ئێمە لە تۆرە کۆمەڵایەتیەکان

کوردستان

دوو كاتژمێر كارەبای نیشتمانی كەمدەبێتەوە

خەڵك – بەشی هەواڵ
قائیمقامی چەمچەماڵ ڕایدەگەیەنێت، ئەو دوو كاتژمێر كارەبایەی لە شارەكە كەمكراوەتەوە لە پشكی گشتی پارێزگای سلێمانیە و پشكی ٥۰ مێگاواتی چەمچەماڵ بەهیچ شێوەیەك كەم نەكراوەتەوە، دڵنیایش دەداتە هاوڵاتیان.

قائیمقامی چەمچەماڵ لە ڕوونكردنەوەیەكدا، كە وێنەیەكی دەست (خەڵك) كەوتووە ڕایگەیاندووە، دوای ئەوەی ساڵی ڕابردوو لەسەر داوای هاوڵاتیان و بەهەوڵی قائیمقامی چەمچەماڵ لە ڕێگای جێگری سەرۆكی حكومەت و بریكاری وەزارەتی كارەباوە توانرا ٥۰ مێگاوات كارەبا بۆ چەمچەماڵ زیاد بكرێت، لە ئێستادا بۆ ماوەی دوو كاتژمێر كارەبای چەمچەماڵ كەم كراوەتەوە.

دەشڵێت: “قائیمقامی چەمچەماڵ بەدواداچوونی لە ڕێگای وەزارەتی كارەباوە كردووە و دڵنیا كرایەوە، كە پشكی ٥۰ مێگاواتی چەمچەماڵ بەهیچ شێوەیەك كەم نەكراوەتەوە”.

هاوكات ئەردەڵان محەمەد، بەڕێوەبەری كارەبای چەمچەماڵ لە لێدوانێكی ڕۆژنامەوانیدا ڕایگەیاندووە، چەمچەماڵ كارەبای گشتی لە سلێمانیەوە وەردەگرێت و لە هەمان كاتدا ٥۰ مێگاوات كارەبای دیكەی پێدراوە، ئەو كارەبایەی، كە كەمكراوەتەوە لە پشكی گشتی پارێزگای سلێمانیە.

ئاشكراشی كردووە، هۆكاری كەمبوونەوەی دوو كاتژمێر كارەبا بەهۆی گەرماوەیە، كە تۆرباینەكان بڕی بەرهەمیان دادەبەزێت و هاوكات زۆری خواست لەسەر كارەبا هۆكارێكی دیكە كەمبوونەوەیە، بەڵام بەهیچ شێوەیەك پشكی ٥۰ مێگاوات كارەبای چەمچەماڵ كەم نەكراوەتەوە.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان