ئێمە لە تۆرە کۆمەڵایەتیەکان

کوردستان

حكومەتی هەرێم خزمەتگوزاری ستییەكان لە كۆمپانیاكان وەردەگرێتەوە


خەڵك- بەشی هەواڵ

وەزارەتی شارەوانی و گەشتوگوزار لە ڕاگەیەندراوێكدا ئاشكرای كرد، كە پێشكەشكردنی خزمەتگوزاری لە گوندە مۆدێرنەكاندا”ستییەكان” لە كۆمپانیاكان وەردەگیرێتەوە و ڕاستەوخۆ لەلایەن حكومەتەوە سەرپەرشتی دەكرێت.

دەقی ڕاگەیەندراوەكە:

وەزارەتی شارەوانی و گەشتوگوزار خزمەتگوزاریی پێشكەش بە كۆمەڵگە و گوندە هاوچەرخەكان دەكات

لەمەودوا پێشكەشكردنی خزمەتگوزارییە جۆراوجۆرەكان لە كۆمەڵگە و گوندە هاوچەرخەكانی نیشتەجێبوون كە بە ستییەكان ناسراون لە كەرتی تایبەت و و وەبەرهێنەرەكان وەردەگیرێتەوە و لەلایەن فەرمانگەكانی سەر بە وەزارەتی شارەوانی و گەشتوگوزارەوە بەڕێوە دەبرێن، ئەمەش لە بەرژەوەندیی هاووڵاتییانی نیشتەجێی ئەو كۆمەڵگە هاوچەرخانەیە كە گلەییان لە نرخ و ئاستی خزمەتگوزارییەكان هەیە.

ئەو خزمەتگوزارییانەی لە كەرتی تایبەت وەردەگیرێنەوە و دەدرێنە فەرمانگەكانی سەر بە وەزارەتی شارەوانی و گەشتوگوزار، تەواوی سێكتەرەكانی دابینكردنی ئاو، كارەبا، پاككردنەوە و سەرپەرشتی باخچەكانیش دەگرێتەوە، جگە لە پاسەوانی كە وەك خۆی دەمێنێتەوە.

ئەو بڕیارەی حكوومەتی هەرێمی كوردستان لەوەوە سەرچاوەی گرتووە پێشكەشكردنی خزمەتگوزارییەكان لە بەرژەوەندیی هاووڵاتییان بكەوێتەوە بەوەی ناكرێت دانیشتووانی ئەو كۆمەڵگە نوێیانە (ستییەكان) بە پارەیەكی زیاتر خزمەتگوزارییان بۆ دابین بكرێت، بۆیە حكوومەت بڕیاری داوە وەزارەتی شارەوانی و گەشتوگوزار خۆی سەرپەرشتی پێشكەشكردنی خزمەتگوزارییە جۆراوجۆرەكان لەو كۆمەڵگە نیشتەجێیانە بكات وەك هەر شار و شارۆچكە و گەڕەكەكانی دیكە. هاووڵاتییانی دانیشتووی ئەو كۆمەڵگە نوێیانەش پێشوازی لە بڕیاری وەرگرتنەوەی خزمەتگوزارییەكان لە كەرتی تایبەتەوە بۆ ژێر چاودێری و سەرپەرشتی فەرمانگەكانی شارەوانی دەكەن.

کوردستان

میترۆ: لە شەش مانگی ڕابردوودا 98 پێشێلكاری بەرامبەر ڕۆژنامەنووس و دەزگای ڕاگەیاندن تۆماركراوە


خەڵك – بەشی هەواڵ

سەنتەری میترۆ ئامارەكانی شەش مانگی پێشێلكاری بەرامبەر ئازادیی ڕۆژنامەنووسی لەهەرێمی كوردستان بڵاوكردەوە.

سەنتەری میترۆ لە ئامارەكەیدا ڕوونیكردووەتەوە: لە شەش مانگی ڕابردوودا لە 1ی كانوونی دووەم بۆ 30 حوزەیرانی 2020 سەنتەری میترۆ (98) جۆری پێشێلكاری بەرامبەر (72) ڕۆژنامەنووس و دەزگای ڕاگەیاندن تۆمار كردووە، لە ناویاندا (5) ڕۆژنامەنوسی ژن بوون. بەم شێوەیە:

(53) حاڵەتی ڕێگری لە ڕووماڵكردن

(5) حاڵەتی هەڕەشە

(7) حاڵەتی دەستبەسەركردن لە دەرەوەی چوارچێوەی یاسای ڕۆژنامەگەری

(8) هێرش و لێدان

(9) حاڵەتی دەستبەسەركردن بە بێ فەرمانی دادگا

(11) حاڵەتی دەستبەسەركردنی شكاندنی كەلوپەلی ڕۆژنامەنووسان

(3) هێرشی ئەلكترۆنی

(2) كەیسی هەراسانكردنی كچان و ژنانی لەناو دەزگاكانی میدیا

بەردەوام بە لە خوێندنەوە

کوردستان

وتەبێژی تەندروستی سلێمانی كۆرۆنای تێپەڕاند


خەڵك – بەشی هەواڵ

د.یاد نەقشبەندی وتەبێژی بەڕێوەبەرایەتی گشتی تەندروستی سلێمانی لە هەژماری تایبەتی خۆی لە تۆڕی كۆمەڵایەتی فەیسبوك نووسیویەتی:”خۆشبەختانە دوای 14 ڕۆژ كەرەنتینە و وەرگرتنی چارەسەر و جێبەجێكردنی ڕێنماییە تەندروستییەكان، كەمێك پێش ئێستا ئەنجامی پشكنینەكەم نێگەتیڤ بوو، واتە كۆرۆنام تێپەڕاند”.

ئاماژەی بەوەشداوە:” زۆرینەی حاڵەتەكانی كۆرۆنا بێ نیشانەن یا نیشانەی مام ناوەندیان هەیە وەك من، هەروەها ئەو زۆرینەیەی وەك منن تەنها بە وەرگرتنی چارەسەری زۆر سادە، ئیسراحەتكردن، خۆ كەرەنتینەكردن، خواردنی میوە و خواردنەوەی ئاو و دووركەوتنەوە لە دڵەڕاوكێ و جێبەجێكردنی ڕێنمایی پزیشكان سەردەكەون بەسەر كۆرۆنادا وەك بەندە”.

 

دەقی نووسینەكەی د.یاد نەقشبەندی:

سوپاس بۆخوا و سوپاس بۆهەمووان كۆرۆنام تێپەڕاند

هاووڵاتیانی خۆشەویست پاش 14 ڕۆژ كەرەنتینە و وەرگرتنی چارەسەر و جێبەجێكردنی ڕێنماییە تەندروستییەكان، كەمێك پێش ئێستا ئەنجامی پشكنینەكەم نێگەتیڤ بوو، واتە كۆرۆنام تێپەڕاند، پێم خۆشە لێرەوە سوپاسی هەموو ئەو كەس و لایەنە سیاسی و حزبی و حكومیانە بكەم بۆ هەواڵ پرسینتان گەورەتان كڕدم و گەرموگوڕترتان كردم لەخزمەتكردن.

لەم چەند خاڵەدا پەیامێك بدەم بە هاووڵاتیان وەك چاك بووەوەیەكی كۆرۆنا :

١. زۆرینەی حاڵەتەكانی كۆرۆنا بێ نیشانەن یا نیشانەی مام ناوەندیان هەیە وەك من.

۲. ئەو زۆڕینەیەی وەك منن تەنها بە وەرگڕتنی چارەسەری زۆر سادە، ئیسڕاحەتكردن، خۆ كەرەنتینەكردن، خواردنی میوە و خواردنەوەی ئاو، وە دووركەوتنەوە لە دڵەڕاوكێ و جێبەجێكردنی ڕێنمايی پزیشكان سەردەكەون بەسەر كۆرۆنادا وەك بەندە.

لە كۆتای هیوام لەشساغی و تەندوستیەكی باشە بۆ هەموو لایەك، وە هیوای زوو چاك بوونەوە بۆ هەموان دەخوازم تەنها پابەندی ڕێنمایيە تەندوستیيەكان بین بەكەمتین زیان كۆرۆنا تێدەپەڕێنین.

د.یاد نەقشبەندی
وتەبێژی بەڕێوبەرایەتی گشتی تەندوستی سلێمانی

بەردەوام بە لە خوێندنەوە

کوردستان

چوارتا.. بەهۆی تەقینەوەی گوللە تۆپێك هاووڵاتییەك گیانی لەدەستدا


خەڵك – بەشی هەواڵ

لە شارەدێی چوارتای سەر بە پارێزگای سلێمانی گوللە تۆپێك بە هاووڵاتییەكدا تەقییەوە و دەستبەجێ‌ گیانی لەدەستدا.

بەپێی زانیارییەكانی (تۆڕی میدیای خەڵك)، هاووڵاتییەكە ناوی (ع.ع. بارەیی)یە و پیاوێكی گەنجە و دەستكاری گوللە تۆپەكەی كردووە و پێیدا تەقیوەتەوە.

بەردەوام بە لە خوێندنەوە

کوردستان