ئێمە لە تۆرە کۆمەڵایەتیەکان

کوردستان

كەسێك بە تۆمەتی ساختەكردنی ئاوی ڕادێتەر دەستگیر دەكرێت

خەڵك- بەشی هەواڵ

ئاسایشی سلێمانی كەسێك بە تۆمەتی ساختەكردنی ئاوی ڕادێتەری ئۆتۆمبێل دەستگیردەكات، كە بڕێكیشی لەبازاڕدا ساغكردۆتەوە.

بەپێی ڕاگەیەنراوێكی ئاسایشی سلێمانی، كە وێنەی دراوە بە (خەڵك) “هێزەكانمان توانیان بەهاوبەشی لیژنە هاوبەشەكانی قائیمقامیەتی سلێمانی لەڕۆژی 10/2/2020 كەسێك دەستگیر بكەن بەناوی ( ك ، ح ، ڕ ) ،لەگەڕەكی كازیوەی شاری سلێمانی، كە ئاوی ڕادێتەری ئۆتۆمبێلی ساختەكردبوو”.

هەر لە ڕاگەیەنراوەكەدا هاتووە، “ئەو كەسە ژێر زەمینی خانوویەكی كردوە بەكارگەی دروستكردنی ئاوی ڕادێتەر و ئاوی فڵچەی ئۆتۆمبێل بەشێوەیەكی ساختە و كردویەتیە ناو دەبەی پێنج لیتری و باركۆدی و لەزگەی ساختەی لێداوە و خستویەتیە كارتۆن و پێچاویەتیەوە”.

ئاسایش سلێمانی دەڵێت: “لەكاتی پشكنینی ژێرزەمینەكەدا دەستگیرا بەسەر بڕی ( 50) كارتۆن ئاوی ڕادێتەری پێنج لتری و (3) كارتۆن ئاوی فڵچەی ئۆتۆمبێل و چەندین كارتۆنی بەتاڵ و دەبە و لەزگە و باركۆد دا، خاوەنەكەشی ڕوبەڕوی یاسا كرایەوە و كۆگاكەی بەبڕیاری لیژنە هاوبەشەكانی قائیمقامیەتی سلێمانی داخرا”.

جەختیشی كردۆتەوە، كە پێش ئەوەی كەسەكە دەستگیر بكرێت و دەست بەسەر كەلوپەلەكانیدا بگیرێت بڕێكی لەو مەوادە ساختەیەی لەبازاڕدا ساغ كردۆتەوە”.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان