ئێمە لە تۆرە کۆمەڵایەتیەکان

جیهان

هاووڵاتیانی شه‌ش وڵات، وه‌ك كۆچبه‌ر بۆیان نییه‌ بێنه‌ ئه‌مریكاوه‌

خەڵک ـ لوقمان غه‌فوور

رۆژی 31ی جێنیوه‌ری ئیداره‌ی تره‌مپ بڕیاریدا، هاووڵاتیانی شه‌ش وڵات به‌ هیچ جۆرێك بۆیان نییه‌ وه‌ك كۆچبه‌ر و په‌نابه‌ر بێنه‌ ئه‌مریكاوه‌، ئه‌وانیش قیرزغستان، میانمار، ئه‌ریتریا، نێیجیریا، سودان و ته‌نزانیا.

دوای سێ ساڵ له‌سه‌رۆكایه‌تی، سه‌رۆك دۆناڵد تره‌مپ ئه‌مه‌ یه‌كه‌مین ئاگاداركردنه‌وه‌یه‌تی كه‌ ده‌رگا له‌سه‌ر په‌نابه‌ران دابخات به‌ شێوه‌یه‌كی یاسایی دێنه‌ وڵاته‌كه‌یه‌وه‌.

به‌پێی هه‌واڵێكی واشنگتۆن پۆست چه‌ند جارێك سه‌رۆك دۆناڵد تره‌مپ ڕایگه‌یاندووه‌، بۆ ماوه‌یه‌كی كاتی گه‌شتی له‌چه‌ند وڵاتێك قه‌ده‌غه‌ كردووه‌ بۆ نمونه‌ (ئێران-سۆماڵ-یه‌مه‌ن- سوریا- لیبیا- فه‌نزوێلا و كۆریای باكوور)به‌ڵام بۆ مه‌سه‌له‌ی كۆچبه‌ری یاسایی ئه‌مە یه‌كه‌م هه‌نگاوی دۆناڵد تره‌مپ-ه‌.

رێگرییه‌كه‌ گه‌شتكردنی ئاسایی ناگرێته‌وه‌ له‌و شه‌شه‌ وڵاته‌وه‌ بۆ ئه‌مریكا، به‌ڵام رێگری دروست دەكات بۆ هاووڵاتیانی قیزغستان و میانمار و ئه‌ریتریا و نایجیریا كه‌ ده‌یانه‌وێت ڤیزای هه‌میشه‌یی وه‌رگرن و له‌ ئه‌مریكا بمێننه‌وه‌ له‌نێویاندا خاوه‌نكار و ئه‌وانه‌ی له‌رێگه‌ی به‌رنامه‌ی یانسیبه‌وه‌ (لۆته‌ری) دێن و گرین كارتیان پێده‌درێت.

بریاره‌كه‌ی ئیداره‌ی تره‌مپ له‌ 22ی فێبریوه‌ری واته‌ 22 رۆژی تر ئه‌چێته‌ جێبه‌جێكردنه‌وه‌.

جیهان

قەرقاش: گوشارەكانی ئێران هۆكاری لێك نزیكبوونەوەی عەرەب و ئیسرائیلە

خەڵك – بەشی هەواڵ

وەزیری ئیمارات بۆ كاروباری دەرەوە ڕایدەگەیەنێت: سیاسەتەكانی تاران هۆكاری لێك نزیكبوونەوەی عەرەب و ئیسرائیل.

ئەنوەر قەرقاش وەزیری ئیمارات بۆ كاروباری دەرەوە لە پەراوێزی خولی 75هەمین كۆنگرەی گشتی نەتەوە یەكگرتووەكان ڕایگەیاند: ئیمارات پێویستی بە ڕاگەیاندنی ئاشتی نییە بۆ بەرەنگاربوونەوەی ئێران، بەڵام سیاسەتەكانی تاران لە ساڵانی ڕابردوودا وای لە وڵاتانی كەنداو كردووە پێداچوونەوە بە تێڕوانینەكانی خۆیان بەرامبەر ئیسرائیل بكەن.

وەزیری ئیمارات بۆ كاروباری دەرەوە ئەوەشی خستەڕوو، وڵاتەكەی بە واژۆكردنی ڕێككەوتنی ئاشتی و ئاساییكردنەوەی پەیوەندییەكانی لەگەڵ ئیسرائیل، پێگەی خۆی لەسەر ئاستی ناوچە و جیهان بەهێز تر كردووە و ئێستا ئیمارات و ئیسرائیل هاوپەیمانێكی بەهێزی ڕۆژهەڵاتی ناوەڕاستن.

