ئێمە لە تۆرە کۆمەڵایەتیەکان

کوردستان

كۆمەڵ: قەیرانی غاز درووستكراوە و پەیوەندی بە ململانێی كۆمپانیا حزبیەكانی دەسەڵاتەوە هەیە

خەڵك-بەشی هەواڵ

فراكسیۆنی كۆمەڵی ئیسلامی ڕایدەگەیەنێت، حكومەتی هەرێم بەرپرسیارە لەگرانبوونی غاز.

فراكسیۆنی كۆمەڵی ئیسلامی لە پەڕلەمانی كوردستان لە ڕاگەیەنراوێكدا كە بەبۆنەی قەیرانی غاز لە هەرێمی كوردستان بڵاویناكردووەتەوە ئاماژە بۆ ئەوە دەكات، دەربارەی ئەو قەیرانەی غاز كە لەم چەند ڕۆژەدا سەریهەڵدا، كێشەیەكی درووستكراوە كەپەیوەندی بە ململانێی كۆمپانیا حزبیەكانی دەسەڵاتەوە هەیە لەسەر دەستبەسەراگرتنی تەندەرەكانی گواستنەوە و فرۆشتنی غازو كۆندێسێت لە داناغازەوە بۆ شارەكانی هەرێم، بەداخەوە دەستڕۆیشتوو دەزگای ئەمنی و هێزی چەكدار لەپشت هەڕەشەو هەڵكوتانە سەر كۆمپانیاو تەقەكردن لەتەنكەرەكانی گواستنەوەی غازن.

ڕوونیشیدەكاتەوە، ئەركی حكومەتی هەرێم و وەزارەتی سامانەسروشتیەكانە پێداچوونەوە بەپڕۆسەی تەندەرین و گواستنەوەی بەرهەمەكانی سووتەمەنی بكات، بەجۆرێك كە دەستی حزبی و تەداخولاتی ئەم و ئەو ببڕێ لەیاریكردن بەپێداویستی ڕۆژانەی خەڵك لە غاز.

ئاشكراشیدەكات، ناكرێت ساڵانە لەم وەرزەدا نرخی غاز گران ببێ لەشارەكانی هەرێمی كوردستان و بە بەهانەی ناوچەگەریش گرفت بۆ گەیاندنی غاز دروست بكرێت، ئەركی وەزارەتی ناوخۆیە تەنكەرەكانی گواستنەوە بە لیوای نەوت و غاز بپارێزێ و چەكداری ئەملاولا دووربخرێتەوەو هەركەس لەدەرەوەی یاسا مامەڵەی كرد، سزا بدرێت و ڕێگە نەدرێت كەس پشكی حزب و سەرانە بدات، باجەكەشی بكەوێتە سەر خەڵكی كوردستان.

کوردستان

شەنگال.. ئۆتۆمبێلێكی بۆمبڕێژكراو تەقییەوە

خەڵك – بەشی هەواڵ

ئۆتۆمبێلێكی بۆمبڕێژكراو لە باكووری شەنگال تەقییەوە.

بەپێی زانیارییەكان، كاتژمێر 9:30 خولەكی‌ ئەمشەو ئۆتۆمبێلێكی بۆمبڕێژكراو لەجۆری ئۆپڵ لە باكووری شەنگال تەقییەوە.

تەقینەوەكە كیلۆمەترێك لە مەزارگەی شێخ شەرەفەدین دوورە و تا ئێستا زیانەكانی ئەو تەقینەوەیە ئاشكرا نەكراوە.

پاش ڕووداوەكەش هێزە ئەمنییەكان گەیشتوونەتە ناوچەكە و لێكۆڵینەوە لە ڕووداوەكە دەستیپێكردووە.

بەردەوام بە لە خوێندنەوە

کوردستان

سلێمانی.. مامۆستایانی ناڕازی و ئەنجومەنی فشار و مامۆستایانی زانكۆ هەڵوێست ڕادەگەیەنن

خەڵك – بەشی هەواڵ

مامۆستایانی ناڕازی و ئەنجومەنی فشار و مامۆستایانی زانكۆ و پەیمانگاكان لە ئاگادارینامەیەكدا ڕایدەگەیەنن، سبەینێ‌ دووشەممە ڕێكەوتی 21/9/2020 كاتژمێر 11ی پێش نیوەڕۆ لە بەردەم پەروەردەی ڕۆژئاوا، ئەنجومەنی فشار، مامۆستایانی ناڕازی، مامۆستایانی زانكۆ و پەیمانگاكان، بەیەكەوە لەكۆنگرەیەكی ڕۆژنامەوانیدا هەڵوێستی هاوبەش ڕادەگەیەنن.

مامۆستا دڵشاد بابانی ئەندامی ئەنجومەنی فشار بە (تۆڕی میدیایی خەڵك)ی ڕاگەیاند، سبەینێ‌ لەو كۆنفڕانسە ڕۆژنامەوانییەدا ڕاگەیەنراوێكدا بۆ ڕای گشتی بڵاودەكەنەوە لە هەمان كاتدا چەند داواكارییەك دەخەنەڕوو.

مامۆستا دڵشاد بابانی وتیشی، لەو كۆنفڕانسە ڕۆژنامەوانییەدا بە هەماهەنگی لەگەڵ مامۆستایانی ناڕازی و مامۆستایانی زانكۆ و پەیمانگاكان وادەی ئەنجامدانی خۆپیشاندانی سەرتاسەری ڕادەگەیەنن.

بەردەوام بە لە خوێندنەوە

کوردستان

هاوسەری جەعفەر شێخ مستەفا جێگری سەرۆكی هەرێم كۆچی دوایی كرد

خەڵك – بەشی هەواڵ

كەمێك پێش ئێستا پرشنگ ڕەشید عەبدولكەریم خێزانی شێخ جەعفەر شێخ مستەفا جێگری سەرۆكی هەرێمی كوردستان كۆچی دوایی كرد.

بەردەوام بە لە خوێندنەوە

کوردستان