ئێمە لە تۆرە کۆمەڵایەتیەکان

ئابوری

ناوخۆی هەرێم مەرجەكانی هاوردەكردنی ئۆتۆمبێل ئاشكرادەكات

خەڵك – بەشی هەواڵ

وەزارەتی ناوخۆی حكومەتی هەرێمی كوردستان، بەپێی بەیانی ژمارە 2ی ساڵی 2020، مەرجەكانی هاوردەكردنی ئۆتۆمبێلی ڕاگەیاند.

نووسراوەكە لەلایەن بەشی كارگێڕی بەڕێوەبەرایەتی كارگێڕی و سەرچاوە مرۆییەكان لە بەڕێوەبەرایەتیی گشتی دیوانی وەزارەتەوە دەرچووە، واژۆی ڕێبەر ئەحمەد وەزیری ناوخۆی بەژمارە ژمارە 2700ی بەسەرەوەیە و لە 30/1/2020 دەرچووە، وێنەیەكی دراوەتە بەڕێوەبەرایەتی گشتی گومرگی سەر بە وەزارەتی دارایی و ئابووری.

لە نووسراوەكەدا مەرجە گشتییەكانی هاوردەكردنی ئۆتۆمبێل، هاوردەكردنی ئۆتۆمبێلی بەكارهاتوو، ئۆتۆمبێلی سفر كیلۆمەتر و سزاكانی سەرپێچیكاران ڕوونكراونەتەوە.

لە خاڵی نۆیەمی مەرجە گشتییەكانی هاوردەكردنی ئۆتۆمبێلدا هاتووە، “گشت ئەو ئۆتۆمبێلانەی بە سووتەمەنی (بەنزین، گاز، غاز و كارەبا) كاردەكەن دەهێنرێنە ژوورەوە بەپێی ڕێنماییەكان.

ئامێرەكانی كشتوكاڵی و بونیادنان تا ڕێكەوتنی 15/3/2020 لەلایەن تاقیگەكانی كوالیتی دەروازە سنوورییەكانەوە پێویستی بە بڕوانامەی (COC) نییە”.

سەبارەت بە ئۆتۆمبێلی بەكار‌هاتوو، لە خاڵی یەكەمیدا هاتووە؛ ئەو ئۆتۆمبێلانەی تا 1/1/2020 هاتوونەتە دەروازە سنوورییەكان ڕێگەیان پێدەدرێت بهێنرێنە ناو هەرێمی كوردستانەوە.

یەكێك لە مەرجەكانی هاوردەكردنی ئۆتۆمبێلی سفر كیلۆمەتریش ئەوەیە، ئەوانە ڕێگەیان پێدەدرێت هاوردە بكرێن كە كاتێك دەگەنە دەروازە سنوورییەكان نابێت لە 100 كیلۆمەتر زیاتر رۆیشتبن و بە سفر ئەژمار دەكرێن.

هەروەها هەركەسێكیش سەرپێچی بكات، لەنێوان پێنج بۆ 30 ملیۆن دینار سزا دەدرێت و لەكاتی چواربارە و چەند بارەبوونەوەی 30 ملیۆن دیناری تر دەخرێتە سەر سزاكەی.

جێی ئاماژەیە، مەرجەكانی هاوردەكردنی ئۆتۆمبێل، پاڵپشتە بە ڕێنمایی ژمارە 8ی ساڵی 2019ی تایبەت بە مەرجەكانی هاوردەكردنی ئۆتۆمبێلی بەكارهاتووە، بەپێی دەسەڵاتی دراو بە وەزیر لە یاسای وەزارەتی ناوخۆ ژمارە 6ی ساڵی 2009، پاڵپشت بە كۆنووسی هاوبەشی نێوان وەزارەتی ناوخۆ و دارایی و ئابووری.

ك.ج

ئابوری

نرخی دۆلار بەرانبەر بە دینار جێگیربوون بەخۆوەدەبینێت

خەڵك- بەشی هەواڵ
سەنتەری عیراقی بۆ ئابوری و سیاسی، ئاماژە بە جێگیربوونی نرخی دۆلار دەكات لەبەرانبەر دینار لە بۆرسە و بازاڕەكانی ناوخۆدا.

ئەمڕۆ هەینی، سەنتەری عیراقی بۆ ئابوری و سیاسی ڕایگەیاند”نرخی دۆلاری ئەمریكایی لەبەرانبەر دیناری عیراقی جێگیربوونی بەخۆوە بینیوە، لە بۆرسەی كیفاح لە بەغدا نرخی فرۆشتنی 100 دۆلار 123.500 دینارە و نرخی كڕینی 122.500 دینارە”.

