ئێمە لە تۆرە کۆمەڵایەتیەکان

ئابوری

وەزیری كشتوكاڵی هەرێم وردەكاری سەردانەكەی بۆ بەغدا ئاشكراكرد

خەڵك – بەشی هەواڵ
وەزیری كشتوكاڵی حكومەتی هەرێم ڕایدەگەیەنێت، لە سەردانمان بۆ بەغدا گفتوگۆمان لەبارەی شایستە داراییەكانی جوتیاران كرد و دەشڵێت: ” لەگەڵ وەزیری سەرچاوە ئاويیەكانی عیراق باسمان لە دروستكردنی بەنداوی گەورە كرد لە هەرێمی كوردستان”.

بێگەرد تاڵەبانی، وەزیری كشتوكاڵی حكومەتی هەرێم لە كۆنگرەیەكی ڕۆژنامەوانیدا ڕایگەیاند، لەسەردانەكەمان بۆ بەغدا لەگەڵ بەرهەم ساڵح، سەرۆككۆماری عیراق، جێگری سەرۆك وەزیران، وەزیری كشتوكاڵ و وەزیری سەرچاوە ئاوییەكانی عیراق كۆبوونەوە و دیدارمان تایبەت بە شایستە داراییەكانی جوتیاران ئەنجامدا.

وتیشی ،” لەگەڵ وەزیری سەرچاوە ئاوییەكانی عیراق باسمان لە دروستكردنی ژمارەیەك لە بەنداوی گەورە و بچوك كرد لە هەرێم ، لەگەڵ هەماهەنگی هەردوولا بۆ بەڕێوەبردنی ئەو بەنداوانە، دروستكردنی بەنداو سوودی بۆ هەرێم و بەغداش دەبێت”.

ڕاشیگەیاند، دەربارەی ڕادەستكردنی گەنم، جوتیاران ڕێكارەكانی پێویستیان جێبەجێكردووە، بۆیە مافی ڕەوای خۆیانە پارەكانیان وەربگرن، هەروەها گفتوگۆمان كرد لەسەر كێشەكانی كەرتی كشتوكاڵ و ئاو هەروەها ئەو دوو لێك تێگەیشتنەی لەنێوان ئێمە و وەزارەتی كشتوكاڵ و سەرچاوە ئاووییەك وێنەیەكی دەدرێتە سەرۆك كۆمار بۆ چاودێری كردنی .

ئاماژەی بۆ ئەوەشكرد، بڕیار درا لیژنەیەكی باڵا لەنێوان هەردوولا دروست بكرێت بۆ گفتوگۆ و چارەسەركردنی كێشەكان.

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

ئابوری

ئاڵوگۆڕی بازرگانی عیراق و ئێران دەگاتە 20 ملیار دۆلار

خەڵك – بەشی هەواڵ
ئیرەج مەسجیدی باڵیۆزی ئێرنا لە بەغدا دوای دیدارێكی لەگەڵ ئەحمەد حسێن وەزیری بازرگانی عیراق ڕایگەیاند ئاسی ئاڵوگۆڕی بازرگانی نێوان هەردوو وڵات بۆ 20 ملیار دۆلار بەرزدەكرێتەوە.

لە دیدارەكەدا وەزیری بازرگانی عیراق و باڵیۆزی ئێران باسیان لە پرسی چۆنێتی پێدانی كرێی هاوردەكردنی كارەبا و غازی ئێران كرد كە تاران خوازیارە بە دۆلاری ئەمریكی بێت.

بەڵام تا ئێستا عیراق لە پێناو خۆپاراستن لە سزاكانی ئەمریكا، ئامادە نییە ئەو داواكارییەی ئێران جێبەجێ بكات.

پێشتر ئەمریكا هۆشداری دابوو لەوەی هەر وڵاتێك بە دۆلار مامەڵە لەگەڵ ئێران بكات، ڕووبەڕووی سزای واشنتۆن دەبێتەوە.

بەردەوام بە لە خوێندنەوە

کوردستان