ئێمە لە تۆرە کۆمەڵایەتیەکان

ئابوری

“ئەو نەوتەی عیراق بۆ هەرێم دەینێرێت بە گرانتر بە هاووڵاتیان دەفرۆشرێتەوە”

خەڵك – بەشی هەواڵ
ئەندامێكی لیژنەی نەوت و وزە و سەرچاوە سروشتیەكانی پەڕلەمانی عیراق ڕایدەگەیەنێت، حكومەت ڕاستگۆ نیە لەگەڵ هاووڵاتیان و بەرمیلە نەوتەكەی عیراق بە 31 هەزار دینار دێت و بە گرانتر دەفرۆشرێتەوە، دەشڵێت: “كوردستان پێویستی بە 200 ملیۆن لیترە، عیراق تەنها 50 ملیۆن ڕەوانە دەكات”.

غالب محەمەد، ئەندامی لیژنەی نەوت و وزە و سەرچاوە سروشتیەكانی پەڕلەمانی عیراق بە (خەڵك)ی ڕاگەیاند، عیراق ڕۆژانە بەردەوامە لە ناردنی تەنها ئەو بڕی 50 ملیۆن لیتر نەوتەی، كە پێشتر بڕیاری لەسەر دراوە و ڕۆژانە نزیكەی 8 تانكەر بۆ سلێمانی، لەگەڵ چەند تانكەرێكی دیكە بۆ شارەكانی هەڵەبجە و ئیدارەی گەرمیان دێت.

وتیشی، “حكومەتی هەرێم ڕاستگۆ نیە لەگەڵ هاووڵاتیان، لە چەند ڕۆژی ڕابردوودا چوومە لای بریكاری وەزیری نەوتی عیراق و پێی وتم ئێمە بە 31 هەزار دینار نەوت ڕەوانە دەكەین، واتە لیتری 150 دینار بەناوی سعری حكومی، بەڵام هەرێم بە بیانووی ئەوەی نرخ دیاری نەكراوە، نرخەكەیان بەرزكردۆتەوە”.

ڕاشیگەیاند، هیچ كێشەیەكیش لە گواستنەوەی نەوت نیە، چونكە لە پاڵاوگەی بازیان نەوتی سلێمانی و دەورووبەری دابین دەكرێت و پاڵاوگەی هەولێریش نەوتی خۆی و دهۆك دابین دەكات، بەڵام ئەو دوو پاڵاوگەیە تەنها ئەو بڕە دەدەنە هەرێم، كە عیراق دیاری كردووە.

ئاماژەی بۆ ئەوەشكرد، هەرێمی كوردستان بە تێكڕا پێویستی بە 200 ملیۆن لیتر نەوتی سپی هەیە، ئەوەی عیراق تەنها 50 ملیۆن لیترە، دەبوو حكومەتی هەرێم بڕەكەی دیكەی دابین بكردایە بۆ ئەوەی هەموو هاووڵاتیەك بڕی بەرمیلێك نەوتی پێ بدرێت.

بۆ بەدواداچوونی ئەو پرسە (خەڵك) پەیوەندی كرد بە د. جوتیار عادل، وتەبێژی فەرمی حكومەتی هەرێمەوە، بەڵام پەیوەندییەكەی بەردەست نەبوو.

ئەمە لەكاتێكدایە، كە لە دوای دەستبەكاربوونی كابینەی نۆیەمی حكومەتی هەرێم، ئەنجوومەنی وەزیران بڕیاریدا پێش وەرزی زستان بەرمیلێك نەوت بدرێتە هاووڵاتیان، بەڵام تا ئێستا حكومەتی هەرێم هیچ بڕە نەوتێكی دابەش نەكردووە.

ئابوری

توركیا بۆ ئەمریكا: نیگەرانین و قبوڵی ناكەین

خەڵك – بەشی هەواڵ

وەزارەتی دەرەوەی توركیا ڕایگەیاند، واژۆكردن و پاڵپشتیكردن لە ڕێككەوتنی نەوت لە نێوان كۆمپانیایەكی ئەمریكی و هێزەكانی سوریای دیموكرات (هەسەدە) جێگەی قبوڵكردن نییە.

وەزارەتی دەرەوەی توركیا بۆچوونی خۆی لە بارەی ڕێككەوتنی نێوان كۆمپانیایەكی نەوتی ئەمریكی و ئیدارەی خۆسەر لە ڕۆژئاوای كوردستان ئاشكرا كرد و ڕایگەیاند: “بەداخەوە پێشوازی لە ڕێككەوتنی نێوان كۆمپانیای “دەلتا كرێسینت ئینێرجی”ی ئەمریكی و هێزەكانی سوریای دیموكرات دەكەن لە سوریا كە لەبارەی دەرهێنانی نەوت و بازرگانیكردنە بەو نەوتەوە”.

وەزارەتی دەرەوەی توركیا لە ڕاگەیەنراوەكەدا كە لە ماڵپەڕی وەزارەتەكە بڵاوكراوەتەوە، هێرش دەكاتە سەر یەپەگە و دەڵێت: “بەم هەنگاوە دەستیگرتووە بەسەر سەرچاوە سروشتییەكانی خەڵكی سوریا و هیواكانی خۆی بۆ دابەشكاری زیاتر بەرەوپێش بردوون و خستوونیەتییەڕوو. سەرچاوە سروشتییەكانی سوریا موڵكی خەڵكی سوریایە”.

