ئێمە لە تۆرە کۆمەڵایەتیەکان

عێراق

سەرۆك كۆمارى عيراق لەگەڵ فەرماندەی ناوەندی هێزەكانی ئەمریكا كۆبووەوە

خەڵك – بەشی هەواڵ

سەرۆك كۆماری عیراق ئەمڕۆ سێ شەممە ٢٠٢٠/٢/٤ لەگەڵ ژەنڕاڵ كینیس ماكنزی فەرماندەی ناوەندی هێزەكانی ئەمریكا.

نووسینگەی ڕۆژنامەوانی سەرۆكایەتی كۆمار بڵاویكرددەوە، لە كۆبوونەوەكەدا سەرۆك كۆمار جەختی لە گرنگی بەرەوپێشبردنی پەیوەندی دۆستانەی نێوان هەردوو وڵات و هەماهەنگی و هاریكاری هاوبەش لە بواری بەگژداچوونەوەی تیرۆردا كردەوە، هاوكات دووپاتی لە بەدوورگرتنی عیراق لە بوونی بە گۆڕەپانێك بۆ ململانێ و ناكۆكییەكانی ناوچەكە و جیهاندا كردەوە.

سەرۆك كۆمار ئاماژەی بەوەشكردووە:”هەوڵی بەستنی پەیوەندییەكی هاوسەنگ لەگەڵ هەموو لایەكدا دەدات و هیچ بەرژەوەندییەكمان لە تێوەگلان لە ململانێكاندا نییە”.

هەر لە كۆبوونەوەكەدا تیشك خراوەتە سەر بڕیاری ئەنجومەنی نوێنەران سەبارەت بەكشانەوەی هێزە بیانییەكان و دووپاتیش لەگرنگی ڕێزگرتن لە سەروەری نیشتمانی عیراق و بڕیاری سەربەخۆیی لە پاراستنی ئاسایش و سەقامگیریدا كراوەتەوە.

لایخۆیەوە، ژەنڕاڵ كینیس ماكنزی جەختی لە پەرۆشی وڵاتەكەی بۆ بەردەوامی هاریكاری هاوبەش لە دژی تیرۆر و پشتیوانی لە بەرزكردنەوەی توانای هێزە ئەمنییەكان و مەشقپێكردن و بەهێزكردنی ئاسایش و سەقامگیری لە عیراقدا كردووەتەوە.

ك.ج

عێراق

پەرلەمانی عیراق کۆدەبێتەوە

 

 

خەڵک – بەشی هەواڵ

 

بڕیارە نیوەڕۆی ئەمڕۆ شەممە پەرلەمانی عیراق کۆببێتەوە.

 

نیوەڕۆی ئەمڕۆ کاتژمێر ١٢ پەرلەمانی عیراق کۆدەبێتەوە و بڕیارە خوێندنەوە بۆ چەند پڕۆژە یاسایەک بکرێن.

 

لەکۆبوونەوەی ئەمڕۆی پەرلەمانی عیراقدا بڕیارە گفتوگۆ لەبارەى ژمارەیەک پڕۆژەیاسایەک بکرێت، لەوانە: خوێندنەوەی یەکەم بۆ پڕۆژە یاساکانی هەموارکردنی یاسای دادگای تاوانەکانی عێراق، پڕۆژەیاسای دەستەی نیشتمانیی چاودێری ئەتۆمی، تیشکی، کیمیایی و بایەلۆجی، پڕۆژەیاسای پەیوەندیکردنی عیراق بە ڕێککەوتننامەی نێودەوڵەتی هێڵی بار، پڕۆژە یاسای پەیوەندیکردنی عیراق بە پرۆتۆکۆڵی ئامادەکاریی و بەرپەرچدانەوە و هاوکار لەبارەی پیسبوون بە ماددەی ترسناک و زیانمەندی گشتی و چەند پڕۆژە یاسایەکی دیکە.

 

 

بەردەوام بە لە خوێندنەوە

عێراق

ئێران: پێویستە عیراق گیانی دیپلۆماتكارەكانمان بپارێزێت

خەڵك – بەشی هەواڵ

وتەبێژی وەزارەتی دەرەوەی ئێران ڕایدەگەیەنێت: هێرش و پێشێلكارییەكان دژ بەهاووڵاتیانی ئێران لە عیراق بەشێوەیەكی بەرچاو زیادیكردووە.

سەعید خەتیب زادە وتەبێژی وەزارەتی دەرەوەی ئێران لە كۆنفڕانسێكی ڕۆژنامەوانیدا ئیدانەی ئەو هێرشانەی كرد كە لە بەغدای پایتەختی عیراق دەكرێنە سەر دیپلۆماتكار و كەسانی بیانی بەتایبەت ئێرانییەكان.

وتەبێژی وەزارەتی دەرەوەی ئێران ئاماژەی بەوەشدا، هێرش و پێشێلكارییەكان دژ بەهاووڵاتیانی ئێران لەو وڵاتە بەشێوەیەكی بەرچاو زیادیكردووە.

سەعید خەتیب زادە داواشیكرد، حكومەتی عیراق ئاسایشی هاووڵاتیانیان بپارێزێت و ڕاشیگەیاند، ئەركی هێزە ئەمنییەكانی ئەو وڵاتەیە گیانی دیپلۆماتكار و كەسانی بیانی بپارێزن و ڕێكاری توند بۆ ئەو مەبەستە بگرنەبەر.

بەردەوام بە لە خوێندنەوە

عێراق

سەڵاحەدین.. بۆمبێك بەكاروانێكی لۆجیستی هاوپەیمانان تەقییەوە

خەڵك – بەشی هەواڵ

لە سنووری پارێزگای سەڵاحەدین بۆمبێك بە كاروانێكی هاوپەیمانان تەقییەوە و سەربازێكی عیراقی برینداربوو.

شانەی ئەمنی عیراق بڵاویكردەوە، لە شارۆچكەیەكی سەر بە پارێزگای سەڵاحەدین بۆمبێكی چێنراو بەكاروانێكی لۆجیستی هێزەكانی هاوپەیمانی نێودەوڵەتی دژ بە داعش تەقیوەتەوە.

شانەی ئەمنی عیراقی ئەوەشی خستووەتەڕوو: بۆمبێك بەكاروانێكی لۆجیستی هێزەكانی هاوپەیمانی نێودەوڵەتی دژ بەداعش لە شارۆچكەی ئیسحاقی لە سنووری پارێزگای سەڵاحەدین تەقیوەتەوە و بەوهۆیەوە سەربازێكی هێزەكانی سوپای عیراق برینداربووە.

بەردەوام بە لە خوێندنەوە

کوردستان