نێچیرڤان بارزانی، سەرۆكی هەرێمی كوردستان بە یاوەری شاندێكی باڵا گەیشتە بەغدای پایتەخت.
كەمێك پێش ئێستا بارزانی بە سەرۆكایەتی شاندێكی باڵای حكومەتی هەرێمی كوردستان گەیشتە بەغدای پایتەخت و بڕیارە بەشداری لە مەراسیمەكانی یادی شەهیدبوونی محەمەد باقر حەكیم و مەراسیمی 42 ساڵەی دامەزراندنی ڕێكخراوی بەدردا بكات.
سەرۆكی هەرێمی كوردستان لەسەردانەكەیدا لەگەڵ هەر چوار سەرۆكایەتی كۆمار و حكومەتی فیدراڵی و پەرلەمان و دەسەڵاتی دادوەری كۆدەبێتەوە و بارودۆخی ئێستای عێراق و پێشهاتەكانی ڕێككەوتنی ئەم دواییەی نێوان بەغدا و هەولێر، تاوتوێ دەكەن.