بەردەوام بە لە خوێندنەوە

جیهان

حەریری هۆشداری دەدات

خەڵك – بەشی هەواڵ

سەرۆك وەزیرانی پێشووتری لوبنان نیگەرانی خۆی لەبارەی كشانەوەی مستەفا ئەدیب لە پێكهێنانی حكومەتی لوبنان راگەیاند، هاوكات هۆشداریشیدا بەو كەسانەی كە بەشكستی دەستپێشخەرییەكەی ماكرۆن دڵخۆشن لە داهاتوودا پەنجەی پەشیمانی دەگەزن.

سەعد حەریری، سەرۆك وەزیرانی پێشووتری لوبنان لە بەیاننامەیەكدا بڵاویكردەوە، كشانەوەی مستەفا ئەدیب لە پێكهێنانی حكومەتی لوبنان نمونەیەكی خراپی شكستی لایەنە سیاسییەكانی وڵاتەكەیە لەنزیكبوونەوە لە یەكتر بۆ بەرژەوەندی وڵات.
ئاماژەی بەوەشكرد، شكستهێنانی دەستپێشخەرییەكەی ئیمانوێل ماكرۆن، سەرۆكی فەڕەنسا مەترسییەكە بۆ سەر ئاسایشی ناوخۆی لوبنان.

حەریری دەشڵێت، ئەو كەسانەی كە ئێستا بەشكستی دەستپێشخەرییەكەی ماكرۆن دڵخۆشن و ئاهەنگ دەگێڕن، لە داهاتوودا بەهۆی لەدەستچوونی هەلێكی ناوازە و لەدەستدانی هاوڕێیەكی لوبنان پەنجەی پەشیمانی دەگەزن.

ئەمەش لە كاتێكدایە، ئەمڕۆ شەممە، مستەفا ئەدیب سەرۆك وەزیرانی ڕاسپێدراو بۆ پێكهێنانی حكومەتی نوێی لوبنان لە كۆنفڕانسێكی ڕۆژنامەوانیدا شكستی خۆی لە گەیشتن بە دانوستان لەبارەی پۆستە وزارییەكان لەگەڵ لایەنە سیاسییەكانی وڵاتەكەی ڕاگەیاند و لە ئەركی پێكهێنانی حكومەت كشایەوە.

بەردەوام بە لە خوێندنەوە

جیهان

وڵاتێكی تری عەرەبی پەیوەندییەكانی لەگەڵ ئیسرائیل ئاسایی دەكاتەوە

خەڵك – بەشی هەواڵ

میدیاكانی ئیسرائیل ئاشكرایانكرد، دەوڵەتێكی تری عەرەبی پەیوەندییەكانی لەگەڵ ئیسرائیل ئاسایی دەكاتەوە.

میدیاكانی ئیسرائیل لە زاری سەرچاوەیەكی باڵای وڵاتەكەیانەوە بڵاویانكردەوە، لەچوارچێوەی هەوڵەكانیان بۆ ئاساییكردنەوەی پەیوەندییەكانی نێوان ئیسرائیل و وڵاتانی عەرەبی، لە داهاتوویەكی نزیكدا بنیامین ناتانیاهۆ سەرۆك وەزیرانی ئیسرائیل لەگەڵ عەبدولفەتاح بورهان سەرۆكی ئەنجومەنی ڕاگوزەری سیاسی سودان كۆدەبێتەوە و پێشبینیش دەكرێت سودان ببێتە سێیەم وڵاتی عەرەبی لە دوای ئیمارات و بەحرەین لەم ماوەیەدا كە پەیوەندییەكانی لەگەڵ تەلئەبیب ئاسایی بكاتەوە.

ئەوەش خراوەتەڕوو، ئاساییكردنەوەی پەیوەندییەكانی نێوان ئیسرائیل و سودان دوای ئەوە دێت، ئەمریكا بەڵێنی داوە ئەگەر سودان ئەو هەنگاوە جێبەجێ بكات لە لیستی وڵاتانی پاڵپشتیكار لە تیرۆر دەردەهێنرێت و سەرجەم سزا سەپێنراوەكانیش لەسەر ئەو وڵات هەڵدەگیرێن.

بەردەوام بە لە خوێندنەوە

کوردستان