكارانی نەبەردی عیراق تووشی تۆقاندنیان كردن، بە هەمان شێوە ژنانی شكۆمەندیش دەتانتۆقێنن، سبەینێش بۆ ئەوی چاوەڕێ‌ بێت نزیكە”.

پێشتر عەللاوی ڕایگەیاندبوو، “گرووپە لە یاسا دەرچووەكان، چەقۆیان لە ژنێكی خۆپیشاندەر وەشاندووە و بەبێ‌ ئەوەی كەس ڕێگەیان لێبگرێت، هەڕەشە دەكەن”.

ژینگە

كەشناسی: لە هەندێك ناوچە باران دەبارێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ چوار شەممە ئاسمان ساماڵ دەبێت و پەڵە هەوریش دەردەكەوێت و لە دهۆكیش ئەگەری بارینی نمە باران بەتایبەت لە ناوچە شاخاوییەكان.

هەر بەپێی پێشبینییەكان، سبەینێ پێنج شەممە، هەیە ئاسمان ساماڵ دەبێت و پاشان دەگۆڕێت بۆ نیمچە هەور و پلەكانی گەرماش بەرز دەبنەوە.

بەردەوام بە لە خوێندنەوە

ژینگە

باران بارین لە هەرێمی كوردستان دەستپێدەكات

خەڵك- بەشی هەواڵ
سەرەڕای ئەوەی نزیكەی یەك مانگ و نیوی ماوە بۆ وەرزی پاییز، بەڵام بەپێی پێشبینییە كەشناسییەكان سبەینێ‌ لە چەند ناوچەیەكی هەرێم باران دەبارێت.

بەپێی ڕاپۆرتێكی كەشناسی هەرێم، سبەینێ چوار شەممە، ئاسمان ساماڵ دەبێت و پەڵە هەوریش دەردەكەوێت و لە دهۆكیش ئەگەری بارینی نمە باران بەتایبەت لە ناوچە شاخاوییەكان هەیە و پلەكانی گەرماش نزم دەبنەوە.

لای خۆشیەوە، محەمەد كەمال، شارەزای كەشناسی بۆ (خەڵك) ئاماژەی بەوەكرد، پێشبیینی دەكرێ سبەینێ‌ بەهۆی كاریگەری نزمە پەستانێكی لاواز لەسەر ناوچەكانی كوردستانی باكور و داخڵ بوونی بەشێكی هەورەكە و درووست بوونی هەوری ناوخۆیی لە ناوچە شاخاویەكانی هەردوو پارێزگای هەولێر و دهۆك ئەگەری بڕێك باران و هەورە تریشقە هەیە.

ڕاشیگەیاند، پلەكانی گەرما لەسەرجەم ناوچەكان بەبڕی جیاواز دادەبەزن و دواتر بەچەند پلەیەكی كەم بەرزدەبنەوە.

بەردەوام بە لە خوێندنەوە

ژینگە

كەشناسی: لە هەندێك ناوچە باران دەبارێت و پلەكانی گەرماش نزم دەبنەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما نزم دەبنەوە.

بەپێی پێشبینییەكانی كەشناسی، ئەمڕۆ سێ شەممە ئاسمان ساماڵ دەبێت و پاشان دەگۆڕێت بۆ نیمچە هەور.

هەر بەپێی پێشبینییەكان، سبەینێ چوار شەممە، ئاسمان ساماڵ دەبێت و پەڵە هەوریش دەردەكەوێت و لە دهۆكیش ئەگەری بارینی نمە باران بەتایبەت لە ناوچە شاخاوییەكان هەیە و پلەكانی گەرماش نزم دەبنەوە.

بەردەوام بە لە خوێندنەوە

کوردستان