ناوەندەكە دەڵێت”لە بۆسە و بازاڕەكانی دراو لە پارێزگەكان، نرخی فرۆشتنی 100 دۆلار 123.500 دینارە و نرخی كڕینی 122.500 دینارە، ئەمەش لەكاتێكدایە كە نرخی دۆلار لە بۆرسەی كیفاح و لە بۆرسە و بازاڕەكانی دراو لە پارێزگەكان، دوێنێ‌ پێنج شەممەش هەر بە هەمان نرخ مامەڵەی پێوەكراوە”.

بەردەوام بە لە خوێندنەوە

ئابوری

نرخی نەوت بەرزبۆوە

خەڵك- بەشی هەواڵ
نرخی نەوت بەهۆی بوژانەوەی داواكاریی لەسەر وزە و كەمبوونەوەی ئاستی عەمباركراوی نەوتی ئەمریكايى، ڕووی لە بەرزبوونەوە كرد.

گرێبەستە دواخراوەكانی برنت بەڕێژەی 0.55% ڕوویان لە بەرزبوونەوە كرد و نرخی بەرمیلێكی گەیشتە 42.17 دۆلار، بە هەمان شێوە گرێبەستە دواخراوەكانی نەوتی خاوی (خۆرئاوای تكساس مامناوەند) بەڕێژەی 0.6% بەرزبۆتەوە و نرخی بەرمیلێكی گەیشتە 40.55 دۆلار.

نرخی نەوت بەهۆی زیادبوونی داواكاریی و بوژانەوەی هیوای وەبەرهێنان ڕووی لە بەرزبوونەوە كردووە، وەبەرهێنەرانیش پێشبینی دەكەن هەندێك لە وڵاتان دەستبەرداریی ڕێوشوێنە توندەكانی كەرەنتینەببن، بەڵام مەترسی هاتنەبەری تەوژمی دووەمی كۆرۆنا لەئارادایە كە ڕەنگە بە هەمان شێوەی بەهاری پێشوو كاریگەریی لەسەر ئاستی داواكاریی لەسەر نەوت دروستبكات.

بەردەوام بە لە خوێندنەوە

ئابوری

سامانە سرووشتییەكان: باشترە عیراق وەك هەرێمی كوردستان بهێڵن لایەنی سەربەخۆ وردبینی لە پرسی نەوت بكات

خەڵك – بەشی هەواڵ

دوای ئەوەی وەزیری نەوتی عیراق ئاماژەی بەوەكردبوو، كەنەوتی هەرێم بەقاچاغ دەبرێت و لەئۆپیك كێشەی بۆ عیراق دروست كردووە، وەزارەتی سامانە سرووشتییەكانی هەرێم ئەو وتانە ڕەتدەكاتەوە.

وەزارەتی سامانە سرووشتییەكانی حكومەتی هەرێمی كوردستان لە ڕاگەیەنراوێكدا ڕایگەیاند:”ئامار و زانیاریی بەرهەمهێنانی نەوت لە هەرێمی كوردستان لەلایەن كۆمپانیای دیلۆیتی جیهانییەوە وردبینیی تێدا دەكرێت و بەشێوەیەكی بەردەوام بڵاودەكرێتەوە، بۆیە باشترە كە حكومەتی فیدراڵیی عیراق وردتربن لە لێدوانەكانیان، باشترە عیراقیش وەك هەرێمی كوردستان بهێڵن لایەنی سەربەخۆ وردبینی لە زانیارییەكانی تایبەت بە پرسی نەوت بكات”.

وەزارەتی سامانە سرووشتییەكان ئاماژەی بەوەشكردووە:” حكومەتی هەرێمی كوردستان دوای ڕێككەوتنی ئۆپيك پڵەس قەبارەی بەرهەمهێنانی كەمكردووەتەوە و كۆی گشتیی بەرهەمەكانی لە ئاستی پێویستدا نین بەراورد بە بەرهەمەكانی بەشەكانی دیكەی عیراق”.

وەزارەتی سامانە سرووشتییەكانی هەرێم بسی لەوەش كردووە:” ئەو ڕوونكردنەوەیان بۆ حكومەتی فیدراڵی وەكو بەشێك لە گفتوگۆیەكی گشتگیرتر لەقەڵەم دەدەن”.

بەردەوام بە لە خوێندنەوە

کوردستان