هاوكات، وەزارەتی دەرەوەی توركیا ڕەخنە لە كۆشكی سپی ئەمریكا دەگرێت كە پشتگیری لە گرێبەستەكە كردووە: “بەداخەوە پێشوازی لە هەڵوێستی ئیدارەی ئەمریكا دەكەن لە پاڵپشتیكردنی بۆ ئەم ڕێككەوتنە كە هیچ حیسابێكی بۆ یاسا نێودەوڵەتییەكان نەكردووە. یەكپارچەیی خاكی سوریا و یەكێتی و سەروەری ئەو وڵاتەی كردووەتە ئامانج. ئەمە دەكەوێتە خانەی پاڵپشتیكردنی تیرۆر لە ڕووی ماددییەوە، بۆیە بەهیچ شێوەیەك جێگەی قبوڵ نییە”.

بەڕێوەبەرایەتیی خۆسەر هەفتەی ڕابردوو ڕێككەوتنی لەگەڵ كۆمپانیای “دەلتا كرێسینت ئینێرجی”ی ئەمریكی لە بواری نەوت واژۆكرد. ئەم كارەش بە ئاگاداری و هاندانی واشنتۆن بووە.

بەگوێرەی ڕێككەوتنەكە كۆمپانیا ئەمریكییەكە توانای بەرهەمهێنانی لە كێڵگە نەوتییەكانی ڕۆژئاوای كوردستان و ناوچەكانی تری ژێر دەسەڵاتی بەڕێوەبەرایەتی خۆسەردا زیاددەكات و نەوتەكەش دەفرۆشێت.

یەكێك لەو خاڵانەی كە تایبەتمەندییەك دەداتە ڕێككەوتنەكە بریتییە لە ئاگاداربوونی ئیدارەی دۆناڵد ترەمپ و ژمارەیەك لە ئەندامانی كۆنگرێس و هاندان و پاڵپشتیكردن لێی لەلایەن واشنتۆنەوە.

بەردەوام بە لە خوێندنەوە

ئابوری

بەغدا هەڕەشەی بەكارهێنانی چەكی ئابووری دژ بە ئەنقەرە دەكات

خەڵك – بەشی هەواڵ

ناكۆكییەكانی عیراق و توركیا لەسەر كێشەی ئاو بەردەوامە و بەغدا هەڕەشەی بەكارهێنانی چەكی ئابووری لە دژی ئەنقەرە دەكات.

مەهدی ڕەشید حەمدانی وەزیری سەرچاوەكانی ئاوی عیراق ڕایگەیاند، توركیا بە دروستكردنی بەنداوی ئەلیسۆ لەسەر ڕووباری دیجلە، زیانی لە هەموو ڕێككەوتنەكانی لەگەڵ عیراق داوە.

وەزیری سەرچاوەكانی ئاوی عیراق وتیشی، بەكارهێنانی چەكی ئابووری لەلایەن عیراقەوە بەرامبەر توركیا دوور نییە.

بە وتەی مەهدی ڕەشید حەمدانی، مستەفا كازمی سەرۆك وەزیرانی عیراق، داوایكردووە دانوستانی ڕاستەوخۆ لەگەڵ توركیا بكرێت لەسەر كێشەی ئاو.

بەردەوام بە لە خوێندنەوە

ئابوری

بەوێنە، سەدان تەن ماسی لە شارێكی عیراق مرداربوونەوە

خەڵك- بەشی هەواڵ
عەلی بدێری ئەندامی لیژنەی كشتوكاڵ و داهاتى ئاو لە پەرلەمانی عیراق، ئاماژە بە مرداربوونەوەی سەدان تەن ماسی دەكات لە پارێزگەی دیوانیە، بەو هۆیەی لەلایەن كەسانی نەناسراو ماددەی ژەهراویان بۆ خراوەتە نێو حەوزی ڕووبارەكە.

بدێری لە لێدوانێكی ڕۆژنامەوانیدا ڕایگەیاند”كارەساتێكی ژینگەیی و ئابوری و بەئامانجگرتنێكی خوازراوی سامانی ماسی هەیە لەڕێی مرداركردنەوەی سەدان تەن ماسى لە ڕووباری سێیەمی سەرچاوەی گشتی، دوای ئەوەی كەسانی نەناسراو ماددەی ژەهراوییان خستبووە حەوزی ڕووبارەكە و بە تایبەتیش لەو ناوچانەی نزیكن لە پارێزگەی دیوانیە”.

ئەو پەرلەمانتارە، بەپرسیارێتی تەواوەتی كارەساتەكە دەخاتە ئەستۆی وەزارەتی ناوخۆ، بەو پێیەی “خاڵی جێگیر و جێگۆڕكێی پۆلیسی ڕوبارەكان و هێزە ئەمنییەكانی تری لەو ناوچانە دانەناوە، بەمەبەستی ڕێگرتن لەوانەی دەیانەوێت سامانی ماسی لە وڵاتدا بەرەو لەناوچوون ببەن”.

بەردەوام بە لە خوێندنەوە

کوردستان